ମୁମ୍ବାଇ,୨୦।୮ : ଶିବସେନା (ୟୁବିଟି) ନେତ୍ରୀ ତଥା ଏମପି ପ୍ରିୟଙ୍କା ଚତୁର୍ବେଦୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ଏକ ବ୍ୟଙ୍ଗାତ୍ମକ ଆଭିମୁଖ୍ୟ ଗ୍ରହଣ କରି ଆସନ୍ତା ୨୦୨୪ ନିର୍ବାଚନରେ ତାଙ୍କୁ ବଦଳି କରାଯିବ ବୋଲି ମତ ଦେଇଛନ୍ତି। ସେ କହିଛନ୍ତି ଭାରତର ପରବର୍ତ୍ତୀ ପ୍ରଧାନମନ୍ତ୍ରୀ ବିରୋଧୀ ମେଣ୍ଟ ସଦସ୍ୟ ହେବେ। ଯାହା ଇଣ୍ଡିଆ ଭାବରେ ଜଣାଶୁଣା।
ଚତୁର୍ବେଦୀ ମନ୍ତବ୍ୟ ଦେଇଛନ୍ତି, ପ୍ରଧାନମନ୍ତ୍ରୀ ମୋଦିଙ୍କ ନିକଟରେଲାଲକିଲ୍ଲାରେ ଦେଇଥିବା ଭାଷଣ ତାଙ୍କର ଶେଷ ଭାଷଣ ଥିଲା । କାରଣ ଆସନ୍ତା ବର୍ଷ ପ୍ରଧାନମନ୍ତ୍ରୀଙ୍କ ପଦବୀକୁ ବିରୋଧୀ ମେଣ୍ଟ ସଦସ୍ୟ ଦଖଲ କରି ସାରିଥିବେ। ମହାରାଷ୍ଟ୍ର ସରକାର ଭାଙ୍ଗିବାରେ ଭାଜପାର କାର୍ଯ୍ୟକଳାପର ପ୍ରଭାବ ନିର୍ବାଚନ ଫଳାଫଳରେ ପ୍ରତିଫଳିତ ହେବ। ସେ ଆତ୍ମବିଶ୍ୱାସ ସହିତ କହିଛନ୍ତି ଆସନ୍ତା ଲୋକସଭା ନିର୍ବାଚନରେ ଇଣ୍ଡିଆ ମେଣ୍ଟ ଏକ ବୃହତ ବିଜୟ ହାସଲ କରିବ।
ଯଦି ବାରାଣାସୀରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ପ୍ରିୟଙ୍କା ଗାନ୍ଧୀ ଚାହାଁନ୍ତି ତେବେ ତାଙ୍କୁ ସମର୍ଥନ କରିବାକୁ ସେ କହିଛନ୍ତି। ନିର୍ବାଚନରେ ଜିତିବା ପାଇଁ ପ୍ରିୟଙ୍କା ଗାନ୍ଧୀଙ୍କ ଦକ୍ଷତା ଉପରେ ସେ ଆତ୍ମବିଶ୍ୱାସ ପ୍ରକାଶ କରିଛନ୍ତି।
ପ୍ରିୟଙ୍କା ଗାନ୍ଧୀଙ୍କ ପ୍ରାର୍ଥୀତ୍ୱକୁ ସମର୍ଥନ କରିବାକୁ ମିଳିତ ମଞ୍ଚ ପ୍ରସ୍ତୁତ, ଯଦି ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେବେ ତେବେ ବିରୋଧୀଦଳ ସହମତି ପ୍ରକାଶ କରିବେ। ସେ ୨୦୧୯ ଲୋକସଭା ନିର୍ବାଚନ ସମୟରେ ବାରାଣସୀ ଆସନରେ ପ୍ରଧାନମନ୍ତ୍ରୀଙ୍କ ବିଜୟ ବିଷୟରେ ଉଲ୍ଲେଖ କରିଛନ୍ତି। ୨୦୨୪ ନିର୍ବାଚନ ପାଇଁ ଆଶା ବଢ଼ ଼ିବା ସହିତ ରାଜନୈତିକ ଦୃଶ୍ୟପଟ୍ଟରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ହେବାକୁ ଯାଉଥିବା ସେ କହିଛନ୍ତି।
