ଭିନ୍ନ ମୋଡ଼ ନେଲା ନାବାଳକ ଅପହରଣ ଅଭିଯୋଗ:କିନ୍ନର ସଂଘ ସଦସ୍ୟଙ୍କ ସହ ଯିବାକୁ ଜିଦ୍‌

ଅନୁଗୋଳ ଅଫିସ,୧୮।୬ଅନୁଗୋଳ ଜିଲା କଲିୟରୀ ଥାନା ଅଞ୍ଚଳର ଜଣେ ନାବାଳକଙ୍କୁ କେହି ଅପହରଣ କରି ନେଇଥିବା ଗତ ମାସ ୨୪ ତାରିଖରେ ଥାନାରେ ଅଭିଯୋଗ ହୋଇଥିଲା। ପୋଲିସ ଏ ନେଇ ଏକ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଥିଲା। ଚଳିତମାସ ୧୫ ତାରିଖରେ କଲିୟରୀ ପୋଲିସ ସମ୍ପୃକ୍ତ ନାବାଳକଙ୍କୁ ଭୁବନେଶ୍ୱରର କିନ୍ନର ବସ୍ତିରୁ ଉଦ୍ଧାର କରିଥିଲା। ରବିବାର ତାଙ୍କୁ ତାଳଚେର ଏସ୍‌ଡିଜେଏମ୍‌ କୋର୍ଟରେ ହାଜର ପରେ କୋର୍ଟ ସମ୍ପୃକ୍ତ ନାବାଳକଙ୍କୁ ଜିଲା ଶିଶୁ ମଙ୍ଗଳ ସମିତି(ସିଡବ୍ଲ୍ୟୁସି)ଙ୍କ ନିକଟକୁ ପଠାଇ ଦେଇଥିଲେ। କିନ୍ତୁ ସୋମବାର ଏହି ଅପହରଣ ଘଟଣା ଭିନ୍ନ ମୋଡ଼ ନେଇଥିଲା। ଅନୁଗୋଳ ହାଟଛକଠାରେ ଥିବା ସିଡବ୍ଲ୍ୟୁସି କାର୍ଯ୍ୟାଳୟରେ ଏକ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା। ଉଦ୍ଧାର ନାବାଳକ କିନ୍ନର ସଂଘ ସଦସ୍ୟଙ୍କ ସହ ରହିବାକୁ ଜିଦ୍‌ କରିଥିବା ବେଳେ ଭୁବନେଶ୍ୱରରୁ ଯାଇଥିବା ଅଲ ଓଡ଼ିଶା କିନ୍ନର ସଂଘ କର୍ମକର୍ତ୍ତାମାନେ ମଧ୍ୟ ଏ ନେଇ ଦାବି ରଖିଥିଲେ। କିନ୍ତୁ ଏହା ଆଇନ ପରିସରରେ ଆସୁ ନ ଥିବାରୁ ସିଡବ୍ଲ୍ୟୁସି ସେମାନଙ୍କ ଦାବିକୁ ଆଗ୍ରହ୍ୟ କରିବା ସହ ଉଦ୍ଧାର ନାବାଳକଙ୍କୁ ତାଙ୍କ ମାତାପିତାଙ୍କ ଜିମା ଦେଇଥିଲେ।
ପୋଲିସ ଭୁବନେଶ୍ୱର କିନ୍ନର ବସ୍ତିରୁ ଉଦ୍ଧାର କରିଥିବା ନାବାଳକଙ୍କୁ ସିଡବ୍ଲ୍ୟୁସିକୁ ପଠାଇ ଦେଇଥିବା ଖବର ପାଇ ଅଲ୍‌ ଓଡ଼ିଶା କିନ୍ନର ସଂଘ ସମ୍ପାଦିକା ମେଘନା ସାହୁଙ୍କ ସହ ଅନ୍ୟମାନେ ଆସି ଅନୁଗୋଳରେ ପହଞ୍ଚତ୍ଥିଲେ। ଫଳରେ ସିଡବ୍ଲ୍ୟୁସି ଅଧ୍ୟକ୍ଷଙ୍କ ସମେତ ସଦସ୍ୟମାନେ ଅଡ଼ୁଆ ପରିସ୍ଥିତିରେ ପଡ଼ିଥିଲେ। ଏପରି କି ସମ୍ପୃକ୍ତ ନାବାଳକଙ୍କୁ କେଉଁଠାରେ ରଖାଯିବ ତାହାକୁ ନେଇ ଦୀର୍ଘ ୩ ଘଣ୍ଟା ଧରି ତର୍ଜମା ଚାଲିଥିଲା। ନାବାଳକ ଜଣକ କହିଥିଲେ, ତାଙ୍କୁ କେହି ଅପହରଣ କରିନାହାନ୍ତି, ବରଂ ସେ ମା’ ବାପାଙ୍କ ମାନସିକ ନିର୍ଯାତନା ସହି ନ ପାରି ଘର ଛାଡ଼ି ଚାଲିଯାଇଥିଲେ। ଶାଢ଼ି, ଚୂଡ଼ି ସହ ମହିଳାଙ୍କ ପୋଷାକ ପରିଧାନ କରିବାକୁ ସେ ଭଲ ପାଉଥିଲେ। ମହିଳାଙ୍କ ପରି ଆଚାର ବ୍ୟବହାର କରୁଥିବାରୁ ଲୋକଲଜ୍ଜା ଭୟରେ ତାଙ୍କୁ ଘରେ ବନ୍ଦ କରି ରଖାଯାଉଥିଲା। ତେଣୁ ପରିବାର ଲୋକଙ୍କ ପରିବର୍ତ୍ତେ ଅଲ୍‌ ଓଡ଼ିଶା କିନ୍ନର ସଂଘ ସମ୍ପାଦିକାଙ୍କ ସହ ଯିବାକୁ ଦିଆଯାଉ ବୋଲି ସେ କହିଥିଲେ। କିନ୍ତୁ ଏହାକୁ ପରିବାର ଲୋକେ ଓ ସିଡବ୍ଲ୍ୟୁସି ପକ୍ଷରୁ ବିରୋଧ କରାଯାଇଥିଲା। ଏହି ସମୟରେ ସାବାଳକ ହେବା ଯାଏ କିନ୍ନରଙ୍କ ରହିବା ଭଳି ବ୍ୟବସ୍ଥା ଥିବା ଶିଶୁ ଯତ୍ନ କେନ୍ଦ୍ରରେ ରଖିବାକୁ କିନ୍ନର ସଂଘ ସମ୍ପାଦିକା ମେଘନା ସାହୁ ଯୁକ୍ତି ବାଢ଼ିଥିଲେ। ତେବେ ଦୀର୍ଘ ସମୟର ଆଲୋଚନା ପରେ କୌଣସି ପ୍ରକାର ନିର୍ଯାତନା ଦିଆଯିବ ନାହିଁ ବୋଲି ନାବାଳକଙ୍କ ବାପା ସିଡବ୍ଲ୍ୟୁସି ଓ କିନ୍ନର ସଂଘକୁ ଲିଖିତ ଭାବେ ଅବଗତ କରିବା ପରେ ନାବାଳକଙ୍କୁ ପରିବାରକୁ ହସ୍ତାନ୍ତର କରାଯାଇଥିଲା। ଘଟଣାର ସମାଧାନ ସମୟରେ ସିଡବ୍ଲ୍ୟୁସି ସଦସ୍ୟା ବିଦୁଲତା ମିଶ୍ର, ପଦ୍ମାବତୀ ମିଶ୍ର, ଜିଲା ଶିଶୁ ସୁରକ୍ଷା ୟୁନିଟ୍‌ର ଝରଣା ନାୟକ, ସମାଜ ମଙ୍ଗଳ ଅଧିକାରୀ ମନୋରମା ପ୍ରଧାନ ପ୍ରମୁଖ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ବଢ଼ୁଛି ହାତୀ ଜନିତ କ୍ଷୟକ୍ଷତି

