ନୂଆଦିଲ୍ଲୀ,୧୭ ।୧: ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦ(ୟୁଏନଏସସି) ସୋମବାର ପାକିସ୍ତାନ ସ୍ଥିତ ଆତଙ୍କବାଦୀ ଅବଦୁଲ ରହମାନ ମକ୍କିଙ୍କୁ ତାଙ୍କ ଆଇଏସଆଇଏଲ(ଦାଏଶ) ଓ ଅଲ-କାଏଦା ପ୍ରତିବନ୍ଧିତ ସମିତି ଅନୁଯାୟୀ ଏକ ଅନ୍ତର୍ଜାତୀୟ ଆତଙ୍କବାଦୀ ଭାବେ ସୂଚିବଦ୍ଧ କରିଛି । ଗତବର୍ଷ ଚାଇନା ଦ୍ୱାରା ଲସ୍କର-ଏ-ତୋଏବା ଅପରେଟିଭ ଭାବେ ବିଶ୍ୱ ଆତଙ୍କବାଦୀ ଭାବରେ ନିଯୁକ୍ତ କରିବାକୁ ଚେଷ୍ଟା କରିବା ପରେ ଏହି ତାଲିକା ଆସିଛି । ଜୁନ ୨୦୨୨ରେ ଆତଙ୍କବାଦୀ ଅବଦୁଲ ରେହମାନ ମକ୍କିଙ୍କୁ ପ୍ରତିବନ୍ଧକ କମିଟି ଅଧିନରେ ତାଲିକାଭୁକ୍ତ କରିବା ପ୍ରସ୍ତାବକୁ ଅବରୋଧ କରିବା ପରେ ଭାରତ ଚାଇନାକୁ ସମାଲୋଚନା କରିଥିଲା । ଏହି କମିଟି ୟୁଏନଏସସି ୧୨୬୭ କମିଟି ଭାବେ ମଧ୍ୟ ଜଣାଶୁଣା ।
ସୂଚନାଯୋଗ୍ୟ, ଭାରତ ଓ ଆମେରିକା ବହୁ ପୂର୍ବରୁ ମକ୍କିଙ୍କୁ ଘରୋଇ ଆଇନ ଦ୍ୱାରା ଆତଙ୍କବାଦୀ ଭାବେ ସୂଚିବଦ୍ଧ କରି ସାରିଛନ୍ତି । ସେ ଅର୍ଥ ଏକାଠି କରିବା, ଭାରତରେ ବିଶେଷ ଭାବେ ଜମ୍ମୁ-କଶ୍ମୀରରେ ଆକ୍ରମଣ ଯୋଜନା କରିବା ପାଇଁ ଯୁବକଙ୍କୁ ଆତଙ୍କବାଦୀ ସଙ୍ଗଠନରେ ସାମିଲ କରିବା ଓ କଟ୍ଟରପନ୍ଥୀ କରିବା ଅଭିଯୋଗ ରହିଛି । ମକ୍କି ଲସ୍କର-ଏ-ତୋଏବା (ଏଲଇଟି)ର ମୁଖ୍ୟ ଓ ୨୬/୧୧ର ମାଷ୍ଟର ମାଇଣ୍ଡ ହାଫିଜ ସଇଦର ଭିଣୋଇ । ସେ ଆମେରିକା ଦ୍ୱାରା ନାମିତ ବିଦେଶୀ ଆତଙ୍କବାଦୀ ସଙ୍ଗଠନ(ଏଫଟିଓ) ଲସ୍କର ଭିତରେ ବିଭିନ୍ନ ନେତୃତ୍ୱ ନେଇଛନ୍ତି । ସେ ଲସ୍କର ଅଭିଯାନ ପାଇଁ ମଧ୍ୟ ଅର୍ଥ ଏକାଠି କରିବା ଭୂମିକାରେ ରହିଛନ୍ତି ।
