ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କୁ ଆଜି ଦୁନିଆରୁ ବିଦାୟ ଦେବାର ଏକ ମାସ ବିତିଗଲାଣି। କାହିଁକି ସୁଶାନ୍ତ ଏହା କରିଛନ୍ତି, ପୋଲିସ ମଧ୍ୟ ଏହି ଘଟଣାର ତଦନ୍ତ କରୁଛି। ସୁଶାନ୍ତଙ୍କ ପରିବାର ବ୍ୟତୀତ ଜଣେ ବ୍ୟକ୍ତି ଅଛନ୍ତି ଯିଏ ଅଭିନେତା ଚାଲିଯିବା ପରେ ସବୁଠାରୁ ଚକିତ ହୋଇଯାଇଥିଲେ ସେ ହେଉଛନ୍ତି ତାଙ୍କ ପୂର୍ବତନ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେ। ସୁଶାନ୍ତ ମୃତ୍ୟୁ ପରେ ସେ ସୋସିଆଲ ମିଡିଆରୁ ଦୂରରେ ଥିଲେ। ସୁଶାନ୍ତଙ୍କ ମୃତ୍ୟୁର ଏକ ମାସ ପରେ ସେ ଏକ ପୋଷ୍ଟ ଶେୟାର କରିଛନ୍ତି। ଏହି ପୋଷ୍ଟରେ ସୁଶାନ୍ତଙ୍କ ପ୍ରତି ଅଙ୍କିତାଙ୍କ ପ୍ରେମ ସ୍ପଷ୍ଟ ହୋଇଛି। ସୁଶାନ୍ତଙ୍କ ମୃତ୍ୟୁ ପରେ ତାଙ୍କ ପୂର୍ବତନ ପ୍ରେମିକା ଅଙ୍କିତା ଲୋଖଣ୍ଡେ ଭାଙ୍ଗି ପଡିଛନ୍ତି। ସେ ନିଜକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଛନ୍ତି। ସୁଶାନ୍ତଙ୍କ ମୃତ୍ୟୁର ଏକ ମାସ ପୂରଣ ହେବା ପରେ ଅଙ୍କିତା ତାଙ୍କ ଘରେ ପୂଜାପାଠ କରିବା ସହ ଦୀପ ଜାଳିଛନ୍ତି। ଅଙ୍କିତା ଇନ୍ଷ୍ଟାଗ୍ରାମରେ ଏହାର ଫଟୋ ଶେୟାର କରିଛନ୍ତି। ଏହି ପୋଷ୍ଟରେ ମାତ୍ର ତିନୋଟି ଶବ୍ଦ ଲେଖିଛନ୍ତି ଭଗବାନଙ୍କ ସନ୍ତାନ। ଯେଉଁଥିରେ ପ୍ରଶଂସକମାନେ ଅଙ୍କିତାଙ୍କ ଯନ୍ତ୍ରଣା ବୁଝିପାରୁଛନ୍ତି। ଅଙ୍କିତାଙ୍କ ଏହି ପୋଷ୍ଟ ବହୁତ ଭାଇରାଲ ହେବାରେ ଲାଗିଛି। ୟୁଜର୍ସ ତାଙ୍କୁ ଏହି ସମୟରେ ଦୃଢ ଼ ରହିବାକୁ ପରାମର୍ଶ ଦେଉଛନ୍ତି।