ବଇଣ୍ଡା,୫।୫(ପରିକ୍ଷିତ ସାହୁ)ଅନୁଗୋଳ ଜିଲା ଆଠମଲ୍ଲିକ ବ୍ଲକ ଧଣ୍ଡାତୋପା ରେଞ୍ଜରେ କିଛିଦିନ ହେବ ହାତୀ ଉପଦ୍ରବ ଲାଗି ରହିଛି। ନିକଟସ୍ଥ ଜଙ୍ଗଲରୁ ଚାଲି ଆସୁଥିବା ହାତୀ ଜମି...

ପ୍ରାର୍ଥତ୍ପତ୍ର ଦାଖଲ ନ କରି ଫେରିଗଲେ ନଳିନୀକାନ୍ତ

ଆଠମଲ୍ଲିକ, ୩ା୫(ଉଦୀପ୍ତ ପୁରୋହିତ)/ ଅନୁଗୋଳ (ଅମିତ କୁମାର ସାମଲ):ଅନୁଗୋଳ ଜିଲା ଆଠମଲ୍ଲିକ ବିଜେଡି ବିଧାୟକ ପ୍ରାର୍ଥୀ ନଳିନୀକାନ୍ତ ପ୍ରଧାନ ଗୁରୁବାର ପ୍ରାର୍ଥିପତ୍ର ଦାଖଲ ପାଇଁ ବିରାଟ...

