ବଲାଙ୍ଗୀର, ୧୭।୪(ସୁନିଲ କୁମାର ମହାନ୍ତି): ବଲାଙ୍ଗୀର ଜିଲା ମହାସଭା ପକ୍ଷରୁ ଭଗବାନ ପର୍ଶୁରାମ ଜନ୍ମୋତ୍ସବ ଓ ପ୍ରତିମୂର୍ତ୍ତି ଅନାବରଣ କାର୍ଯ୍ୟକ୍ରମ ଆସନ୍ତା ୧୯ ତାରିଖରେ ଅନୁଷ୍ଠିତ ହେବ। ଏଥିସକାଶେ ସ୍ଥାନୀୟ ହୋଟେଲ ତ୍ରିବେଣୀଠାରେ ଶୁକ୍ରବାର ଖବରଦାତା ସମ୍ମିଳନୀ କରାଯାଇଥିଲା। ପର୍ଶୁରାମ ବାହିନୀ ସଭପତି ବିଧୁଭୂଷଣ ତ୍ରିପାଠୀ ସୂଚନା ଦେଇଛନ୍ତି ଯେ, ୧୯ ତାରିଖ ସକାଳ ୭ଟାରୁ ନୃସିଂହ ମନ୍ଦିର ଠାରେ ପୂଜାର୍ଚ୍ଚନା ଆରମ୍ଭ ହେବ। ପୂର୍ବାହ୍ନ ୧୧ଟା ୨୮ ମିନିଟରେ ଭଗବାନ ପର୍ଶୁରାମଙ୍କ ପ୍ରତିମୂର୍ତ୍ତି ଅନାବରଣ କରାଯିବ। ଏଥିରେ ସର୍ବଭାରତୀୟସ୍ତରର ବହୁ ମାନ୍ୟଗଣ୍ୟ ବ୍ୟକ୍ତି, ପଦାଧିକାରୀ, ରାଜନେତା ଓ ଜନସାଧାରଣ ଯୋଗଦାନ କରିବେ। ସନ୍ଧ୍ୟାରେ ନୃସିଂହ ମନ୍ଦିରରୁ ବିଶାଳ ଶୋଭାଯାତ୍ରାରେ ସହର ପରିକ୍ରମା କରାଯିବ ବୋଲି ଖବରଦାତା ସମ୍ମିଳନୀରେ ସୂଚନା ଦିଆଯାଇଛି। ଆଜିର ଖବରଦାତା ସମ୍ମିଳନୀରେ ନରେନ୍ଦ୍ର ଆଚାର୍ଯ୍ୟ (ବ୍ରାହ୍ମଣ ସମାଜ ତଥା ରାଜ୍ୟ କାର୍ଯ୍ୟକାରି ସଭାପତି), ପ୍ରାଣବଲ୍ଲଭ ତ୍ରିପାଠୀ (ବ୍ରାହ୍ମଣ ମହାସଭା ସଭାପତି ) , ଶିବ ଶଙ୍କର ଖୁଆସ (ଆବାହକ) ଓ ଅନ୍ୟମାନେ ଉପସ୍ଥିତ ଥିଲେ।
