ଦିନ ତମାମ ବର୍ଷିିଲା

ଅନୁଗୋଳ ଅଫିସ, ୧୦।୮: ଅନୁଗୋଳ ଜିଲାରେ ମଙ୍ଗଳବାର ଦିନତମାମ ପ୍ରବଳ ବର୍ଷା ହୋଇଛି। ସ୍ଥିତି ଏପରି ହୋଇଥିଲା ଯେ ଘରୁ ବାହାରକୁ ବାହାରିବା ମୁସ୍କିଲ ହୋଇଯାଇଥିଲା। ଏପରି ଲଗାଣ ବର୍ଷା କାରଣରୁ ସହର ମଧ୍ୟରେ ପାଣିର ସୁଅ ଛୁଟିଥିବାବେଳେ ତଳି ଅଞ୍ଚଳ ଜଳମଗ୍ନ ହୋଇଥିବା ଦେଖିବାକୁ ମିଳିଛି। ସହର ବହୁ ଲୋକଙ୍କ ଘରେ ପାଣି ପଶିଯାଇଛି। ମନ୍ଦିର ପରିସର ଏପରି କି ଭିତରେ ଥିବା ଦେବଦେବୀ ମଧ୍ୟ ପାଣି ଘେରରେ ଥିବା ଜଣାପଡ଼ିଛି। ରାସ୍ତାରେ ଆଣ୍ଠୁଏ ଉଚ୍ଚର ପାଣି ପ୍ରବାହିତ ହୋଇଥିଲେ ମଧ୍ୟ ସେପରି କ୍ଷୟକ୍ଷତି ହୋଇ ନ ଥିବା ଜିଲା ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଛି। ଅନୁଗୋଳ ସହରରେ ସର୍ବାଧିକ ଶହେ ମିଲିମିଟର (ମି.ମି.)ବର୍ଷା ରେକର୍ଡ କରାଯାଇଥିବା ବେଳେ ପାଲଲହଡ଼ା ବ୍ଲକ ଅଞ୍ଚଳରେ ମାତ୍ର ୫ ମିଲିମିଟର ବର୍ଷା ହୋଇଛି। ତେବେ ମୋଟ ଉପରେ ଜିଲାରେ ୩୦୯ ମି.ମି. ବର୍ଷା ହୋଇଛି।
ସୋମବାର ରାତିରୁ ଅନୁଗୋଳ ସହରରେ ବର୍ଷା ଆରମ୍ଭ ହୋଇଥିଲା। କିନ୍ତୁ ମଙ୍ଗଳବାର ସକାଳୁ ଏହା ଟିକେ ଥମିଥିଲା। କିନ୍ତୁ ପରବର୍ତ୍ତୀ ସମୟରେ ତୁହାକୁ ତୁହା ପ୍ରବଳ ବର୍ଷା ଲାଗିରହିବାରୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଥିଲା। ଚଳିତବର୍ଷ ଅନୁଗୋଳରେ ଏହା ସବୁଠାରୁ ବଡ଼ ବର୍ଷା ବୋଲି ରେକର୍ଡ ହୋଇଛି। ଏହି ବଡ଼ ବର୍ଷା ଯୋଗୁ ସହରର ବ୍ରାହ୍ମଣୀଦେଈପଡ଼ା, ଶିମିଳିପଡ଼ା, ହାତୀଶାଳପଡ଼ା, ଅମଲାପଡ଼ା, ଶଙ୍କରସିନେମା ରୋଡ, ଗାନ୍ଧୀମାର୍ଗ, ମିଶ୍ରପଡ଼ା ଆଦି ଅଞ୍ଚଳରେ ବର୍ଷା ଜଳ ଜମି ରହିଥିବା ଦେଖିବାକୁ ମିଳିଛି। ବ୍ରାହ୍ମଣୀଦେଈପଡ଼ାରେ କେତେଜଣ ଲୋକଙ୍କ ଘରେ ପାଣି ପଶିଯାଇଛି। ଶଙ୍କର ସିନେମା ରୋଡରେ ଆଣ୍ଠୁଏ ଉଚ୍ଚର ପାଣି ରାସ୍ତାରେ ପ୍ରବାହିତ ହୋଇଛି। ସହରର ଗଳିକନ୍ଦି ରାସ୍ତା ପାଣିରେ ବୁଡ଼ି ଯାଇଥିବାରୁ ଲୋକମାନେ ଘରୁ ବାହାରି ପାରି ନ ଥିଲେ। ସକାଳୁ ଆରମ୍ଭ ହୋଇଥିବା ଏହି ମୂଷଳ ଧାରା ବର୍ଷା ରାତି ପର୍ଯ୍ୟନ୍ତ ଜାରି ରହିଥିଲା। ଅନୁଗୋଳ ବ୍ଲକରେ ସର୍ବାଧିକ ୧୦୦ ମିଲିମିଟର ବର୍ଷା ହୋଇଥିବା ରେକର୍ଡ କରାଯାଇଥିବାବେଳେ ବଅଁରପାଳ ବ୍ଲକରେ ୬୩ ମି.ମି., ଛେଣ୍ଡିପଦାରେ ୩୬ ମି.ମି., ଆଠମଲ୍ଲିକରେ ୫୮, ପାଲଲହଡ଼ାରେ ୫, କଣିହାଁରେ ୧୭, ତାଳଚେରରେ ୩୦ ମିଲିମିଟର ବର୍ଷା ହୋଇଥିବା ରେକର୍ଡ କରାଯାଇଛି। ତେବେ କିଶୋରନଗର ବ୍ଲକରେ କେତେ ପରିମାଣରେ ବର୍ଷା ରେକର୍ଡ କରାଯାଇଛି ତାହା ଖବର ଲେଖା ହେବା ପର୍ଯ୍ୟନ୍ତ ହସ୍ତଗତ ହୋଇପାରିନାହିଁ। ଅନ୍ୟପକ୍ଷରେ କୌଣସି ସ୍ଥାନରେ କିଛି କ୍ଷୟକ୍ଷତି ହୋଇ ନ ଥିଲେ ମଧ୍ୟ ବିଡିଓ ଓ ତହସିଲଦାରମାନଙ୍କୁ ସଜାଗ ରହିବାକୁ ଜିଲା ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଥିବା ସୂଚନା ମିଳିଛି।


