କଟକଣା ଲଙ୍ଘି ଦେଲେଣି କୋଟିଏ

ଅମିତ କୁମାର ସାମଲ
ଅନୁଗୋଳ ଅଫିସ, ୨୧ା୪ – କରୋନାର ଦ୍ୱିତୀୟ ଲହରକୁ ନେଇ ସବୁଠି ଏବେ ଆତଙ୍କ। ରାଜ୍ୟରେ ଦୈନିକ ସଂକ୍ରମଣ ୫ ହଜାର ମୁହାଁ ହେଲାଣି। ଅନୁଗୋଳରୁ ପ୍ରତିଦିନ ଶହେ ପାଖାପାଖି ପଜିଟିଭ୍‌ ଚିହ୍ନଟ ହେଲେଣି। ତଥାପି ଚେତୁନାହାନ୍ତି ଜିଲାର ବହୁ ଅମାନିଆ। ଗତବର୍ଷ ଲକ୍‌ଡାଉନ୍‌ ଘୋଷଣା ଠାରୁ ଚଳିତବର୍ଷ ଏପ୍ରିଲ ୧୯ ତାରିଖ ଯାଏ ଜିଲାର ଅମାନିଆଙ୍କ ନିକଟରୁ ପୋଲିସ ଓ ପ୍ରଶାସନ ପାଖାପାଖି କୋଟିଏ ଟଙ୍କା ଜରିମାନା ଆଦାୟ କରିସାରିଛି। ଏହି ସମୟ ମଧ୍ୟରେ କେବଳ ମାସ୍କ ନ ପିନ୍ଧି ୧୬ ହଜାର ଲୋକ ଧରାପଡ଼ିଥିବା ସୂଚନା ମିଳିଛି। ଏମାନଙ୍କଠାରୁ ଅନୁଗୋଳ ପୋଲିସ ୬୬ଲକ୍ଷ ୧୧ ହଜାର ୨ ଶହ ଟଙ୍କା ଆଦାୟ କରିଛି। ସେହିପରି ପ୍ରଶାସନ ପକ୍ଷରୁ ମାସ୍କ ଯାଞ୍ଚ ବେଳେ ୨୩ ଲକ୍ଷ ୩ ହଜାର ୨ଶହ ଟଙ୍କା ଜରିମାନା ଆଦାୟ କରାଯାଇଛି। ସାମାଜିକ ଦୂରତ୍ୱ ମାନି ନ ଥିବା ଲୋକଙ୍କଠାରୁ ୯୨ ହଜାର ୫୦୦ ଟଙ୍କା ଓ ବ୍ୟବସାୟୀଙ୍କ ନିକଟରୁ ୩ ଲକ୍ଷ ୬୪ ହଜାର ୯ଶହ ଟଙ୍କା ଜରିମାନା ବାବଦରେ ରସିଦ କଟାଯାଇଛି।
ପ୍ରକାଶ ଯେ, ୨୦୨୦ ମାର୍ଚ୍ଚରେ ଲକ୍‌ଡାଉନ୍‌ ଲଗାଯାଇଥିଲେ ହେଁ ସେହିବର୍ଷ ମେ ୧୦ ତାରିଖରେ ଅନୁଗୋଳ ଜିଲାରେ ପ୍ରଥମ କରି କରୋନା ସଂକ୍ରମିତ ଚିହ୍ନଟ ହୋଇଥିଲେ। ଏହାପରଠାରୁ ଜିଲାରେ କଟକଣାକୁ ଅଧିକ କଡ଼ାକଡ଼ି କରାଯାଇଥିଲା। ଗତ ସେପ୍ଟେମ୍ବର ମାସ ପର୍ଯ୍ୟନ୍ତ ଅମାନିଆଙ୍କ ନିକଟରୁ ଜରିମାନା ଆଦାୟକୁ ଜୋରଦାର କରାଯାଇଥିଲା। ଏହାପରେ ସଂକ୍ରମଣ ହ୍ରାସ ପାଇବାରୁ ପ୍ରଶାସନ ସାମାନ୍ୟ କୋହଳ ଦେଇଥିଲା। କିନ୍ତୁ ଏବେ କରୋନାର ଦ୍ୱିତୀୟ ଲହରକୁ ଦୃଷ୍ଟିରେ ରଖି ଜିଲା ପ୍ରଶାସନ ଓ ପୋଲିସ ପୁଣି ତତ୍ପର ହୋଇଉଠିଛି। କୋଭିଡ୍‌ କଟକଣା ଉଲ୍ଲଂଘନ କରୁଥିବା ଅମାନିଆଙ୍କ ନିକଟରୁ ସର୍ବାଧିକ ୨ ହଜାର ଟଙ୍କା ପର୍ଯ୍ୟନ୍ତ ଜରିମାନା ଆଦାୟ କରାଯାଉଛି। କେବଳ ଜରିମାନା ନୁହେଁ, ମୋଟର ସାଇକେଲ, କାର ଆଦି ଜବତ ହେଉଛି। ମାମଲା ରୁଜୁ କରାଯାଉଛି। ବ୍ୟବସାୟ ପ୍ରତିଷ୍ଠାନକୁ ସିଲ୍‌ କରାଯାଇଛି। ପ୍ରଶାସନର ରିପୋର୍ଟ ଅନୁଯାୟୀ, ଇତିମଧ୍ୟରେ ଅନୁଗୋଳ ଜିଲାରୁ ମୋଟ୍‌ ୯୩ ଲକ୍ଷ ୭୧ ହଜାର ୮ଶହ ଟଙ୍କାର ଜରିମାନା ଆଦାୟ ସରିଲାଣି। ମାସ୍କ ପିନ୍ଧି ନ ଥିବା ୧୬ ହଜାର ୩ ଜଣ ଲୋକଙ୍କ ନିକଟରୁ ପୋଲିସ ୬୬ଲକ୍ଷ ୧୧ ହଜାର ୨ଶହ ଟଙ୍କା ଆଦାୟ କରିଛି। ପ୍ରଶାସନ ପକ୍ଷରୁ ବିଭିନ୍ନ ଉପଖଣ୍ଡସ୍ତରୀୟ ଟିମ୍‌, ତହସିଲଦାରଙ୍କ ଟିମ୍‌, ଗୋଷ୍ଠୀ ଉନ୍ନୟନ ଅଧିକାରୀଙ୍କ ଟିମ୍‌ ଓ ପୌରପାଳିକା ପକ୍ଷରୁ ଗଢ଼ା ହୋଇଥିବା ଟିମ୍‌ ୨୩ ଲକ୍ଷ ୩ହଜାର ୨ଶହ ଟଙ୍କା ଆଦାୟ କରିଛି। ସେହିପରି କ୍ୱାରାଣ୍ଟାଇନ ନିୟମ ମାନି ନ ଥିବା ଅଭିଯୋଗରେ ୮୯ ଜଣଙ୍କ ବିରୋଧରେ ୨୪ଟି ମାମଲା ରୁଜୁ ହୋଇଛି। ୯୧ଟି ଦୋକାନକୁ ପୋଲିସ ସିଲ୍‌ କରିଥିବା ବେଳେ ପ୍ରଶାସନିକ ଟିମ୍‌ ୫୮୩ଟି ବ୍ୟବସାୟିକ ଅନୁଷ୍ଠାନ ସିଲ୍‌ କରିଛି। ସାମାଜିକ ଗଣମାଧ୍ୟମରେ ଅପପ୍ରଚାର କରିଥିବା ୪ ଜଣଙ୍କୁ ଗିରଫ କରାଯାଇଛି। ଏତେସବୁ କାର୍ଯ୍ୟାନୁଷ୍ଠାନ ସତ୍ତ୍ୱେ ଅନୁଗୋଳ ଜିଲାରେ କରୋନା କଟକଣାକୁ ଅମାନିଆମାନେ ଉଲ୍ଲଂଘନ କରି ଚାଲିବା ସଂକ୍ରମଣ ବୃଦ୍ଧିର କାରଣ ହୋଇପାରେ ବୋଲି ସାଧାରଣରେ ଆଶଙ୍କା କରାଯାଉଛି।
ଶହେ ଡେଇଁଲା ପଜିଟିଭ୍‌ ସଂଖ୍ୟା
ଅନୁଗୋଳ ଅଫିସ, ୨୦।୪- ଅନୁଗୋଳ ଜିଲାରେ କରୋନା ସଂକ୍ରମିତଙ୍କ ସଂଖ୍ୟା ମଙ୍ଗଳବାର ଶହେ ଡେଇଁଯାଇଛି। ଦିନକରେ ୧୦୬ ଜଣ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଜିଲାରେ ମୋଟ ପଜିଟିଭ୍‌ ସଂଖ୍ୟା ୧୩ ହଜାର ୩୦୦ରେ ପହଞ୍ଚତ୍ଥିବା ଜିଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ସୂଚନା