ଘରର ଅଦରକାରୀ ଜିନିଷ ଫିଙ୍ଗି ନ ଦେଇ ତାହାର ସଦୁପଯୋଗ ଉପାୟ ଆପଣାଇ ପାରନ୍ତି। ଏହି ଉପାୟର ମାର୍ଗଦର୍ଶକ ହେଉଛନ୍ତି ଅଞ୍ଜଳି ପଭନ। ସେ ବର୍ଜ୍ୟର ପୁନଃ ଉପଯୋଗ କରି ଏକ ସୁନ୍ଦର ବଗିଚା କରିଛନ୍ତି। ତାଙ୍କ ମା’ଙ୍କ ବାନ୍ଧବୀଙ୍କ ଘରକୁ ବୁଲିଯିବା ଅବସରରେ ଅଞ୍ଜଳି ସେଠାରେ ଏକ ଜାପାନିଜ୍ ଗାର୍ଡେନିଂ ମେଥଡ୍ (କୋଡେଡାମା, ଯେଉଁ ବଗିଚାରେ କେବଳ ବର୍ଜ୍ୟ ବ୍ୟବହାର କରାଇଥାଏ) ଦେଖିବାକୁ ପାଇଲେ। ଏହାପରେ ସେ ତାଙ୍କ ମା’ଙ୍କ ବର୍ଜ୍ୟ ଉପଯୋଗ କରି ତାଙ୍କ ଘରେ ବଗିଚା କରିଛନ୍ତି। ଏହି ବଗିଚାରେ ସେମାନେ ପୁରୁଣା କ୍ୟାନ, ଟାୟାର, ଶଢ଼େଇ, ନଡ଼ିଆକତା, ପ୍ଲାଷ୍ଟିକ୍ ବୋତଲ, ପୁରୁଣା ସିଲାଇ ମେଶିନ ଏବଂ ଡ୍ରମ୍ ବ୍ୟବହାର କରିଛନ୍ତି। ଅଞ୍ଜଳିଙ୍କ ମା’ ପୁରୁଣା କନାରେ ବ୍ୟାଗ ତିଆରି କରିଛନ୍ତି, ଯେଉଁଥିରେ ବିଭିନ୍ନ ଗଛ ଲଗାଯାଇଛି ଓ ତାହାକୁ ଝୁଲାଇ ରଖାଯାଇଛି। ମା’ ଓ ଝିଅ ସେମାନଙ୍କ କାର୍ଯ୍ୟ ଓ ବଗିଚା ତିଆରି କରିବାର ସମ୍ପୂର୍ଣ୍ଣ ଯାତ୍ରା ସମ୍ପର୍କରେ ଇନ୍ଷ୍ଟାଗ୍ରାମରେ ଶେୟାର କରିବା ପରେ ଏବେ ୭୬,୬୮୬ ଫଲୋୟର ରହିଛନ୍ତି।
