ସାକ୍ଷୀଗୋପାଳ,୪।୨(ଡି.ଏନ.ଏ): ପୁରୀ ଜିଲା ସତ୍ୟବାଦୀ ଥାନା ବିଲିପଡ଼ା ନିକଟସ୍ଥ ବଢେଇକେରା ଗାଁରେ ଶୁକ୍ରବାର ବୋମମାଡ଼ ହୋଇଛି। ବସ୍ ମାଲିକ ସୁବାଷ ଚନ୍ଦ୍ର ବରାଳଙ୍କ ଘର ଉପରକୁ ଜଣେ ଡ୍ରାଇଭର ବୋମା ମାଡ଼ କରିଥିବା ଜଣାପଡିଛି। କୌଣସି ବିବାଦରୁ ଡ୍ରାଇଭର ସଞ୍ଜୟ ସୁକାରୀ ବସ୍ ମାଲିକଙ୍କ ଘର ଉପରକୁ ବୋମା ମାଡ଼ କରିଥିଲେ। ଏପରିକି ବନ୍ଧୁକ ଦେଖାଇ ଜୀବନରେ ମାରିଦେବାକୁ ଧମକ ଦେଇଥିଲେ। ଏନେଇ ମାଲିକ ବରାଳ ଥାନାରେ ଏକ ଅଭିଯୋଗ କରିଛନ୍ତି।
ଅଭିଯୋଗକୁ ଭିତ୍ତି କରି ସତ୍ୟବାଦୀ ଥାନା ଆଇଆଇସି ଦିଲୀପ କୁମାର ଧଳ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ। ପୋଲିସ ଡ୍ରାଇଭର ସଞ୍ଜୟଙ୍କୁ କାବୁ କରି ଥାନାରେ ଅଟକ ରଖିଛି। ପୋଲିସ ତାଙ୍କଠାରୁ ଗୋଟିଏ ବନ୍ଧୁକ ଓ ୨ଟି ବୋମା ଜବତ କରିଛି।