ଦେଇଛନ୍ତି। ନୂଆ ସଂକ୍ରମିତଙ୍କ ମଧ୍ୟରେ ତାଳଚେର ବ୍ଲକରୁ ସର୍ବାଧିକ ୨୦ ଜଣ, ବଅଁରପାଳ ବ୍ଲକରୁ ୧୮, ଅନୁଗୋଳ ପୌରାଞ୍ଚଳରୁ ୧୭, କଣିହଁା ବ୍ଲକରୁ ୧୪, ଛେଣ୍ଡିପଦାରୁ ୧୨, ତାଳଚେର ପୌରାଞ୍ଚଳରୁ ୧୦, ଅନୁଗୋଳ ବ୍ଲକରୁ ୯, କିଶୋରନଗର ବ୍ଲକରୁ ୪ ଓ ପାଲଲହଡ଼ା ବ୍ଲକରୁ ୨ ଜଣ ରହିଛନ୍ତି। ଅନ୍ୟପକ୍ଷରେ ଦିନକରେ ଜିଲାରୁ ୩୪ ଜଣ କରୋନାରୁ ସୁସ୍ଥ ହୋଇଥିବା ପ୍ରଶାସନ ପକ୍ଷରୁ କୁହାଯାଇଛି।
ସମସ୍ତେ ସଚେତନ ହେବା ଆବଶ୍ୟକ
କଟକଣା ସମ୍ପର୍କରେ ଲୋକଙ୍କୁ ବାରମ୍ବାର ସଚେତନ କରାଯାଉଛି। ତଥାପି ଅନେକେ ଅମାନିଆ ହେଉଥିବାରୁ ଜରିମାନା ଆଦାୟ କରାଯାଉଛି। ଯେଉଁମାନେ ନିୟମ ନ ମାନିବେ ସେମାନଙ୍କ ନିକଟରୁ ୨ ହଜାର ଟଙ୍କା ଲେଖାଏ ଆଦାୟ କରାଯିବ। ସାମାଜିକ ଦୂରତ୍ୱ ନ ମାନିଲେ ଦୋକାନ ସିଲ୍‌ ହେବ।
-ସିଦ୍ଧାର୍ଥ ଶଙ୍କର ସ୍ବାଇଁ, ଜିଲାପାଳ, ଅନୁଗୋଳ
ଲୋକଙ୍କ ସୁରକ୍ଷା ପାଇଁ ରାସ୍ତାକୁ ଆସୁଛୁ
ଲୋକଙ୍କ ସ୍ବାସ୍ଥ୍ୟର ସୁରକ୍ଷା ପାଇଁ ପୋଲିସ ଜରିମାନା ଆଦାୟ କରୁଛି। ମାସ୍କ ବ୍ୟବହାର କଲେ ଲୋକମାନେ କରୋନରୁ ଅନେକାଂଶରେ ବର୍ତ୍ତି ପାରିବେ। ଏ ନେଇ ନିଜେ ସଚେତନ ରହିବା ସହ ଅନ୍ୟକୁ ସଚେତନ କରିବା ପାଇଁ କୁହାଯାଉଛି। କରୋନାରେ ଆକ୍ରାନ୍ତ ହେଲେ ଏହା ଜରିମାନା କଷ୍ଟକୁ ବଳିଯିବ।
-ଜଗମୋହନ ମୀନା, ଏସ୍‌ପି, ଅନୁଗୋଳ
କଡ଼ା କାର୍ଯ୍ୟାନୁଷ୍ଠାନ ଆବଶ୍ୟକ
ବାରମ୍ବାର ସଚେତନ କରାଯାଉଛି। କିନ୍ତୁ ବହୁ ଲୋକ କଟକଣା ଉଲ୍ଲଂଘନ କରିଚାଲିଛନ୍ତି। ଏପରି ଲୋକଙ୍କୁ କେବଳ ଜରିମାନା ନୁହେଁ ଗିରଫ କରାଯିବା ଆବଶ୍ୟକ। ସେମାନଙ୍କୁ ସାବାଡ଼ କରା ନ କଲେ ସଂକ୍ରମଣ ବୃଦ୍ଧି ପାଇବା ସହ ଜିଲା ପ୍ରତି ବିପଦ ମାଡ଼ି ଆସିବ। ପ୍ରଶାସନ ଅଧିକ କଠୋର ହେଉ।
-ଦିବ୍ୟରଞ୍ଜନ ଦାସ, ଅନୁଗୋଳବାସୀ
ଟିକା ଆସିବା ପରେ ହେୟଜ୍ଞାନ ମଣିଲେ
