ଆଜିକାଲି ଲୋକମାନେ ସୋସିଆଲ ମିଡିଆ ପସିଦ୍ଧି ଅର୍ଜନ ପାଇଁ ଯେକୌଣସି ସ୍ତରକୁ ଯିବାକୁ ପଛାଉ ନାହାନ୍ତି। ନିଜର ପରିଚୟ ସୃଷ୍ଟି କରିବାକୁ ଲୋକେ ଏମିତି କିଛି କରନ୍ତି, ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୁଅନ୍ତି। ନିକଟରେ ୟୁକ୍ରେନର ଜଣେ ଇନ୍ଫ୍ଲୁଏନ୍ସର ଏମିତି କାର୍ଯ୍ୟ କରିଛନ୍ତି। ଇନ୍ଫ୍ଲୁଏନ୍ସର ଆନାସ୍ତାସିଆ ପୋକ୍ରେଶଚୁକ ନିଜା ଅନନ୍ୟ ଫ୍ୟାଶନ ଶୈଳୀ ପାଇଁ ଜଣାଶୁଣା।ମୁହଁ ଏବଂ ଶରୀରରେ ପରିବର୍ତ୍ତନ ଏବଂ ପ୍ଲାଷ୍ଟିକ ସର୍ଜରୀ ପାଇଁ ସେ ପ୍ରସିଦ୍ଧ। ତାଙ୍କ ଗାଲ, ଓଠକୁ ବଢାଇବା ପାଇଁ ଅନେକ ସର୍ଜରି କରିଛନ୍ତି। ପୋକ୍ରେଶଚୁକ ବର୍ତ୍ତମାନ ତାଙ୍କ ନଖକୁ ଏକ ନୂଆ ରୂପ ଦେଇଛନ୍ତି, ଏଥିପାଇଁ ସେ ଚର୍ଚ୍ଚାରେ ଅଛନ୍ତି। ସେ ତାଙ୍କ ନଖକୁ ଅତି ଲମ୍ବା ଏବଂ ତୀକ୍ଷ୍ଣ କରିଛନ୍ତି। ଆନାସ୍ତାସିଆ ପୋକ୍ରେଶଚୁକ ବିଶ୍ୱର ସବୁଠୁ ବଡ଼ ଗାଲଥିବା ମହିଳା ଭାବେ ମଧ୍ୟ ଜଣାଶୁଣା।
ପୋକ୍ରେଶଚୁକ ନିକଟରେ ଇନଷ୍ଟାଗ୍ରାମରେ ନିଜର ଏକ ଭିଡିଓ ଶେୟାର କରିଛନ୍ତି। ଯେଉଁଠାରେ ସେ ତାଙ୍କର ବିସ୍ତାରିତ ଏବଂ ସଜାଯାଇଥିବା ନଖକୁ ଚିତ୍ରଣ କରୁଥିବା ଦେଖାଯାଏ। ଇନଷ୍ଟାଗ୍ରାମରେ ୨୦୦,୦୦୦ରୁ ଅଧିକ ଫଲୋଅର୍ସ ଅଛନ୍ତି।
କିଛି ଲୋକ ଆନାସ୍ତାସିଆର ନୂଆ ଲୁକକୁ ପ୍ରଶଂସା କରିଛନ୍ତି ଏବଂ ଏହାକୁ ଚମତ୍କାର ଏବଂ ଆଶ୍ଚର୍ଯ୍ୟଜନକ ବୋଲି କହିଛନ୍ତି। ତେବେ ଅନ୍ୟମାନେ ଏହାକୁ ଅଦ୍ଭୁତ ଏବଂ ଭୟଙ୍କର ବୋଲି କହିଛନ୍ତି। ବିବାଦ ସହିତ ପୋକ୍ରେଶଚୁକଙ୍କ ଏକ ଦୀର୍ଘ ସମ୍ପର୍କ ଅଛି। ପ୍ଲାଷ୍ଟିକ ସର୍ଜରୀ ଏବଂ ତାଙ୍କ ଚିତ୍ରରେ ଫଟୋଶପ ବ୍ୟବହାର କରି ପୋକ୍ରେଶଚୁକ ଅତୀତରେ ସମାଲୋଚନାର ସମ୍ମୁଖୀନ ହୋଇଥିଲେ। ସମାଲୋଚନା ସତ୍ତ୍ୱେ ସେ ଯାହା ପସନ୍ଦ କରନ୍ତି ତାହା କରନ୍ତି। ସେ ନିଜର ଅଦ୍ଭୁତ ସୌନ୍ଦର୍ଯ୍ୟ ଏବଂ ବକ୍ତବ୍ୟ ସହିତ ଲୋକଙ୍କୁ ଆଶ୍ଚର୍ଯ୍ୟ କରନ୍ତି।
