ଚଣ୍ଡିଗଡ଼,୧୧ା୪: ଅଧିନାୟକ ଶ୍ରେୟସ ଆୟାରଙ୍କ ଅପରାଜିତ ୬୯ ରନର ଇନିଂସ ବଳରେ ପଞ୍ଜାବ କିଙ୍ଗ୍ସ ଏକ ହାଇସ୍କୋରିଂ ଆଇପିଏଲ୍ ମ୍ୟାଚ୍ରେ ସନରାଇଜର୍ସ ହାଇଦ୍ରାବାଦ୍କୁ ପରାସ୍ତ କରିଛି। ପଞ୍ଜାବର ଚତୁର୍ଥ ମ୍ୟାଚ୍ରେ ତୃତୀୟ ବିଜୟ ହୋଇଥିବା ବେଳେ ହାଇଦ୍ରାବାଦ୍ ଲାଗି ଚତୁର୍ଥ ମ୍ୟାଚ୍ରେ ତୃତୀୟ ପରାଜୟ। ବୃନ୍ଦାବନରେ ଘଟିଥିବା ବୋଟ୍ ବୁଡ଼ି ଘଟଣାରେ ପ୍ରାଣ ହରାଇଥିବା ପୀଡ଼ିତଙ୍କ ପଞ୍ଜାବ ଦଳର ଖେଳାଳିମାନେ ି କଳା ରଙ୍ଗର ଆର୍ମବ୍ୟାଣ୍ଡ ପିନ୍ଧିଥିଲେ।
ପାଇ ପ୍ରଥମେ ବ୍ୟାଟିଂ କରିଥିବା ହାଇଦ୍ରାବାଦ୍କୁ ଅଭିଷେକ ଶର୍ମା ଓ ଟ୍ରାଭିସ ହେଡ୍ ବିସ୍ଫୋରକ ଆରମ୍ଭ ପ୍ରଦାନ କରିଥିଲେ। ଦୁହେଁ ପାଓ୍ବରପ୍ଲେ ଶେଷ ସୁଦ୍ଧା ଦଳୀୟ ସ୍କୋରକୁ ୧୦୫ ରନରେ ପହଞ୍ଚିବା ସହ ୮ ଓଭରରେ ୧୨୦ ରନ ଯୋଡ଼ିଥିଲେ। ନବମ ଓଭରରେ ପାର୍ଟ ଟାଇମ ବୋଲର ଶଶାଙ୍କ ସିଂ ଦୁଇ ଓପନରଙ୍କୁ ପାଭିଲିଅନ ପଠାଇଥିଲେ। ହେଡ୍ ୨୩ ବଲରେ ୩୮ (୫ ଚୌକା ଓ ୧ ଛକା) ଓ ଅଭିଷେକ ୨୮ ବଲରେ ୭୪ (୫ ଚୌକା ଓ ୮ ଛକା) ରନ କରି ଆଉଟ୍ ହୋଇଥିଲେ।
ଅଧିନାୟକ ଇଶାନ କିଶନ ୧୭ ବଲରେ ୨୭ (୩ ଚୌକା ଓ ୧ ଛକା), ହେନରିକ୍ କ୍ଲାସେନ ୩୩ ବଲରେ ୩୯ (୧ ଲେଖାଏ ଚୌକା ଓ ଛକା) ଓ ଅନିକେତ ବର୍ମା ୯ ବଲରେ ୧୮ (୧ ଲେଖାଏ ଚୌକା ଓ ଛକା) ରନ କରିଥିଲେ। ଫଳରେ ହାଇଦ୍ରାବାଦ୍ ନିର୍ଦ୍ଧାରିତ ୨୦ ଓଭରରେ ୬ ଉଇକେଟ ହରାଇ ୨୧୯ ରନ କରିଥିଲା। ପଞ୍ଜାବ ପକ୍ଷରୁ ଅର୍ଶଦୀପ ସିଂ ଓ ଶଶାଙ୍କ ସିଂ ୨ ଲେଖାଏ ଉଇକେଟ ନେଇଥିଲେ।
ଜବାବରେ ପଞ୍ଜାବକୁ ପ୍ରିୟାଂଶ ଆର୍ଯ୍ୟ ଓ ପ୍ରଭସିମରନ ସିଂ ବିସ୍ଫୋରକ ଆରମ୍ଭ ଦେଇଥିଲେ। ଦୁହେଁ ୬.୨ ଓଭରରେ ଦଳୀୟ ସ୍କୋରକୁ ୯୯ ରନରେ ପହଞ୍ଚାଇଥିଲେ। ପ୍ରିୟାଂଶ (୨୦ ବଲ, ୫୭ ରନ, ୫ ଲେଖାଏ ଚୌକା ଓ ଛକା) ଓ ପ୍ରଭସିମରନ (୨୫ ବଲ, ୫୧ ରନ୍, ୪ ଲେଖାଏ ଚୌକା ଓ ଛକା) ଅର୍ଦ୍ଧଶତକ ପୂରଣ କରିବା ପରେ ଆଉଟ୍ ହୋଇଥିଲେ। ଦୁହିଁଙ୍କୁ ଶିବାଙ୍ଗ କୁମାର ଆଉଟ୍ କରିଥିଲେ। କୁପର କନୋଲୀ (୧୧) ଓ ନେହାଲ ଓ୍ବାଧେରା (୧୪) ଫେଲ୍ ମାରିଥିଲେ। ଏହାପରେ ଶଶାଙ୍କ ସିଂ(୧୬)ଙ୍କ ସହ ମିଶି ଅଧିନାୟକ ଶ୍ରେୟସ ଆୟାର ଦଳକୁ ଜିତାଇଥିଲେ। ପଞ୍ଜାବ ୧୮.୫ ଓଭରରେ ୪ ଉଇକେଟ ହରାଇ ୨୨୩ ରନ କରି ମ୍ୟାଚ୍ ଜିତି ନେଇଥିଲା। ଆୟାର ୩୩ ବଲରେ ୫ ଲେଖାଏ ଚୌକା ଓ ଛକା ସହିତ ୬୯ ରନ କରି ଅପରାଜିତ ରହିଥିଲେ।
