ପ୍ରାଣୀ ଚିକିତ୍ସାକୁ ଉପେକ୍ଷା

ବଅଁରପାଳ,୨୪।୧୨(ଡି.ଏନ.ଏ.): ଗ୍ରାମାଞ୍ଚଳ ଅର୍ଥନୀତିକୁ ମଜଭୁତ କରେ ପ୍ରାଣୀ ସମ୍ପଦ। ଗୋପାଳନ ସହ ଛେଳି, ମେଣ୍ଢା, କୁକୁଡ଼ା ଆଦିରୁ ଅତିରିକ୍ତ ଆୟ କରନ୍ତି ଲୋକେ। ସେଥିପାଇଁ ସରକାର ଏସବୁ ପାଳନକୁ ଅଗ୍ରାଧିକାର ଦେଉଛନ୍ତି। ଲୋକଙ୍କୁ ବ୍ୟାଙ୍କଗୁଡ଼ିକରୁ ଋଣ ଯୋଗାଇ ଦେଉଛନ୍ତି। ପ୍ରାଣୀ ସମ୍ପଦଙ୍କ ଆବଶ୍ୟକ ଚିକିତ୍ସାର ସୁବିଧା ମଧ୍ୟ କରିଛନ୍ତି। ହେଲେ ଅନୁଗୋଳ ଜିଲାରେ ପ୍ରାଣୀ ଚିକିତ୍ସାକୁ ଏକପ୍ରକାର ଉପେକ୍ଷା କରାଯାଇଛି। ଉପଖଣ୍ଡ ଚିକିତ୍ସା ଅଧିକାରୀଙ୍କଠାରୁ ଆରମ୍ଭ କରି ବ୍ଲକର ଅତିରିକ୍ତ ପ୍ରାଣୀ ଚିକିତ୍ସା ଅଧିକାରୀଙ୍କ ଯାଏ ବହୁ ପଦବୀ ଖାଲି ପଡ଼ିଥିଲେ ମଧ୍ୟ ବର୍ଷ ବର୍ଷ ଧରି ତାହାକୁ ପୂରଣ କରାଯାଉ ନାହିଁ। ଫଳରେ ପ୍ରାଣୀ ସମ୍ପଦ ରଖିଥିବା ଚାଷୀମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି।
ଅନୁଗୋଳ ଜିଲା ମୁଖ୍ୟ ପ୍ରାଣୀ ଚିକିତ୍ସାଳୟରେ ୨ଟି ଅତିରିକ୍ତ ପ୍ରାଣୀ ଚିକିତ୍ସା ଅଧିକାରୀ ପଦବୀ ମଧ୍ୟରୁ ଦୀର୍ଘଦିନ ହେଲା ଗୋଟିଏ ଖାଲିପଡ଼ିଛି। ଅନୁଗୋଳ, ତାଳଚେର, ଆଠମଲ୍ଲିକ ଓ ପାଲଲହଡା ଉପଖଣ୍ଡରେ ୪ଜଣ ପ୍ରାଣୀ ଚିକିତ୍ସା ଅଧିକାରୀଙ୍କ ମଧ୍ୟରୁ କେବଳ ପାଲଲହଡ଼ାରେ ଜଣେ ଅଧିକାରୀ ରହିଛନ୍ତି। ସେହିପରି ୮ଟି ବ୍ଲକ ମଧ୍ୟରୁ ବଅଁରପାଳ ଓ ତାଳଚେରକୁ ବାଦ୍‌ ଦେଲେ ଅନ୍ୟ ୫ଟି ବ୍ଲକ କଣିହାଁ, ପାଲଲହଡ଼ା, ଅନୁଗୋଳ, ଛେଣ୍ଡିପଦା ଓ ଆଠମଲ୍ଲିକରେ ସହକାରୀ ପ୍ରାଣୀଚିକିତ୍ସା ଅଧିକାରୀ ପଦବୀ ଖାଲିପଡ଼ିଛି। ଅନୁଗୋଳ, ବଅଁରପାଳ, କଣିହାଁ, ତାଳଚେର, ପାଲଲହଡ଼ା ବ୍ଲକ ଅଞ୍ଚଳରେ ଭ୍ରାମ୍ୟମାଣ ଚିକିତ୍ସା ଅଧିକାରୀ ନାହାନ୍ତି। ଫଳରେ ଗ୍ରାମାଞ୍ଚଳରେ ପ୍ରାଣୀ ଚିକିତ୍ସା କ୍ଷେତ୍ରରେ ଅସୁବିଧା ସୃଷ୍ଟି ହେଉଛି। ଜିଲାରେ ୭୮ଟି ପ୍ରାଣୀଧନ ସହାୟକ କେନ୍ଦ୍ର ରହିଛି। କିନ୍ତୁ ସେଥିରୁ ୧୮ କେନ୍ଦ୍ରରେ ଚିକିତ୍ସକ ନାହାନ୍ତି। ନୂତନ ଭାବେ ୨୦ଟି ପ୍ରାଣୀ ଚିକିତ୍ସାଳୟ ଖୋଲାଯାଇଥିଲେ ମଧ୍ୟ ଆଜିପର୍ଯ୍ୟନ୍ତ ତାହା କାର୍ଯ୍ୟକ୍ଷମ ହୋଇପାରି ନାହିଁ। ସେହି କେନ୍ଦ୍ରଗୁଡିକ ଅବ୍ୟବସ୍ଥା ମଧ୍ୟରେ ଥିବାବେଳେ ଦୀର୍ଘଦିନ ହେଲା ତାଲା ଝୁଲୁଛି। ବହୁ ପ୍ରାଣୀ ଚିକିତ୍ସାଳୟରେ ଆବଶ୍ୟକ ଗୃହ, ଔଷଧ, ଯନ୍ତ୍ରପାତି ନ ଥିବା ଯୋଗୁ ଅସୁବିଧା ସୃଷ୍ଟି ହେଉଛି। ବଅଁରପାଳ ବ୍ଲକର ବଅଁରପାଳ ଓ ସାନକେରେଜାଙ୍ଗରେ ପ୍ରାଣୀ ଚିକିତ୍ସାକେନ୍ଦ୍ର ରହିଛି। ଅନୁଗୋଳ ଉପଖଣ୍ଡରେ ଅନୁଗୋଳ, ବନ୍ତଳା, ତାଳଚେର ଅଞ୍ଚଳରେ ତାଳଚେର ଓ କଣିହଁା, ରେଙ୍ଗାଳି, ପାଲଲହଡ଼ାରେ ପାଲଲହଡ଼ା ଓ ଖମାର, ଆଠମଲ୍ଲିକରେ ଠାକୁରଗଡ଼ ଓ ମାଧପୁର, କିଶୋରନଗରରେ କିଶୋରନଗର ଓ ବଇଣ୍ଡା ଆଦି ୧୬ଟି ପ୍ରାଣୀ ଚିକିତ୍ସାକେନ୍ଦ୍ର ରହିଛି। ମାତ୍ର ବହୁ କେନ୍ଦ୍ରରେ ଚିକିତ୍ସା ଅଧିକାରୀ ଓ ଅନ୍ୟ କର୍ମଚାରୀଙ୍କ ଘୋର ଅଭାବ ରହିଛି। ଫଳରେ ବିଭିନ୍ନ ସମୟରେ ