ଜୁନାଗଡ,୧୭।୫(ଡି.ଏନ୍.ଏ.)-ତାମିଲନାଡୁର କୋଏମ୍ବାଟୁରରେ ଫସି ରହିଥିବା କଳାହାଣ୍ଡି ଜିଲାର ୩୦ଜଣ ପ୍ରବାସୀ ରବିବାର ଏକ ବସ୍ ଯୋଗେ ଆସି ଜୁନାଗଡରେ ପହଞ୍ଚିଥିଲେ। ଏଥିରେ ଜୁନାଗଡ ବ୍ଲକର ୧୫, ଧର୍ମଗଡର ୧୦ ଓ କୋକସରା ବ୍ଲକର ୫ଜଣ ଶ୍ରମିକ ରହିଛନ୍ତି। ସମସ୍ତେ କୋଏମ୍ବାଟୁରର ଏକ ସୂତାକଳରେ କାମ କରୁଥିଲେ। ବସ୍ ଡ୍ରାଇଭର ଜୁନାଗଡ ସହର ନିକଟ ହାତୀନଦୀ ବ୍ରିଜଠାରେ ସେମାନଙ୍କୁ ଛାଡିଦେଇ ଚାଲିଯାଇଥିଲେ। ଖବର ପାଇ ଜୁନାଗଡ ବ୍ଲକ ପ୍ରଶାସନ ପକ୍ଷରୁ ଯନ୍ତ୍ରୀ ସଞ୍ଜୟ କୁମାର ମଲ୍ଲିକ, ପୂର୍ବତନ ଏନ୍ଏସି ଅଧ୍ୟକ୍ଷ ମହେଶ କୁମାର ସାହୁ, ମହିଚଲା ସରପଞ୍ଚ ଅଜୟ କୁମାର ବେହେରା, ଆଇନଜୀବୀ ପ୍ରଦ୍ୟୁମ୍ନ କୁମାର ରାଉତ, ଜିଆରଏସ୍ ଶିବ ପଟ୍ଟନାୟକ, କଲିଙ୍ଗା ସାହୁ ପହଞ୍ଚି ସେମାନଙ୍କୁ ଜଳପାନ ଦେବା ସହ ମିନିବସ୍ରେ ରଣପୁର ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରରେ ନେଇ ଛାଡି ଥିଲେ।