ଶଙ୍ଖ ଛାଡ଼ିଲେ ପୂର୍ବତନ ବିଧାୟକ

ଛେଣ୍ଡିପଦା,୧ା୫(ଅଜିତ ଧଳ):ଅନୁଗୋଳ ଜିଲା ଛେଣ୍ଡିପଦା ନିର୍ବାଚନମଣ୍ଡଳୀର ପୂର୍ବତନ ବିଧାୟକ ଖଗେଶ୍ୱର ବେହେରା ବିଜେଡିରୁ ଇସ୍ତଫା ଦେଇଛନ୍ତି। ବିଜେଡି ରାଜ୍ୟ ସଭାପତି ନବୀନ ପଟ୍ଟନାୟକଙ୍କ ନିକଟକୁ ସେ...

‘ଓଡ଼ିଆ ଅସ୍ମିତାକୁ ଜାଗ୍ରତ କରି ରାଜ୍ୟକୁ ୧ ନମ୍ବର କରିବା’

ଅନୁଗୋଳ,୩୦ା୪ (ଅମିତ କୁମାର ସାମଲ)/ ଆଠମଲ୍ଲିକ (ଉଦୀପ୍ତ ପୁରୋହିତ)/ ବଇଣ୍ଡା (ପରିକ୍ଷିତ ସାହୁ):ଓଡ଼ିଶାରେ ପ୍ରଥମ ଥର ଓ କେନ୍ଦ୍ରରେ ତୃତୀୟ ଥର ପାଇଁ ଭାଜପା ସରକାର...

‘ଓଡ଼ିଶାର ନେତା ଓଡ଼ିଆ ଲୋକ ହେବା ଦରକାର’

ଅନୁଗୋଳ,୨୮ା୪(ଅମିତ କୁମାର ସାମଲ)ଓଡ଼ିଆ ଭାଷା, ସଂସ୍କୃତି ଏବଂ ଓଡ଼ିଆ ଲୋକଙ୍କ ଭବିଷ୍ୟତ ଆଜି ଅନ୍ଧାରରେ। ଓଡ଼ିଶାର ନେତା ଓଡ଼ିଆ ଲୋକ ହେବା ଦରକାର। ଓଡ଼ିଶାରେ ଭ୍ରଷ୍ଟ,...

ନିର୍ବାଚନ ଥିବାରୁ ମୁହଁ ଦେଖାଇଲେ ନେତା

ଅନୁଗୋଳ,୨୮।୪ (ଅମିତ କୁମାର ସାମଲ)ଅନୁଗୋଳ ଦେଇ ଯାଇଥିବା ୫୫ ନମ୍ବର ଜାତୀୟ ରାଜପଥ ଅବସ୍ଥା ଶୋଚନୀୟ ହୋଇପଡ଼ିଛି। ଦୀର୍ଘବର୍ଷ ହେଲା କାର୍ଯ୍ୟ ଚାଲିଥିଲେ ମଧ୍ୟ ଶେଷ...

ଉଚ୍ଛେଦକୁ ୬ ବର୍ଷ ବିତିଲା, ନିର୍ମାଣ ହେଉନି

ବଇଣ୍ଡା,୨୮।୪(ପରିକ୍ଷିତ ସାହୁ)ରାଜପଥ ନିର୍ମାଣ ପାଇଁ କରାଯାଇଥିଲା ଉଚ୍ଛେଦ। ଭଙ୍ଗା ଯାଇଥିଲା ରାସ୍ତା ପାର୍ଶ୍ୱରେ ଥିବା ଅନେକ ଯାତ୍ରୀ ବିଶ୍ରାମାଗାର। ସରକାରୀ କାର୍ଯ୍ୟାଳୟଗୁଡ଼ିକୁ ମଧ୍ୟ ମାଟିରେ ମିଶାଇ...

‘କ୍ରୀତଦାସ ନୁହେଁ, ସ୍ବାଭିମାନରେ ବିଶ୍ୱାସକରେ’

ଅନୁଗୋଳ, ୨୭ା୪(ଅମିତ କୁମାର ସାମଲ): ଦୀର୍ଘ ୨୫ ବର୍ଷର ଅପାରଗ ଓ ସ୍ଥାଣୁ ସରକାରରେ ଅନେକେ କ୍ରୀତଦାସ ହେବାକୁ ପସନ୍ଦ କରୁଛନ୍ତି। କିନ୍ତୁ ସେ କ୍ରୀତଦାସରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri