ବଢ଼ାଇଦେଲେ ବଜାର ଦର

ଅନୁଗୋଳ ଅଫିସ,୫ା୫ – ଲକ୍‌ଡାଉନ୍‌ ନେଇ ରାଜ୍ୟ ସରକାରଙ୍କ ଘୋଷଣା ପୂର୍ବରୁ ଅନୁଗୋଳ ବଜାରରେ ଆଳୁ ଦର ଠିକ୍‌ଠାକ୍‌ ଥିଲା। ପରିବା ମୂଲ୍ୟ ମଧ୍ୟ ସେପରି ଅଧିକ ନ ଥିଲା। ବଜାର ଅପେକ୍ଷା ବିଭିନ୍ନ ହାଟରେ ଏହା ଶସ୍ତାରେ ଖାଉଟିଙ୍କୁ ମିଳୁଥିଲା। ହେଲେ ଆସନ୍ତା ୫ ରୁ ୧୯ ତାରିଖ ଯାଏ ରାଜ୍ୟ ଲକ୍‌ଡାଉନ୍‌ ହେବ ବୋଲି ଗତ ରବିବାର ସରକାର ଘୋଷଣା କରିବା ପରଠାରୁ ଅନୁଗୋଳ ସହରର ବିଭିନ୍ନ ବଜାରରେ ଖାଦ୍ୟ ସାମଗ୍ରୀ ମୂଲ୍ୟ ବଢ଼ିବା ଆରମ୍ଭ ହୋଇଛି। ଏପରି କି ମଙ୍ଗଳବାର ସହରରେ ପ୍ରବଳ ଭିଡ଼ରୁ ଫାଇଦା ଉଠାଇ କେତେଜଣ ଅସାଧୁ ବ୍ୟବସାୟୀ ଆଳୁ କିଲୋ ପିଛା ୧୦ ଟଙ୍କା ବଢ଼ାଇଥିବା ବେଳେ ପିଆଜ ଓ ପରିବା ମଧ୍ୟ ଉଚ୍ଚା ଦରରେ ବିକ୍ରି କରିଥିବା ସୂଚନା ମିଳିଛି।


ରାଜ୍ୟରେ ଦୈନିକ କରୋନା ସଂକ୍ରମଣ ଏବେ ଲଗାତର ୮ ହଜାର ଉପରେ ରହୁଛି। ଗତ ୧ ତାରିଖରେ ଏହା ପ୍ରଥମ ଥର ପାଇଁ ୧୦ ହଜାର ଟପିଯାଇଥିଲା। ତେଣୁ ଆଗାମୀ ଦିନରେ ସ୍ଥିତି ନିୟନ୍ତ୍ରଣ ବାହାରକୁ ଚାଲିଯିବାର ଆଶଙ୍କା କରି ରାଜ୍ୟ ସରକାର ଆସନ୍ତା ବୁଧବାରଠାରୁ ୧୪ ଦିନିଆ ଲକ୍‌ଡାଉନ୍‌ ଘୋଷଣା କରିଛନ୍ତି। ତେବେ ସପ୍ତାହାନ୍ତ ଶଟ୍‌ଡାଉନ୍‌ ବ୍ୟତୀତ ଲକ୍‌ଡାଉନ ସମୟରେ ସକାଳ ୬ରୁ ମଧ୍ୟାହ୍ନ ୧୨ଟା ଯାଏ ରାଶନ, ପରିବା, ମାଛ, ମାଂସ, ଅଣ୍ଡା, ଫଳ ଆଦି ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରହିବ ବୋଲି ସରକାର ସ୍ପଷ୍ଟ କରିଛନ୍ତି। ତଥାପି ଲକ୍‌ଡାଉନ୍‌ ପୂର୍ବରୁ ବିଭିନ୍ନ ସାମଗ୍ରୀ କିଣିନେବାକୁ ଅନୁଗୋଳ ବଜାରରେ ମଙ୍ଗଳବାର ପ୍ରବଳ ଭିଡ଼ ଲାଗିଥିଲା। ଆଗାମୀ ଦିନରେ ଏସବୁ ସାମଗ୍ରୀ ନ ମିଳିବା ଆଶଙ୍କା କରି ଲୋକେ ବସ୍ତା ବସ୍ତା ଆଳୁ ପିଆଜ ଓ ପରିବା କିଣିନେଉଥିବା ଦେଖାଯାଇଥିଲା। ତେଣୁ ଚାହିଦାକୁ ଦେଖି ଅସାଧୁ ବ୍ୟବସାୟୀମାନେ ମୂଲ୍ୟ ବଢ଼ାଇ ଦେଇଥିଲେ। କେତେକ ସ୍ଥାନରେ ଆଳୁ ହଠାତ ୧୫ରୁ ୨୦ ଟଙ୍କା ବଢ଼ିଯାଇଥିବା ବେଳେ ଆଉ କେତେଜଣ ବ୍ୟବସାୟୀ କିଲୋ ପିଛା ୧୦ ଟଙ୍କା ବଢ଼ାଇ ୨୫ ଟଙ୍କା କରିଦେଇଥିଲେ। ସେହିପରି ପିଆଜ ମଧ୍ୟ ୩୦ ଟଙ୍କାରେ ବିକ୍ରି ହେଉଥିଲା। ଅନ୍ୟ ଦିନରେ ବାଇଗଣ, ଟମାଟୋର ୨୦ ଟଙ୍କାରେ ବିକ୍ରି ହେଉଥିବା ବେଳେ ମଙ୍ଗଳବାର ତାହା ୩୦ ଟଙ୍କାରୁ ଅଧିକ ହୋଇଯାଇଥିଲା। ପୋଟଳ ୫୦ ଟଙ୍କା ଡେଇଁଯାଇଥିଲା। ଦର ଯେତେ ଉଚ୍ଚା ରହିଥିଲେ ମଧ୍ୟ ଲୋକେ ତାହାକୁ ଖାତିର ନ କରି ବ୍ୟାଗ ଭର୍ତ୍ତି କରିବା କିଣିନେଇଥିଲେ। ତେବେ ସବୁଠାରୁ ଅଧିକ ଅସୁବିଧାରେ ପଡ଼ିଥିଲେ ଗରିବ ଖାଉଟି। ମୂଲ ମଜୁରି ଲାଗି ଯେଉଁମାନେ ଦୈନିକ ସଉଦା, ପରିବା କିଣନ୍ତି ସେମାନଙ୍କୁ ଏପରି ଚଢ଼ା ମୂଲ୍ୟ ବେଶ୍‌ ବାଧିଥିଲା।
ମନଇଚ୍ଛା ମୂଲ୍ୟ ନେଲେ
ଲକ୍‌ଡାଉନ୍‌ ପୂର୍ବରୁ ବଜାରରେ ଭିଡ଼ ବଢ଼ିଯାଇଥିଲା। ଏହାକୁ ବହୁ ଅସାଧୁ ବ୍ୟବସାୟୀ ସୁଯୋଗ ଭାବେ ଭାବିନେଇ ମନଇଚ୍ଛା ମୂଲ୍ୟ ନେଇଥିଲେ। ଖାଉଟିମାନେ ମଧ୍ୟ ଶୀଘ୍ର ଭିଡ଼ ଭିତରୁ ବାହାରିଯିବାକୁ ଦାବି ମୁତାବକ ଦର ଦେଇ ସାମଗ୍ରୀମାନ କିଣି ନେଇଥିଲେ। ଗରିବ ଖାଉଟିମାନଙ୍କୁ ଏହା ବାଧୁଥିଲେ ମଧ୍ୟ ସେମାନଙ୍କ ନିକଟରେ କୌଣସି ବିକଳ୍ପ ନାହିଁ।
-ଜିତେନ୍ଦ୍ର ପ୍ରହରାଜ, ଅନୁଗୋଳ
ଚିହ୍ନଟ କରି ଦଣ୍ଡ ଦିଆଯାଉ
ଅନୁଗୋଳ ସହରର ବହୁ ବ୍ୟବସାୟୀ ବିଭିନ୍ନ ସାମଗ୍ରୀର ମୂଲ୍ୟ ବଢ଼ାଇ ଦେଇଥିଲେ। ଅଧିକ ଦରରେ କିଣୁଥିବାରୁ ମୂଲ୍ୟ ବଢ଼ାଇ ନେଉଥିବା ସେମାନେ କହୁଥିଲେ। ଇଚ୍ଛା ନ ହେଲେ ସାମଗ୍ରୀ ନିଅ ନାହିଁ ବୋଲି ରୋକ୍‌ଠୋକ୍‌ ଜଣାଇ ଦେଉଥିଲେ। ଏପରି ଅସାଧୁ ବ୍ୟବସାୟୀମାନଙ୍କୁ ଚିହ୍ନଟ କରାଯାଇ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ।
-ଅନିଲ ପଟ୍ଟନାୟକ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଡାକ୍ତର ବଦଳିକୁ ବିରୋଧ କରି ନାକରୁଣ୍ଡିରେ ଗଣଧାରଣା: ପୂର୍ବତନ ଡାକ୍ତରଙ୍କୁ ପୂରାଇ ଦେବୁନି ବୋଲି ଚେତାବନୀ ଦେଲେ ଅଞ୍ଚଳବାସୀ

ଥୁଆମୂଳ ରାମପୁର,୨୧।୧୧ (ଦୁର୍ଗା କୀର୍ତ୍ତି): : କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ନାକରୁଣ୍ଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ବଦଳି ଓ ନିଯୁକ୍ତିକୁ ନେଇ ସ୍ଥାନୀୟ…

ବାତ୍ୟା ବର୍ଷାରେ ଉଜୁଡ଼ିଲା ଚାଷୀଙ୍କ ସୁନା ଫସଲ; ରାଜକନିକାରେ ଜଳମଗ୍ନ ହେକ୍ଟର ହେକ୍ଟର ପାଚିଲା ଧାନ ଜମି; ତୁରନ୍ତ କ୍ଷୟକ୍ଷତି…

ରାଜକନିକା୨୧।୧୧(ସଞ୍ଜୟ କୁମାର ଦାଶ): ଆଉ ଦିନ କେଇଟା ପରେ ବିଲରୁ ସୁନା ଫସଲ ଅମଳ ହୋଇଥାନ୍ତା, ହେଲେ ବାତ୍ୟା ପ୍ରଭାବିତ ଲଗାଣ ବର୍ଷା ଚାଷୀଙ୍କ ସବୁ ସ୍ୱପ୍ନକୁ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଗୁଡାରି ବଂଶଧାରା ବିଜୁ ସେତୁ ରାସ୍ତାର ହେବ ନବକଳେବର; ମଞ୍ଜୁର ହେଲା ୨.୯୬ କୋଟି ଟଙ୍କା

ଗୁଡାରି,୨୧।୧୧(ପ୍ରମୋଦ କୁମାର ପତି ): ଗୁଡାରି ଅଞ୍ଚଳବାସୀଙ୍କ ଦୀର୍ଘ ଦିନର ପ୍ରତୀକ୍ଷାର ଅନ୍ତ ଘଟିଛି। ଗୁଡାରି ସହର ନିକଟସ୍ଥ ବାଦିଗୁଡା ଛକଠାରୁ ବଂଶଧାରା ବିଜୁ ସେତୁ ପର୍ଯ୍ୟନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?