କଟକ ଅଫିସ, ୨୦ା୧୦: ସାହିତି୍ୟକ ପ୍ରଫେସର ବସନ୍ତ କୁମାର ପଣ୍ଡା ଚଳିତବର୍ଷର ମର୍ଯ୍ୟାଦାଜନକ ଗୋଦାବରିଶ ମିଶ୍ର ସମ୍ମାନ ପାଇବାକୁ ମନୋନୀତ ହୋଇଛନ୍ତି। ସାରଳା ସାହିତ୍ୟ ସଂସଦ ପକ୍ଷରୁ ଆସନ୍ତା ୨୬ ତାରିଖରେ କଟକ ସାରଳା ଭବନରେ ସ୍ବତନ୍ତ୍ର କାର୍ଯ୍ୟକ୍ରମରେ ପଣ୍ଡାଙ୍କୁ ସମ୍ମାନିତ କରାଯିବ ବୋଲି ଅନୁଷ୍ଠାନର ସମ୍ପାଦକ ନିରଞ୍ଜନ ତ୍ରିପାଠୀ ବୁଧବାର ସୂଚନା ଦେଇଛନ୍ତି। ପ୍ରଫେସର ପଣ୍ଡା ଉଚ୍ଚକୋଟିର ପ୍ରାବନ୍ଧିକ, ସାହିତ୍ୟ ସମାଲୋଚକ ଓ ଭାଷାବିଦ୍। ଓଡ଼ିଆ, ହିନ୍ଦୀ, ବଙ୍ଗଳା ଓ ଇଂଲିଶ ଭାଷା ସାହିତ୍ୟରେ ତାଙ୍କର ଗଭୀର ବିଦବତ୍ତା ରହିଛି। ତାଙ୍କ କୃତି ମଧ୍ୟରେ ନିସର୍ଗ ନିରାଜନା, କାବ୍ୟ ଜିଜ୍ଞାସା, ବିଶ୍ୱକବି ରବୀନ୍ଦ୍ରନାଥ, ତରୁଣଙ୍କ ପାଇଁ ବୁଦ୍ଧ, ସ୍ବାଧୀନତା ପରବର୍ତ୍ତୀ ଓଡ଼ିଆ ପ୍ରବନ୍ଧ, ରଥ ସପ୍ତକ(ବଙ୍ଗଳା), ଲଙ୍ଗ୍ମ୍ୟାନ୍ ପ୍ରଭୃତି ଗ୍ରନ୍ଥ ରହିଛି। ବର୍ତ୍ତମାନ ସେ ଭାରତ ସରକାରଙ୍କ ଭୁବନେଶ୍ୱରସ୍ଥିତ ଓଡ଼ିଆ ଶାସ୍ତ୍ରୀୟ ଭାଷା କେନ୍ଦ୍ରର ନିର୍ଦ୍ଦେଶକ ଭାବେ କାର୍ଯ୍ୟରତ।
