ଭାରତର ବିଭିନ୍ନ ଅଞ୍ଚଳର ବସ୍ଷ୍ଟାଣ୍ଡ, ରେଳ ଲାଇନ, ମନ୍ଦିର ପାଖ ଏବଂ ହସ୍ପିଟାଲରେ ଅନେକ ଲୋକଙ୍କର ମୃତ୍ୟୁ ଘଟୁଛି, ଯାହାଙ୍କର କେହି ଦାବିଦାର ନ ଥାନ୍ତି। ତେବେ ତାମିଲନାଡୁର ଛେଙ୍ଗଲାପେଟ ଟାଉନ ଥାନାର କନ୍ଷ୍ଟେବଲ ପି କାର୍ତ୍ତିକ ସେହି ଅଜଣା ମୃତଦେହସବୁ ଦାହ ସଂସ୍କାର କରୁଛନ୍ତି। କାର୍ତ୍ତିକ ଯେଉଁ କାର୍ଯ୍ୟ କରୁଛନ୍ତି ତାହା ଅତ୍ୟନ୍ତ ପ୍ରେରଣାଦାୟକ। ସେ ଏବେ ସୁଦ୍ଧା ୭୦ରୁ ଅଧିକ ଅଜଣା ମୃତଦେହ ଦାହ କରିସାରିଲେଣି। କାର୍ତ୍ତିକ ୩ ବର୍ଷ ହେଲା ଏଭଳି ଦାହକାର୍ଯ୍ୟ କରୁଛନ୍ତି। କାର୍ତ୍ତିକ ଜଣେ ମହିଳାଙ୍କ ମୃତଦେହ ଦାହ କରିବାରୁ ଏହି କାର୍ଯ୍ୟ ଆରମ୍ଭ କରିଥିଲେ। ସେହି ମହିଳାଜଣକ ଛେଙ୍ଗଲପେଟର ଚର୍ଚ୍ଚ ବାହାରେ ଭିକ୍ଷାବୃତ୍ତି କରି ରହୁଥିଲେ। ତାଙ୍କର ମୃତ୍ୟୁ ହେବା ପରେ ମୃତଦେହକୁ ନେବା ଲାଗି କେହି ଆସି ନ ଥିଲେ। ଫଳରେ ସେ ତାହାକୁ ହସ୍ପିଟାଲର ଶବଗୃହରେ ୩ ମାସ ରଖିଥିଲେ ଏବଂ ପରେ ଦାହ କରିଥିଲେ ।
ସେହି ଘଟଣା ପରଠାରୁ କାର୍ତ୍ତିକ ଏହି କାର୍ଯ୍ୟ ପାଇଁ ତାଙ୍କ ଦାୟିତ୍ୱ ମଧ୍ୟରୁ ସମୟ ବାହାର କରୁଛନ୍ତି ଏବଂ ରୀତିନୀତି ଅନୁଯାୟୀ ସଂସ୍କାର ଶେଷ କରୁଛନ୍ତି। କରୁଛନ୍ତି ଏବଂ ରୀତିନୀତି ଅନୁଯାୟୀ ସଂସ୍କାର ଶେଷ କରୁଛନ୍ତି।
