ଅଭିନେତ୍ରୀ କରିଶ୍ମା ତନ୍ନା ଖୁବଶୀଘ୍ର ମା’ ହେବାକୁ ଯାଉଛନ୍ତି। ସେ ତାଙ୍କ ସ୍ବାମୀ ବରୁଣ ବାଙ୍ଗେରା ସହ ଫଟୋ ଶେୟାର କରି ପ୍ରଶଂସକଙ୍କୁ ଏହି ଗୁଡ୍ନ୍ୟୁଜ୍ ଦେଇଛନ୍ତି। ଏବେ ଉଭୟଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି।
ଇନଷ୍ଟାଗ୍ରାମରେ ଶେୟାର କରାଯାଇଥିବା ପୋଷ୍ଟ ସହିତ, କରିଶ୍ମା ଏକ ହୃଦୟସ୍ପର୍ଶୀ କ୍ୟାପସନ ଲେଖିଛନ୍ତି: ଏକ ଛୋଟ ଚମତ୍କାର। ଆମର ସର୍ବଶ୍ରେଷ୍ଠ ଉପହାର। ଅଗଷ୍ଟ ୨୦୨୬। ଏହି ଖବର ଆସିବା ମାତ୍ରେ, ଖୁସି କପୁର, ଅମ୍ରିତା ଆରୋରା, ବିପାଶା ବାସୁ ଏବଂ କୃତିକା କାମରାଙ୍କ ଭଳି ଷ୍ଟାରମାନେ ପ୍ରଥମେ ତାଙ୍କୁ ଶୁଭେଚ୍ଛା ଜଣାଇଥିଲେ।
କରିଶ୍ମା ଗତ ଦୁଇ ଦଶନ୍ଧି ଧରି ଭାରତୀୟ ମନୋରଞ୍ଜନ ଶିଳ୍ପରେ ଏକ ପରିଚିତ ଚେହେରା। ସେ ୨୦୦୧ରେ ସୁପରହିଟ ଶୋ କ୍ୟୁଙ୍କି ସାସ ଭି କଭି ବହୁ ଥି ସହିତ ତାଙ୍କର କ୍ୟାରିଅର ଆରମ୍ଭ କରିଥିଲେ ଏବଂ କିଛି ଦିନ ମଧ୍ୟରେ ଟେଲିଭିଜନ ଜଗତରେ ଏକ ପ୍ରମୁଖ ନାମ ହୋଇଗଲେ। ପରବର୍ତ୍ତୀ ସମୟରେ ବିଗ ବସ ୮ ତାଙ୍କର ଲୋକପ୍ରିୟତାକୁ ଆକାଶଛୁଆଁ କରିଥିଲା। ସେଠାରେ ସେ ପ୍ରଥମ ରନର୍ସ-ଅପ ଭାବରେ ଶେଷ କରିଥିଲେ। କରିଶ୍ମା ଏବଂ ବ୍ୟବସାୟୀ ବରୁଣ ବାଙ୍ଗେରା ୫ ଫେବୃଆରୀ ୨୦୨୨ରେ ମୁମ୍ବାଇରେ ବିବାହ ବନ୍ଧନରେ ଆବଦ୍ଧ ହୋଇଥିଲେ।
View this post on Instagram
Dharitri – Odisha’s No.1 Odia Daily
