ନୂଆଦିଲ୍ଲୀ,୨୭।୪: ଆଇପିଏଲ ୨୦୨୩ ମଧ୍ୟରେ ଖେଳାଳିଙ୍କ ସୁରକ୍ଷାରେ ତ୍ରୁଟି ହୋଇଥିବା ମାମଲା ସାମ୍ନାକୁ ଆସିଛି। ଏହି ସିଜନ୍ରେ ହୋମ ଆଣ୍ଡ ଆୱେ ଫର୍ମାଟରେ ଖେଳାଯାଉଛି, ଯେଉଁ କାରଣରୁ ଦଳମାନେ ସେମାନଙ୍କର ଅଧା ମ୍ୟାଚ ଘରୋଇ ଗ୍ରାଉଣ୍ଡରେ ଏବଂ ଅନ୍ୟ ବାକି ମ୍ୟାଚ ବିପକ୍ଷ ଦଳର ଘରୋଇ ଗ୍ରାଉଣ୍ଡରେ ଖେଳୁଛନ୍ତି। ଏହି କାରଣରୁ ଦଳଗୁଡିକ ପ୍ରତ୍ୟେକ ମ୍ୟାଚ ପାଇଁ ବିଭିନ୍ନ ସହରକୁ ଯିବାକୁ ପଡୁଛି। ଏହି ସମୟରେ ଏଭଳି ମାମଲା ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଆଇପିଏଲ ଦଳ ଏକ ମ୍ୟାଚ ପାଇଁ ହେଟେଲରେ ରହିଥିଲେ, ସେହି ହୋଟେଲରୁ ୩ ଜଣ କ୍ରିମିନାଲଙ୍କୁ ଗିରଫ କରାଯାଇଛି। ରିପୋର୍ଟ ଅନୁଯାୟୀ, ଆଇପିଏଲ ଟିମ ରହୁଥିବା ସେହି ହୋଟେଲରେ ୩ ଜଣ ଅପରାଧୀ ମଧ୍ୟ ରହୁଥିଲେ। ହେଲେ ସତର୍କତା ଅବଲମ୍ବନ କରି ପୋଲିସ ଏହି ତିନି ଅଭିଯୁକ୍ତଙ୍କୁ ଗିରଫ କରିଛି। ଏପ୍ରିଲ ୨୦ରେ ମୋହିଲାରେ ଆରସିବି ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯାଇଥିବା ମ୍ୟାଚ ପାଇଁ ବିରାଟଙ୍କ ସମେତ ବହୁ ପ୍ରସିଦ୍ଧ ଖେଳାଳି ଆଇଟି ପାର୍କରେ ଅବସ୍ଥିତ ଏକ ହୋଟେଲରେ ରହିଥିଲେ। ଏହି ସମୟରେ ପୋଲିସ ବିଭାଗ ୩ କ୍ରମିନାଲଙ୍କ ସମ୍ପର୍କରେ ସୂଚନା ପାଇ ଚଣ୍ଡିଗଡ଼ର ଆଇଟି ପାର୍କ ପୋଲିସ ପ୍ରମୁଖ କାର୍ଯ୍ୟାନୁଷ୍ଠାନ ଗ୍ରହଣ କରି ତିନି ଅଭିଯୁକ୍ତଙ୍କୁ ଗିରଫ କରିଥିଲା।
