ବଇଣ୍ଡା,୨୧ା୧(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ଓ କିଶୋରନଗର ବ୍ଲକର ବିଭିନ୍ନ ବିଦ୍ୟୁତ୍ ଉପଭୋକ୍ତାଙ୍କଠାରୁ ବକେୟା ସହ ଚଳିତ ମାସର ବିଲ୍ ବାବଦକୁ ମୋଟ୍ ୫୩ ଲକ୍ଷ ୨୦ ହଜାର ୨୬୮ ଟଙ୍କା ସେସୁ ଓ ଏନଜେନ ପକ୍ଷରୁ ଆଦାୟ କରାଯାଇଥିବା ସୂଚନା ମିଳିଛି। ବିଭାଗସୂତ୍ରରୁ ଜଣାପଡ଼ିଛି, ସେସୁ ସିଇଓଙ୍କ ନିର୍ଦ୍ଦେଶକ୍ରମେ ୧୬ତାରିଖରୁ ଏକ ସ୍ବତନ୍ତ୍ର ଟିମ୍ ଗଠନ କରାଯାଇ ୨ଟି ବ୍ଲକର ବିଭିନ୍ନ ଗ୍ରାମରେ ଥିବା ବିଲ୍ ଖିଲାପକାରୀ ଦୋକାନ ଉପରେ ଚଢାଉ କରାଯାଇ ବକେୟା ଆଦାୟ କରାଯାଉଛି। ବକେୟା ବିଲ୍ ବାବଦକୁ ୨୯ ଲକ୍ଷ ୫୩ ହଜାର ୬ ଶହ ଟଙ୍କା ଆଦାୟ ହୋଇଥିବା ବେଳେ ସହ ଚଳିତ ମାସର ବିଲ୍ ବାବଦକୁ ୨୩ ଲକ୍ଷ ୬୬ ହଜାର ୬୬୮ ଟଙ୍କା ଆଦାୟ କରାଯାଇଛି। ୩୪୯ ଜଣ ଖିଲାପିଙ୍କ ବିଦ୍ୟୁତ୍ ବିଚ୍ଛିନ୍ନ କରାଯାଇଛି। ସେସୁ ଏସ୍ଡିଓ ମୋହନ ନାୟକ କହିଛନ୍ତି, ସିଇଓଙ୍କ ନିର୍ଦ୍ଦେଶକ୍ରମେ ବିଭାଗ ପକ୍ଷରୁ ବକେୟା ବିଲ୍ ଆଦାୟ କରାଯାଉଛି। ଅକ୍ରୋଶମୂଳକ ଭାବେ କାହାରି ସଂଯୋଗ ବିଚ୍ଛିନ୍ନ କରାଯାଉନାହିଁ। ଉପଭୋକ୍ତାମାନେ ବକେୟା ବିଲ ପଇଠ କରିବାକୁ ସେ ଅନୁରୋଧ କରିଛନ୍ତି।
