ଭୁବନେଶ୍ବର,୬।୪: ରାଜ୍ୟରେ ଗ୍ୟାସ୍ ସଙ୍କଟକୁ ନେଇ ଚିନ୍ତାରେ ରହିଛନ୍ତି ଖାଉଟି । ଏହାରି ଭିତରେ ୫ କେଜି ଗ୍ୟାସ୍ ବିକ୍ରିକୁ ନେଇ ସ୍ପଷ୍ଟୀକରଣ ଦେଇଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ । ଶ୍ରମିକ ଓ ଛାତ୍ରଛାତ୍ରୀ ID ଦେଖାଇ ୫ କେଜି ଗ୍ୟାସ୍ କିଣିପାରିବେ ବୋଲି କୁହାଯାଇଛି । ତୈଳ ମାର୍କେଟିଂ କଂପାନୀ ଦ୍ବାରା ବିକ୍ରି ୫ କେଜି ଗ୍ୟାସ୍ କିଣିପାରିବେ । e-KYC ହୋଇଥିଲେ ପରିଚୟପତ୍ର ଦେଖାଇ କିଣିପାରିବେ ।
କହିରଖୁଛୁ କି, ମଧ୍ୟପ୍ରାଚ୍ୟ ଯୁଦ୍ଧ ଯୋଗୁଁ ତେଲ-ଗ୍ୟାସ ସଙ୍କଟ ଦେଖାଯାଉଛି । ଏହାରି ଭିତରେ ଅନେକ ସ୍ଥାନରେ ଚଢା ଦରରେ ଗ୍ୟାସ ବିକ୍ରି କରାଯାଉଥିଲା । ଗ୍ରାହକଙ୍କୁ ମିଳିବା ମଧ୍ୟ କଷ୍ଟ ହେଉଥିଲା । ଏହାରି ଭିତରେ ଯୋଗାଣ ମନ୍ତ୍ରୀ ରବିବାର ବଡ଼ ବୟାନ ଦେଇଥିଲେ । ଗ୍ୟାସ୍ ସଙ୍କଟକୁ ଦୃଷ୍ଟିରେ ରଖି ଏଣିକି ଖୋଲା ବଜାରରେ ଗ୍ୟାସ୍ ବିକ୍ରି ହେବ ନାହିଁ ବୋଲି କହିଥିଲେ । ଏହାସହିତ ୫ କେଜି ବାଲା ଗ୍ୟାସ ସିଲିଣ୍ଡରରେ ବି ଗ୍ୟାସ୍ ଭର୍ତ୍ତି କରାଯିବନାହିଁ ।ଯାହା ନାଁରେ କାର୍ଡ ଥିବ ସେମାନେ ହିଁ ଗ୍ୟାସ୍ ଏଜେନ୍ସିରୁ ଗ୍ୟାସ ଟାଙ୍କି ନେଇପାରିବେ ବୋଲି କହିଥିଲେ ।
ତେବେ ମନ୍ତ୍ରୀଙ୍କ ଏଭଳି ବୟାନକୁ ଦେଖି ସାଧାରଣରେ ଅସନ୍ତୋଷ ଦେଖାଦେଇଥିଲା । ଏହାରି ଭିତରେ ଆଜି ଯୋଗାଣ ମନ୍ତ୍ରୀ ୟୁଟର୍ଣ୍ଣ ନେଇ ସ୍ପଷ୍ଟୀକରଣ ରଖିଛନ୍ତି । ଶ୍ରମିକ ଓ ଛାତ୍ରଛାତ୍ରୀ ID ଦେଖାଇ ୫ କେଜି ଗ୍ୟାସ୍ କିଣିପାରିବେ ବୋଲି କହିଛନ୍ତି ।
