ନୂଆଦିଲ୍ଲୀ,୨୮ା୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଗୌତମ ବୁଦ୍ଧ ନଗର ଜିଲା ଜେଓ୍ବାରରେ ନୋଇଡା ଅନ୍ତର୍ଜାତୀୟ ବିମାନବନ୍ଦରର ପ୍ରଥମ ପର୍ଯ୍ୟାୟ ଉଦ୍ଘାଟନ କରିଛନ୍ତି।
ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି, ଆଜି ଆମେ ବିକଶିତ ଉତ୍ତର ପ୍ରଦେଶ, ବିକଶିତ ଭାରତ ଅଭିଯାନର ଏକ ନୂତନ ଅଧ୍ୟାୟ ଆରମ୍ଭ କରୁଛୁ। ପ୍ରତି ଦୁଇ ମିନିଟରେ ଜେଓ୍ବାର ବିମାନବନ୍ଦରରୁ ବିମାନ ଉଡ଼ାଣ କରିବ। ସେ ଦେଶର ଯୁବପିଢ଼ିଙ୍କୁ ସମ୍ବୋଧିତ କରି କହିଥିଲେ ଯେ, ସେ ବୁଝନ୍ତି ଯେ ଏହି କାର୍ଯ୍ୟ ସେମାନଙ୍କ ଭବିଷ୍ୟତକୁ ଏକ ନୂତନ ପ୍ରେରଣା ଦେବାକୁ ଯାଉଛି।
ସେହିପରି ପ୍ରଧାନମନ୍ତ୍ରୀ ଯୁଦ୍ଧ ସ୍ଥିତିକୁ ନେଇ ଏକ ବଡ଼ ଘୋଷଣା କରିଛନ୍ତି। ସେ କହିଛନ୍ତି, ଆଜି ସମଗ୍ର ବିଶ୍ୱ ଚିନ୍ତିତ। ପଶ୍ଚିମ ଏସିଆରେ ଗୋଟିଏ ମାସ ଧରି ଏକ ଯୁଦ୍ଧ ଚାଲିଛି। ଏହି ଯୁଦ୍ଧ ଅନେକ ଦେଶରେ ଖାଦ୍ୟ, ପେଟ୍ରୋଲ, ଡିଜେଲ, ଗ୍ୟାସ୍ ଏବଂ ସାର ଭଳି ଅତ୍ୟାବଶ୍ୟକୀୟ ସାମଗ୍ରୀର ବ୍ୟାପକ ଅଭାବ ସୃଷ୍ଟି କରିଛି। ପ୍ରତ୍ୟେକ ଦେଶ ଏହି ସଙ୍କଟର ମୁକାବିଲା କରିବାକୁ ଚେଷ୍ଟା କରୁଛି, ଏବଂ ଭାରତ ମଧ୍ୟ ଏହାର ନାଗରିକଙ୍କ ଶକ୍ତି ଉପରେ ଭରସା କରି ଏହାର ସମସ୍ତ ଶକ୍ତି ସହିତ ଲଢ଼ୁଛି। ପ୍ରଧାନମନ୍ତ୍ରୀଙ୍କ ଏହି ଗସ୍ତ ସମୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଉପସ୍ଥିତ ଥିଲେ।
