ବ୍ରିସ୍ବେନ୍,୧୯।୧: ବ୍ରିସବେନ୍ର ଗାବା ଷ୍ଟାଡିୟମରେ ଅଷ୍ଟ୍ରେଲିଆକୁ ପରାସ୍ତ କରି ବିଜୟର ସ୍ବାଦ ଚାଖିଛି ଭାରତ। ଯୁବ କ୍ରିକେଟରଙ୍କ ଜବରଦସ୍ତ ପ୍ରଦର୍ଶନ ଯୋଗୁ ଭାରତ ଏହି ମ୍ୟାଚ୍ରେ ଐତିହାସିକ ବିଜୟ ଲାଭ କରିଛି। ପ୍ରଥମଥର ପାଇଁ ଗାବାରେ ଭାରତ ବିଜୟ ହାସଲ କରିଛି। ଭାରତ ଏଠାରେ ୬ ଟି ଟେଷ୍ଟ ଖେଳି ୫ଟି ହାରି ଗୋଟିଏ ଡ୍ର କରିଥିଲା। ୨୦୦୩ରେ, ସୌରଭ ଗାଙ୍ଗୁଲିଙ୍କ ନେତୃତ୍ୱରେ ଭାରତ ଏଠାରେ ମ୍ୟାଚ୍ ଡ୍ର କରିଥିଲା। ନିଜ ଘରେ ଟେଷ୍ଟ ସିରିଜରେ ଭାରତ ଦ୍ୱିତୀୟ ଥର ପାଇଁ ଅଷ୍ଟ୍ରେଲିଆକୁ ପରାସ୍ତ କରିଛି। ଶେଷ ଥର ପାଇଁ ଭାରତ ନିଜ ଘରେ ୨୦୧୮-୧୯ ଟେଷ୍ଟ ସିରିଜରେ ଅଷ୍ଟ୍ରେଲିଆକୁ ୨-୧ରେ ପରାସ୍ତ କରିଥିଲା। ଭାରତୀୟ ଦଳ କ୍ରମାଗତ ତୃତୀୟ ଥର ପାଇଁ ବର୍ଡର-ଗାଭାସ୍କର ଟ୍ରଫିରେ ବିଜୟର ହ୍ୟାଟ୍ରିକ ଜିତିିଛି। ଏହାପୂର୍ବରୁ ଭାରତ ଶେଷ ଦୁଇଟି ସିରିଜ ଜିତି ବର୍ଡର-ଗାଭାସ୍କର ଟ୍ରଫିକୁ କବଜା କରିଥିଲା। ୨୦୧୮-୧୯ରେ ଅଷ୍ଟ୍ରେଲିଆ ଗସ୍ତରେ ଭାରତ ୨-୧ ଜିତିଥିଲା ଏବଂ ଏହାପୂର୍ବରୁ ୨୦୧୬-୧୭ରେ ଭାରତ ଅଷ୍ଟ୍ରେଲିଆକୁ ନିଜ ଘରେ ସମାନ ବ୍ୟବଧାନରେ ପରାସ୍ତ କରିଥିଲା।
