ନୂଆଦିଲ୍ଲୀ,୭।୪: IPL ୨୦୨୬ର ୧୨ ନମ୍ବର ମ୍ୟାଚ୍ ବାତିଲ ହୋଇଯାଇଛି । କୋଲକାତା ନାଇଟ୍ ରାଇଡର୍ସ ଏବଂ ପଞ୍ଜାବ କିଙ୍ଗସ୍ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ ବର୍ଷାରେ ଧୋଇ ହୋଇଯାଇଛି । ଏହି ମ୍ୟାଚ୍ ବାତିଲ ହେବା ପରେ, ଶ୍ରେୟସ ଆୟରଙ୍କ ଭଉଣୀଙ୍କ ଏକ ଇନଷ୍ଟାଗ୍ରାମ ପୋଷ୍ଟ ଭାଇରାଲ ହୋଇଛି । ଯେଉଁଥିରେ ସେ ଶାହରୁଖ ଖାନଙ୍କ ଟିମ୍ କୋଲକାତା ନାଇଟ୍ ରାଇଡର୍ସ ଉପରେ ମଜା କରୁଥିବା ଦେଖାଯାଉଛି । ଇଡେନ୍ ଗାର୍ଡେନରେ ମ୍ୟାଚ ରଦ୍ଦ ହେବା ଯୋଗୁଁ ଉଭୟ ଦଳକୁ ଗୋଟିଏ ଲେଖାଏଁ ପଏଣ୍ଟ ବାଣ୍ଟିବାକୁ ପଡିଥିଲା।
ତଥାପି, ଏହା ପ୍ରଥମ ଥର ନୁହେଁ ଯେତେବେଳେ କୋଲକାତାର ଇଡେନ ଗାର୍ଡେନ୍ସରେ KKR ଏବଂ PBKS ମଧ୍ୟରେ ମ୍ୟାଚ୍ ବାତିଲ ହୋଇଛି । ଗତ ସିଜନରେ, ବର୍ଷା ଏହି ଦୁଇ ଦଳ ମଧ୍ୟରେ ହୋଇଥିବା ମୁକାବିଲାରେ ବିପର୍ଯ୍ୟୟ ସୃଷ୍ଟି କରିଥିଲା। IPL ୨୦୨୫ ଏପ୍ରିଲ ୨୬ ତାରିଖରେ, କୋଲକାତା ଏବଂ ପଞ୍ଜାବ ଦଳ ଇଡେନ ଗାର୍ଡେନ୍ସରେ ଏକ ମ୍ୟାଚ୍ ରେ ମୁହାଁମୁହିଁ ହୋଇଥିଲେ ଯାହା ଶେଷରେ ବର୍ଷା ଯୋଗୁଁ ବାତିଲ ହୋଇଯାଇଥିଲା। ସେହି ଖେଳରେ, PBKS ପ୍ରଥମେ ବ୍ୟାଟିଂ କରି ମୋଟ ୨୦୧ ରନ୍ କରିଥିଲା। କିନ୍ତୁ, ଯେତେବେଳେ KKR ଲକ୍ଷ୍ୟ ପିଛା କରିବାକୁ ବାହାରିଥିଲା, ବର୍ଷା ବାଧା ସୃଷ୍ଟି କରିଥିଲା ଏବଂ ସେମାନଙ୍କର ଇନିଂସ ୭ ରନ୍ ରୁ ଅଧିକ ଆଗକୁ ବଢ଼ିପାରିନଥିଲା।
ପୁଣିଥରେ ବର୍ଷା କାଳ ସାଜିଛି । ସମାନ ସ୍ଥାନରେ ସମାନ ଦୁଇ ଦଳ ମଧ୍ୟରେ ଖେଳାଯାଇଥିବା ଆଉ ଏକ ମ୍ୟାଚ୍ ବାତିଲ ହୋଇଛି। ଏଥର, ପ୍ରଥମ ଇନିଂସ ସମ୍ପୂର୍ଣ୍ଣ ହୋଇପାରିଲା ନାହିଁ । ଫଳସ୍ୱରୂପ, ମ୍ୟାଚ୍ ରଦ୍ଦ ଏବଂ ପରବର୍ତ୍ତୀ ପଏଣ୍ଟ ବଣ୍ଟନ ପରେ, କେକେଆର ପଏଣ୍ଟ ଟେବୁଲରେ ନିଜର ଖାତା ଖୋଲିଛି । ଶ୍ରେୟସ ଆୟରଙ୍କ ଭଉଣୀ ଶ୍ରେଷ୍ଠା ଆୟର, କେକେଆରକୁ ଯେଉଁ ପଏଣ୍ଟ ମିଳିଥିଲା ତାହା ଉପରେ ମଜା କରିଛନ୍ତି । ସେ ଶାହରୁଖ ଖାନଙ୍କ ଦଳକୁ ଟାର୍ଗେଟ କରି ଏକ ଭିଡିଓ ତିଆରି କରିଥିଲେ, ଯାହାକୁ ସେ ପରେ ଇନଷ୍ଟାଗ୍ରାମରେ ପୋଷ୍ଟ କରିଥିଲେ। ଭିଡିଓରେ, କେକେଆରକୁ ଟାର୍ଗେଟ କରି, ସେ ମନ୍ତବ୍ୟ ଦେଉଥିବାର ଦେଖାଯାଉଛି ଯେ ପଞ୍ଜାବୀମାନଙ୍କର ହୃଦୟ ବଡ଼ – ଯାହା ବୁଝାଇ ଦେଉଛି, “ଠିକ୍ ଅଛି, ଆମେ ତୁମକୁ ଏକ ପଏଣ୍ଟ ଦେଇଥିଲୁ।”
ମ୍ୟାଚ୍ ବାତିଲ ହେବା ଯୋଗୁଁ, ପଞ୍ଜାବ କିଙ୍ଗ୍ସ ଏବେ IPL ୨୦୨୬ ପଏଣ୍ଟ ଟେବୁଲରେ ୩ ମ୍ୟାଚ୍ ପରେ ୫ପଏଣ୍ଟ ପାଇଛି ଏବଂ ଏକ ନମ୍ବର ସ୍ଥାନରେ ରହିଛି । ଏହି ସମୟରେ, ୩ ମ୍ୟାଚ୍ ପରେ ୧ ପଏଣ୍ଟ ସହିତ ଖାତା ଖୋଲିବା ସତ୍ତ୍ୱେ, KKR ୮ମ ସ୍ଥାନରେ ରହିଛି।
