ଅସୁବିଧା ଦୂର କରିବ ଅସ୍ଥାୟୀ ପୋଲ

ବନ୍ତଳା,୨୮ା୧୦(ଦିନେଶ ଦେହୁରୀ) – ପାହାଡ଼ତଳି ଗାଁକୁ ଯାତାୟାତ ପାଇଁ ଭଲ ରାସ୍ତାଟିଏ ନାହିଁ। ନାଳ ଉପରେ ପୋଲଟିଏ ମଧ୍ୟ କରିନି ପ୍ରଶାସନ। ସମସ୍ୟା ସମ୍ପର୍କରେ ବାରମ୍ବାର ଅଭିଯୋଗ ସତ୍ତ୍ୱେ କୌଣସି ପଦକ୍ଷେପ ନିଆଗଲା ନାହିଁ। ଫଳରେ ବର୍ଷ ବର୍ଷ ଧରି ଅସୁବିଧାର ସମ୍ମୁଖୀନ ହୋଇଆସିଥିବା ଅନୁଗୋଳ ବ୍ଲକ ଶରଧାପୁର ପଞ୍ଚାୟତ ରାମିମୁଣ୍ଡା ଗ୍ରାମବାସୀ ଶେଷରେ ଅସ୍ଥାୟୀ ହେଲେ ବି ଅସୁବିଧା ଦୂର ପାଇଁ ମଙ୍ଗଳବାର ନାଳ ଉପରେ ଏକ କାଠ ପୋଲ ନିର୍ମାଣ କରିଛନ୍ତି।
ଗ୍ରାମବାସୀଙ୍କ କହିବା ଅନୁଯାୟୀ, ଜିଲା ସଦର ମହକୁମାଠାରୁ ଗାଁର ଦୂରତା ୧୭ କିଲୋମିଟର। ମୋଟ୍‌ ୧୨୦ ପରିବାର ପାଇଁ ଗମନାଗମନର ସେପରି ସୁବିଧା ନ ଥିବାବେଳେ ପୁପୁଟିଖଣ୍ଡି ନାଳରେ ପଶି ସେମାନଙ୍କୁ ବର୍ଷତମାମ ଯିବାକୁ ହୁଏ। ଖରାଦିନରେ ନାଳରେ ଅଳ୍ପ ପାଣି ଥିବାରୁ କଷ୍ଟେମଷ୍ଟେ ଯିବାଆସିବା କରନ୍ତି ଗାଁ ଲୋକେ। ହେଲେ ବର୍ଷା ଦିନେ ନାଳରେ ଅଧିକ ପାଣି ଯୋଗୁ ଯାତାୟାତ ଅସମ୍ଭବ ହୋଇପଡ଼େ। ଗାଁକୁ ରାସ୍ତା ସହ ନାଳ ଉପରେ ପୋଲଟିଏ ନିର୍ମାଣ ପାଇଁ ଲୋକପ୍ରତିନିଧିମାନଙ୍କଠାରୁ ପ୍ରଶାସନ ଯାଏ ବାରମ୍ବାର ଅଭିଯୋଗ କରାଯାଇଛି। କିନ୍ତୁ ଏଯାଏ କୌଣସି ପଦକ୍ଷେପ ନିଆଯାଇ ନାହିଁ। ଗାଁକୁ ଆମ୍ବୁଲାନ୍ସ ଆସିପାରୁ ନ ଥିବାରୁ ରୋଗୀଙ୍କୁ ମେଡିକାଲ ନେବାରେ ବହୁ ଅସୁବିଧା ହେଉଛି। କାଦୁଅ ସହ ପାଣି ଭିତରେ ପଶି ଯିବାକୁ ପଡ଼ୁଥିବା ବେଳେ ଗ୍ରାମର ଛୋଟ ଛୋଟ ପିଲାମାନେ ସ୍କୁଲକୁ ପାଠ ପଢ଼ିବାକୁ ଯାଇପାରୁ ନାହାନ୍ତି। ତେଣୁ ଗ୍ରାମର କେତେଜଣ ଯୁବକ ଏକାଠି ହୋଇ ନାଳ ଉପରେ ବାଲି ବସ୍ତା ଓ କାଠ ପଟା ପକାଇ ଅସ୍ଥାୟୀ ପୋଲ ନିର୍ମାଣ କରିଥିବା ମୁନା ନାଏକ, ବିନୋଦ ନାଏକ, ଉପେନ୍ଦ୍ର ନାଏକ, ଦୁଃଖବନ୍ଧୁ ନାଏକ, ପ୍ରସନ୍ନ ନାଏକ, ଦିବାକର ନାଏକ, ଅନିଲ ନାଏକ, ପ୍ରଫୁଲ୍ଲ ନାଏକ, ରଞ୍ଜନ ନାଏକ, ରାଜେନ୍ଦ୍ର ନାଏକ, ମିଥୁନ ନାଏକ, ଜୀବନ ନାଏକ, ଧନୀ ନାଏକ, ଅଧୀର ନାଏକ, ନିରଞ୍ଜନ ନାଏକ ପ୍ରମୁଖ ପ୍ରକାଶ କରିଛନ୍ତି। ଏ ସମ୍ପର୍କରେ ଅନୁଗୋଳ ବିଡିଓ ଅଶ୍ୱିନୀ କୁମାର ଶତପଥୀ କହିଛନ୍ତି, ଉକ୍ତ ଗ୍ରାମକୁ ଯାଇ ପରିସ୍ଥିତି ଦେଖିବା ସହ ପୋଲ ନିର୍ମାଣ ନିମନ୍ତେ ସରକାରଙ୍କୁ ପ୍ରସ୍ତାବ ଦିଆଯିବ।