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଡାକ୍ତର ବଦଳିକୁ ବିରୋଧ କରି ନାକରୁଣ୍ଡିରେ ଗଣଧାରଣା: ପୂର୍ବତନ ଡାକ୍ତରଙ୍କୁ ପୂରାଇ ଦେବୁନି ବୋଲି ଚେତାବନୀ ଦେଲେ ଅଞ୍ଚଳବାସୀ

ଥୁଆମୂଳ ରାମପୁର,୨୧।୧୧ (ଦୁର୍ଗା କୀର୍ତ୍ତି): : କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ନାକରୁଣ୍ଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ବଦଳି ଓ ନିଯୁକ୍ତିକୁ ନେଇ ସ୍ଥାନୀୟ…

ବାତ୍ୟା ବର୍ଷାରେ ଉଜୁଡ଼ିଲା ଚାଷୀଙ୍କ ସୁନା ଫସଲ; ରାଜକନିକାରେ ଜଳମଗ୍ନ ହେକ୍ଟର ହେକ୍ଟର ପାଚିଲା ଧାନ ଜମି; ତୁରନ୍ତ କ୍ଷୟକ୍ଷତି…

ରାଜକନିକା୨୧।୧୧(ସଞ୍ଜୟ କୁମାର ଦାଶ): ଆଉ ଦିନ କେଇଟା ପରେ ବିଲରୁ ସୁନା ଫସଲ ଅମଳ ହୋଇଥାନ୍ତା, ହେଲେ ବାତ୍ୟା ପ୍ରଭାବିତ ଲଗାଣ ବର୍ଷା ଚାଷୀଙ୍କ ସବୁ ସ୍ୱପ୍ନକୁ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଗୁଡାରି ବଂଶଧାରା ବିଜୁ ସେତୁ ରାସ୍ତାର ହେବ ନବକଳେବର; ମଞ୍ଜୁର ହେଲା ୨.୯୬ କୋଟି ଟଙ୍କା

ଗୁଡାରି,୨୧।୧୧(ପ୍ରମୋଦ କୁମାର ପତି ): ଗୁଡାରି ଅଞ୍ଚଳବାସୀଙ୍କ ଦୀର୍ଘ ଦିନର ପ୍ରତୀକ୍ଷାର ଅନ୍ତ ଘଟିଛି। ଗୁଡାରି ସହର ନିକଟସ୍ଥ ବାଦିଗୁଡା ଛକଠାରୁ ବଂଶଧାରା ବିଜୁ ସେତୁ ପର୍ଯ୍ୟନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?