ପ୍ରଥମ ଅପେକ୍ଷା କରୋନାର ଦ୍ୱିତୀୟ ଲହର ଅଧିକ ମାରାତ୍ମକ ବୋଲି ସ୍ପଷ୍ଟ ହେଲାଣି। କିନ୍ତୁ ଟିକା ଆସିଯିବା ପରେ ବହୁ ଲୋକେ ଏହି ମହାମାରୀକୁ ହେୟଜ୍ଞାନ କରିଦେଇଛନ୍ତି। ତେଣୁ ସ୍ଥିତି ବିଗିଡ଼ି ଚାଲିଛି। ସମସ୍ତେ ସତର୍କ ଓ ସଚେତନ ହେବା ସହ ଅନ୍ୟକୁ ସଚେତନ କଲେ ସୁରକ୍ଷିତ ରହିପାରିବା।
-ପ୍ରଫେସର ଶାନ୍ତନୁ କୁମାର ସର, ପୂର୍ବତନ ଅଧ୍ୟକ୍ଷ, ଅନୁଗୋଳ କଲେଜ


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଡାକ୍ତର ବଦଳିକୁ ବିରୋଧ କରି ନାକରୁଣ୍ଡିରେ ଗଣଧାରଣା: ପୂର୍ବତନ ଡାକ୍ତରଙ୍କୁ ପୂରାଇ ଦେବୁନି ବୋଲି ଚେତାବନୀ ଦେଲେ ଅଞ୍ଚଳବାସୀ

ଥୁଆମୂଳ ରାମପୁର,୨୧।୧୧ (ଦୁର୍ଗା କୀର୍ତ୍ତି): : କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ନାକରୁଣ୍ଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ବଦଳି ଓ ନିଯୁକ୍ତିକୁ ନେଇ ସ୍ଥାନୀୟ…

ବାତ୍ୟା ବର୍ଷାରେ ଉଜୁଡ଼ିଲା ଚାଷୀଙ୍କ ସୁନା ଫସଲ; ରାଜକନିକାରେ ଜଳମଗ୍ନ ହେକ୍ଟର ହେକ୍ଟର ପାଚିଲା ଧାନ ଜମି; ତୁରନ୍ତ କ୍ଷୟକ୍ଷତି…

ରାଜକନିକା୨୧।୧୧(ସଞ୍ଜୟ କୁମାର ଦାଶ): ଆଉ ଦିନ କେଇଟା ପରେ ବିଲରୁ ସୁନା ଫସଲ ଅମଳ ହୋଇଥାନ୍ତା, ହେଲେ ବାତ୍ୟା ପ୍ରଭାବିତ ଲଗାଣ ବର୍ଷା ଚାଷୀଙ୍କ ସବୁ ସ୍ୱପ୍ନକୁ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଗୁଡାରି ବଂଶଧାରା ବିଜୁ ସେତୁ ରାସ୍ତାର ହେବ ନବକଳେବର; ମଞ୍ଜୁର ହେଲା ୨.୯୬ କୋଟି ଟଙ୍କା

ଗୁଡାରି,୨୧।୧୧(ପ୍ରମୋଦ କୁମାର ପତି ): ଗୁଡାରି ଅଞ୍ଚଳବାସୀଙ୍କ ଦୀର୍ଘ ଦିନର ପ୍ରତୀକ୍ଷାର ଅନ୍ତ ଘଟିଛି। ଗୁଡାରି ସହର ନିକଟସ୍ଥ ବାଦିଗୁଡା ଛକଠାରୁ ବଂଶଧାରା ବିଜୁ ସେତୁ ପର୍ଯ୍ୟନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?