ନୂଆଦିଲ୍ଲୀ ,୧୨।୨ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ମହର୍ଷି ଦୟାନନ୍ଦ ସରସ୍ବତୀଙ୍କ ୨୦୦ ତମ ଜନ୍ମ ବାର୍ଷିକୀରେ ଆୟୋଜିତ କାର୍ଯ୍ୟକ୍ରମର ଉଦଘାଟନ ନୂଆଦିଲ୍ଲୀର ଇନ୍ଦିରା ଗାନ୍ଧୀ ଇନଡୋର ଷ୍ଟାଡିୟମରେ କରିଛନ୍ତି। ଏହି ସମୟରେ ସେ ଦିୟାନନ୍ଦ ସରସ୍ବତୀଙ୍କ ସମାଜ ପାଇଁ କରିଥିବା କାର୍ଯ୍ୟ ଉପରେ ଆଲୋକପାତ କରିଥିଲେ। ସେ କହିଛନ୍ତି ଯେ ଏହି ଉତ୍ସବ ଐତିହାସିକ ଏବଂ ଭବିଷ୍ୟତରେ ଇତିହାସ ସୃଷ୍ଟି କରିବ। ଆଜି ଏକବିଂଶ ଶତାବ୍ଦୀରେ ଯେତେବେଳେ ବିଶ୍ୱ ଅନେକ ବିବାଦରେ ଛନ୍ଦି ହୋଇ ହିଂସା ଏବଂ ଅସ୍ଥିରତା ମଧ୍ୟରେ ଜଡିତ ରହିଛି ସେତେବେଳେ ଦୟାନନ୍ଦଙ୍କ ଦ୍ୱାରା ପ୍ରଦର୍ଶିତ ପଥ କୋଟି କୋଟି ଲୋକଙ୍କ ମଧ୍ୟରେ ଭରସା ସୃଷ୍ଟି କରିଛି।
ଯେତେବେଳେ ଦାୟନ୍ଦଙ୍କ ଜନ୍ମ ହୋଇଥିଲେ ଦେଶ ପରାଧୀନ ଦ୍ୱାରା ଦୁର୍ବଳ ହେବା ପରେ ନିଜର ଗୌରବ, ଆତ୍ମବିଶ୍ୱାସ ଏବଂ ସବୁକିଛି ହରାଉଥିଲା। ପ୍ରତ୍ୟେକ ମୁହୂର୍ତ୍ତରେ ଆମର ମୂଲ୍ୟବୋଧ ଏବଂ ଆଦର୍ଶକୁ ନଷ୍ଟ କରିବାକୁ ଚେଷ୍ଟା କରାଯାଇଥିଲା। ଏପରି ସମୟରେ ସାମାଜିକ ଭେଦଭାବ, ଉଚ୍ଚ-ନିମ୍ନ, ଅସ୍ପୃଶ୍ୟତା ଭଳି ସାମାଜିକ ଦୁଷ୍କର୍ମ ବିରୋଧରେ ଦୟାନନ୍ଦ ଏକ ଶକ୍ତିଶାଳୀ ଅଭିଯାନ ଆରମ୍ଭ କରିଥିଲେ ।
ମହିଳାମାନଙ୍କ ସମ୍ବନ୍ଧରେ ସମାଜରେ ବୃଦ୍ଧି ପାଇଥିବା ପାରମ୍ପରିକ ପ୍ରଥା ବିରୋଧରେ ଦାୟାନନ୍ଦ ଯୁକ୍ତିଯୁକ୍ତ ଏବଂ ପ୍ରଭାବଶାଳୀ ସ୍ବର ଉତ୍ତୋଳନ କରିଥିଲେ। ସେ ମହିଳାଙ୍କ ପ୍ରତି ହେଉଥିବା ଭେଦଭାବକୁ ବିରୋଧ କରି ମହିଳା ଶିକ୍ଷା ପାଇଁ ଏକ ଅଭିଯାନ ଆରମ୍ଭ କରିଥିଲେ। ଏହାର ଫଳ ସ୍ବରୂପ ଆଜି ଦେଶର ଝିଅମାନେ ରାଫାଲ ଯୁଦ୍ଧ ବିମାନ ଉଡ଼ାଉଛନ୍ତି। ଗରିବ ଏବଂ ଅଧିବାସୀମାନଙ୍କର ଉନ୍ନତିକୁ ହେଉଛିପ୍ରାଥମିକତା ପ୍ରଦାନ କରାଯାଇଛି।
ଦୟାନନ୍ଦ ଜୀ କେବଳ ତାଙ୍କ ଜୀବନରେ ଏକ ପଥ ପରିଷ୍କାର କରିନାହାଁନ୍ତି, ବରଂ ଅନେକ ଅନୁଷ୍ଠାନ ମଧ୍ୟ ସୃଷ୍ଟି କରିଛନ୍ତି। ସେ ତାଙ୍କ ଜୀବନ କାଳରେ ବୈପ୍ଳବିକ ଚିନ୍ତାଧାରା ବହନ କରି ଲୋକଙ୍କୁ ବଞ୍ଚିବାର ପ୍ରେରଣା ଦେଇଥିଲେ। ସେ ପ୍ରତ୍ୟେକ ଚିନ୍ତାଧାରାକୁ ସାମାଜିକ ବ୍ୟବସ୍ଥା ସହିତ ଯୋଡିଥିଲେ। ତାଙ୍କ ଦ୍ୱାରା ରୋପଣ କରାଯାଇଥିବା ଚାରା ଆଜି ଏକ ବିରାଟ ବଟବୃକ୍ଷ ଆକାରରେ ସମଗ୍ର ମାନବିକତାକୁ ଛାଇ ପ୍ରଦାନ କରୁଛି।
