ପଲମ,୧୩।୨(ଡି.ଏନ୍.ଏ.): କଳାହାଣ୍ଡି ଜିଲା ନର୍ଲା ବ୍ଲକ ଅଧୀନ ଭୀମକେଲା ପଞ୍ଚାୟତ ଫଲସାପଡା(ବୁର୍ଡିପଡ଼ା) ନିକଟସ୍ଥ ସାନ୍ଦୁଲ ନଦୀ କୂଳରେ ବଣୁଆ ହାତୀ ପସି ଉପଦ୍ରବ କରିଥିବା ଅଭିଯୋଗ ହୋଇଛି।
ହାତୀପଲ ଫଲସାପଡା ଗ୍ରାମର ଫକୀର ନାଏକଙ୍କ ୨ ଏକର ଜମିରେ ହୋଇଥିବା କଦଳୀ ଫସଲକୁ ନଷ୍ଟ କରିଦେଇଛନ୍ତି। ୧୮ଟି ହାତୀ ବଗିଚାରେ ପସି କଦଳୀ ଗଛକୁ ଦଳିଚକଟି ଦେଇଥିବା ଫକୀର କହିଛନ୍ତି।
ସେହିପରି ବାଲିପଡ଼ା, ଭାନପୁର, ତୁଳାପଡ଼ା, କରମେଲ, ଗୁଡାଙ୍ଗଗୁଛା, ତିତକେଲା, ଫଲସାପଡ଼ା ଆଦି ଗ୍ରାମରେ ହାତୀପଲ ପଶି ବ୍ୟାପକ କ୍ଷତି କରିଥିବା ଜଣାପଡିଛି। ହାତୀପଲ ନର୍ଲା ଅଞ୍ଚଳରେ ଦୀର୍ଘ ଦିନ ହେଲା ରହି ଆସୁଥିବା ବେଳେ ବାରମ୍ବାର ଫସଲ ନଷ୍ଟ କରି ଚାଲିଥିବାରୁ ଚାଷୀମାନେ କ୍ଷତି ଗ୍ରସ୍ତ ହେଉଛନ୍ତି। ଏଣୁ କ୍ଷୟକ୍ଷତିର ଆକଳନ କରି ତୁରନ୍ତ ସରକାରୀ ସହାୟତା ଯୋଗାଇଦେବାକୁ ଚାଷୀମାନେ ଦାବି କରିଛନ୍ତି।
