ଲଣ୍ଡନ,୫।୯: ଟି -୨୦ କ୍ରିକେଟ୍ ଆସିବା ପରେ ଟେଷ୍ଟ କ୍ରିକେଟର ଧୀରେ ରୋମାଞ୍ଚ କମିବାରେ ଲାଗିଛି। ବହୁ ପୂର୍ବତନ ଭେଟେରାନ ମଧ୍ୟ ଏଥିରେ ସହମତ ଅଛନ୍ତି। ଇଂଲଣ୍ଡର ପୂର୍ବତନ ଅଧିନାୟକ କେଭିନ ପିଟରସେନ ମଧ୍ୟ ଏହି ତାଲିକାରେ ଯୋଗ ଦେଇଛନ୍ତି। ନିକଟରେ ସେ ଏକ ବ୍ଲଗରେ ଟେଷ୍ଟ କ୍ରିକେଟର ଦୁଃଖ ବିଷୟରେ ଲେଖିଥିଲେ ଏବଂ ଏବେ ସେ ଏ ବିଷୟରେ ଏକ ଟୁଇଟ କରିଛନ୍ତି। ଏଥିରେ ଟେଷ୍ଟ କ୍ରିକେଟର ଭବିଷ୍ୟତକୁ ନେଇ ସେ ଆଶଙ୍କା ପ୍ରକାଶ କରିଛନ୍ତି। ପିଟରସେନ ଲେଖିଛନ୍ତି ଯେ ଏହି ଟୁଇଟ୍ କରିବା ମୋ ପାଇଁ ଅତ୍ୟନ୍ତ ଯନ୍ତ୍ରଣାଦାୟକ ଅଟେ। କିନ୍ତୁ ମୁଁ ଭାବୁଛି ଟେଷ୍ଟ କ୍ରିକେଟ ଧୀରେ ଧୀରେ ମରିଯାଉଛି। ୨୦୧୬ ସୁଦ୍ଧା, ଅର୍ଥାତ୍ ପରବର୍ତ୍ତୀ ୫ ବର୍ଷ ପରେ, କେବଳ ହାତଗଣତି ଟେଷ୍ଟ ଖେଳୁଥିବା ଦେଶ ବାକି ରହିବେ। ଏଥିରେ ଇଂଲଣ୍ଡ, ଭାରତ, ଅଷ୍ଟ୍ରେଲିଆ ଏବଂ ସମ୍ଭବତଃ ଦକ୍ଷିଣ ଆଫ୍ରିକା ଏବଂ ପାକିସ୍ତାନ ରହିବ। ଏବେ ୧୨ ଟି ଦେଶ ଟେଷ୍ଟ ଖେଳୁଛନ୍ତି। ଯଦି ପିଟରସନଙ୍କ ଏହି ଭିବିଷ୍ୟବାଣୀକୁ ବିଶ୍ୱାସ କରାଯାଏ, ତେବେ ଆଗାମୀ ୫ ବର୍ଷରେ ଟେଷ୍ଟ ଖେଳୁଥିବା ୭ଟିି ଦଳ ଟେଷ୍ଟ ଆଉ ଖେଳିବେନି। ଏଥିରେ ୱେଷ୍ଟଇଣ୍ଡିଜ, ନ୍ୟୁଜିଲାଣ୍ଡ ଏବଂ ଶ୍ରୀଲଙ୍କା ଭଳି ପୁରୁଣା ଦଳ ଅନ୍ତର୍ଭୁକ୍ତ।
ଯଦି ଆମେ ଗତ ୫ ବର୍ଷରେ ଟେଷ୍ଟ, ଦିନିକିଆ ଏବଂ ଟି୨୦ ମ୍ୟାଚ ଦେଖିବା, ତେବେ ଏହି ଚିତ୍ରଟି ସ୍ପଷ୍ଟ ହୋଇଯାଏ। ୪ ସେପ୍ଟେମ୍ବର ୨୦୧୬ ଠାରୁ ମୋଟ ୧୨୨୨ ଅନ୍ତର୍ଜାତୀୟ ଟି -୨୦ ମ୍ୟାଚ ଖେଳାଯାଇଛି । ଏଥିରେ ୫୦ଟି ଦଳ ଅଂଶଗ୍ରହଣ କରିଛନ୍ତି । ସମାନ ଅବଧିରେ ୨୧ଟି ଦେଶ ମୋଟ ୧୦୮୦ ଟି ଦିନିକିଆ ଖେଳିଛନ୍ତ। ଏହି ସମୟ ମଧ୍ୟରେ ଏକ ବିଶ୍ୱକପ ମଧ୍ୟ ହୋଇଛି। ୧୨ ଟି ଦେଶ ଏହି ସମୟ ମଧ୍ୟରେ ମୋଟ ୪୨୬ଟି ଟେଷ୍ଟ ଖେଳିଥିଲେ। ଅର୍ଥାତ୍ ଗତ ୫ ବର୍ଷରେ ଅଧିକାଂଶ ଟି -୨୦ ମ୍ୟାଚ ଖେଳାଯାଇଛି। ଟେଷ୍ଟର ପ୍ରାୟ ତିନି ଗୁଣ ଏବଂ ଦିନିକିଆ ତୁଳନାରେ ଟିକିଏ ଅଧିକ। ଏହାକୁ ଦେଖିଲେ ପିଟରସନଙ୍କ ଆଶଙ୍କା ଦମ୍ ଥିବା ପରି ମନେ ହୁଏ।