ବହୁ ସମସ୍ୟାରେ ରହିଛୁ
ଗାଁକୁ ରାସ୍ତା ନାହିଁ କି ନାଳ ଉପରେ ପୋଲ ନାହିଁ। ବର୍ଷ ସାରା ପାଣି କାଦୁଅରେ ପଶି ଯାତାୟାତ କରିବାକୁ ପଡ଼ୁଛି। ସରକାରଙ୍କ ନିକଟରେ ଅଭିଯୋଗ କରାଯାଇଥିଲେ ମଧ୍ୟ ଆମ କଥା ଶୁଣାଯାଉ ନାହିଁ। କେବେ ଆମ ସମସ୍ୟା ଦୂର ହେବ ତାହା ଜାଣିପାରୁନୁ।
-ଦନେଇ ନାଏକ, ଗ୍ରାମବାସୀ
ପକ୍କା ପୋଲଟିଏ କରାଯାଉ
ଗ୍ରାମର ବହୁ ଲୋକ ପାଠ ପଢ଼ିନାହାନ୍ତି। ସେଥିପାଇଁ ବୋଧହୁଏ ପ୍ରଶାସନ ଆମ ପ୍ରତି ଏପରି ଅବହେଳା କରୁଛି। ବର୍ଷ ବର୍ଷ ଧରି ସମସ୍ୟାର ସମ୍ମୁଖୀନ ହେଉଥିଲେ ମଧ୍ୟ ଗ୍ରାମବାସୀଙ୍କ ଦୁଃଖ ଦୂର କରାଯାଉ ନାହିଁ। ଭଲ ପୋଲଟିଏ କରାଗଲେ ବଡ଼ ଅସୁବିଧା ଦୂର ହୁଅନ୍ତା।
-ଦୁଃଖବନ୍ଧୁ ନାଏକ, ଗ୍ରାମବାସୀ
ବର୍ଷର ଅଧାଦିନ ପାଣି କାଦୁଅ
ବର୍ଷର ଅଧା ଦିନ ପାଣି କାଦୁଅରେ ଘାଣ୍ଟି ହେଉଛୁ। ବର୍ଷା ଋତୁରେ ନାଳରେ ଉଚ୍ଚ ସୁଅ ଚାଲେ। କେହି ଗାଁ ବାହାରକୁ ଗଲେ କିମ୍ବା ଆସିଲେ ଗାଁଲୋକ ନାଳ ନିକଟରେ ଅପେକ୍ଷା କରି ତାଙ୍କୁ ପାରି କରାନ୍ତି। ଏହି ସମସ୍ୟାର ସମାଧାନ ପ୍ରଥମେ କରାଯାଉ।
-ଲମ୍ବୋଦର ନଏକ, ଗ୍ରାମବାସୀ
ପୋଲଟିଏ ଥିଲେ ଅସୁବିଧା ହୁଅନ୍ତା ନାହିଁ
ପୂର୍ବରୁ ନାଳପାରି ବେଳେ ଛାତ୍ର ସରୋଜ ନଏକ, ଅର୍ଚ୍ଚନା ନାଏକ ଓ ଅନି ନାଏକ ଭାସିଯାଇଥିଲେ। ଗ୍ରାମବାସୀ ପୁରୁଣାଗଡ଼ ନିକଟରୁ ସେମାନଙ୍କୁ ଉଦ୍ଧାର କରିଥିଲେ। କେତୋଟି ଗୋରୁ, ଛେଳି ମଧ୍ୟ ଭାସିଯାଇଛନ୍ତି। ପୋଲଟିଏ ଥିଲେ ଏତେ ଅସୁବିଧା ହୋଇ ନ ଥାନ୍ତା।
-ଘନଶ୍ୟାମ ନାଏକ, ଗ୍ରାମବାସୀ
ରୋଗୀଙ୍କୁ ବୋହିକରି ନେବାକୁ ପଡ଼ୁଛି
ବର୍ଷା ହେଲେ ଯାତାୟାତ ବନ୍ଦ ହୋଇଯାଉଛି। ଗର୍ଭବତୀ ଓ ଗୁରୁତର ରୋଗୀଙ୍କୁ ବୋହି କରି ଜଙ୍ଗଲ କାଦୁଅ ରାସ୍ତାରେ ପାଞ୍ଚ କିଲୋମିଟର ଦୂର ନେବାକୁ ପଡ଼ୁଛି। ବର୍ଷ ବର୍ଷ ଧରି ପିଲାମାନେ ମଧ୍ୟ ସ୍କୁଲ ଯିବାରେ ଅସୁବିଧା ଭୋଗୁଛନ୍ତି।
-ଅନିରୁଦ୍ଧ ନାଏକ, ଗ୍ରାମବାସୀ
ବୁଲିକରି ଯିବାକୁ ପଡ଼ନ୍ତା ନାହିଁ
ପୂର୍ବତନ ବିଧାୟକ ଆସି ଫଟୋ ଉଠାଇବା ସହିତ ପୋଲ ପାଇଁ ପ୍ରତିଶ୍ରୁତି ଦେଇଥିଲେ। କିନ୍ତୁ ଏଯାଏ କିଛି ହେଲା ନାହିଁ। ପୋଲଟିଏ ହେଲେ ଗାଁକୁ ୪ କିଲୋମିଟର ଦୂର ବୁଲିକରି ଯିବାକୁ ପଡ଼ନ୍ତାନି। ଯାତାୟାତ ସହ ବିକାଶ ମଧ୍ୟ ହୋଇପାରନ୍ତା।
-ରଞ୍ଜନ ନାଏକ, ଗ୍ରାମବାସୀ


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଡାକ୍ତର ବଦଳିକୁ ବିରୋଧ କରି ନାକରୁଣ୍ଡିରେ ଗଣଧାରଣା: ପୂର୍ବତନ ଡାକ୍ତରଙ୍କୁ ପୂରାଇ ଦେବୁନି ବୋଲି ଚେତାବନୀ ଦେଲେ ଅଞ୍ଚଳବାସୀ

ଥୁଆମୂଳ ରାମପୁର,୨୧।୧୧ (ଦୁର୍ଗା କୀର୍ତ୍ତି): : କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ନାକରୁଣ୍ଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ବଦଳି ଓ ନିଯୁକ୍ତିକୁ ନେଇ ସ୍ଥାନୀୟ…

ବାତ୍ୟା ବର୍ଷାରେ ଉଜୁଡ଼ିଲା ଚାଷୀଙ୍କ ସୁନା ଫସଲ; ରାଜକନିକାରେ ଜଳମଗ୍ନ ହେକ୍ଟର ହେକ୍ଟର ପାଚିଲା ଧାନ ଜମି; ତୁରନ୍ତ କ୍ଷୟକ୍ଷତି…

ରାଜକନିକା୨୧।୧୧(ସଞ୍ଜୟ କୁମାର ଦାଶ): ଆଉ ଦିନ କେଇଟା ପରେ ବିଲରୁ ସୁନା ଫସଲ ଅମଳ ହୋଇଥାନ୍ତା, ହେଲେ ବାତ୍ୟା ପ୍ରଭାବିତ ଲଗାଣ ବର୍ଷା ଚାଷୀଙ୍କ ସବୁ ସ୍ୱପ୍ନକୁ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଗୁଡାରି ବଂଶଧାରା ବିଜୁ ସେତୁ ରାସ୍ତାର ହେବ ନବକଳେବର; ମଞ୍ଜୁର ହେଲା ୨.୯୬ କୋଟି ଟଙ୍କା

ଗୁଡାରି,୨୧।୧୧(ପ୍ରମୋଦ କୁମାର ପତି ): ଗୁଡାରି ଅଞ୍ଚଳବାସୀଙ୍କ ଦୀର୍ଘ ଦିନର ପ୍ରତୀକ୍ଷାର ଅନ୍ତ ଘଟିଛି। ଗୁଡାରି ସହର ନିକଟସ୍ଥ ବାଦିଗୁଡା ଛକଠାରୁ ବଂଶଧାରା ବିଜୁ ସେତୁ ପର୍ଯ୍ୟନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?