ଟିଟିଲାଗଡ, ୧୯ା୫ (ଡି.ଏନ.ଏ.): ବଲାଙ୍ଗୀର ଜିଲା ଟିଟିଲାଗଡ଼ ହିନ୍ଦୀ ହାଇସ୍କୁଲ ପରିସରରେ କୋଶଳୀ ଭାଷା ସୁରକ୍ଷା ସମିତି ତରଫୁ ବୁଦ୍ଧ ଆର ଭୀମ ଭୋଇକଁର ଜନମ୍ ତିଥି ପାଲିତ ହେଇଯାଇଛେ। ମୁର୍ଧନିଅଁା କବି ବିଭାକରୀଚରଣ ମିଶ୍ରକଁର ସଭାପତିତ୍ୱନେ ଆୟୋଜିତ ସଭାନେ ମୁଖିଆ କୁନୁଅଁା ହିସାବେ କୋଶଳ ସାଂସ୍କୃତିକ ମହାଜୋଟର ସମ୍ପାଦକ ଟିକେଲାଲ ବେହେରା, ସାହିତ୍ୟ ସଂସ୍କୃତି ଅନୁଷ୍ଠାନର ଉପସଭାପତି ସେବକଚରଣ ଦାଶ, ସଞ୍ଜୟ ଅଗସ୍ତି ପରମୁଖ ଯୋଗଦେଇ ବୁଦ୍ଧକଁର ଜ୍ଞାନତତ୍ତ୍ୱ ଆର ଭୀମ ଭୋଇକଁର ସାହିତିଅ ଉପରେ ଆଲୋଚନା କରିଥିଲେ। ଇ ଉଧେ କୁନୁଅଁାମାନେ ଭୀମ ଭୋଇକଁର ସାହିତିଅ କୁରତିକେ କୋଶଲି ଭାଷାରେ ଅନୁବାଦ କରବାର ଲାଗି ମତ୍ ଦେଇଥିଲେ। ଇ ଅବ୍ଛରରେ ସୁରକ୍ଷା ସମିତିର ମୁଖପତର ‘ଝଁାପି’ର ଉନ୍ମୋଚନ କରାଯାଇଥିଲା। ଦୁତୀଅ ଖେପି ହେଇଥିବାର ସଭାରେ କୋଶଲି ଭାଷାର ନଁାକରା କବି ସୁନୀଲ ଅଗସ୍ତିକଁର ସଂଯୋଜନାରେ କବି ଦିଲୀପ ପସାୟତ, ଜ୍ୟୋତି ପ୍ରକାଶ ଗଡ଼ତ୍ୟା, ନଧିସିଂହ ସାହୁ, ଚତୁର୍ଭୁଜ ସାଆନ୍ତ, ଭିକାରୀ ମିଶ୍ର, ସୁନୀଲ ଅଗସ୍ତି, ଟିକେଲାଲ ବେହେରା, ସଞ୍ଜୟ ଅଗସ୍ତି, ସେବକଚରଣ ଦାଶ ପରମୁଖ ନିଜର ନିଜର ଲେଖ୍ଲା କବିତା ପଢ଼ିଥିଲେ। ଶେଷେ କବି ମହେନ୍ଦ୍ର ପାଣିଗ୍ରାହୀ ଧଏନ୍ବାଦ ଦେଇଥିଲେ। ସଭାକେ ସଫଲ କରବାରେ ସୁରେଶ ଜାଲ, ନୀଳମଣି ସାହୁ, ଚିତ୍ତରଞ୍ଜନ ଚାନ୍ଦ, ଜିତୁ ସାହୁ, ସୁଶାନ୍ତ ଯୋଶୀ, ଚୈତନ୍ୟ ଭୋଇ ସହଯୋଗ କରିଥିଲେ।
