ବେଙ୍ଗାଲୁରୁ,୧୩।୩: ଓଡ଼ିଶା କଂଗ୍ରେସର ୮ଜଣ ବିଧାୟକ ବେଙ୍ଗାଲୁରୁରେ ଥିବା ସ୍ପଷ୍ଟ କରିଛନ୍ତି କର୍ନାଟକ ଉପମୁଖ୍ୟମନ୍ତ୍ରୀ ଡି.କେ ଶିବକୁମାର। ଏହି ଅବସରରେ ଶିବକୁମାର ପ୍ରତିକ୍ରିୟା ଦେଇ କହିଛନ୍ତି, ଘୋଡ଼ା ବେପାର ଆଶଙ୍କା ଥିବାରୁ ଓଡ଼ିଶା କଂଗ୍ରେସର ୮ ବିଧାୟକ ବେଙ୍ଗାଲୁରୁ ଆସିଛନ୍ତି। ବିଧାୟକମାନଙ୍କୁ ଭେଟି ଆଲୋଚନା କରିବେ ବୋଲି ଶିବକୁମାର କହିଛନ୍ତି।
ପୂର୍ବରୁ ୮ ଜଣ ବିଧାୟକ ବେଙ୍ଗାଲୁରୁ ଯିବା ପ୍ରସଙ୍ଗରେ ବରିଷ୍ଠ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ବିସ୍ଫୋରକ ବୟାନ ଦେଇଥିଲେ। ତାରା କହିଥିଲେ, ବିଧାୟକମାନେ ନିଜ ଇଚ୍ଛାରେ ବୁଲିବାକୁ ଯାଇଛନ୍ତି। ସେମାନେ ଘୋଡ଼ା ବେପାର ପାଇଁ ନୁହେଁ କି କାହାକୁ ଡରି ଯାଇନାହାନ୍ତି। ଦୁଇଦିନ ପରେ ସେମାନେ ଫେରି ଆସିବେ ।
ଅନ୍ୟପକ୍ଷେ ବିଧାୟିକା ସୋଫିଆ ଫିର୍ଦ୍ଦୋଶ କହିଥିଲେ, କିଛି ବିଧାୟକ ରାଜ୍ୟ ବାହାରକୁ ଯାଇଥିବା ଖବର ମିଡ଼ିଆରୁ ଜାଣିବାକୁ ପାଇଛି। ସେମାନେ କ’ଣ ପାଇଁ ଯାଇଛନ୍ତି ତାହା ମୁଁ ଜାଣି ନ ଥିବା ଗଣମାଧ୍ୟମକୁ କହିଥିଲେ।
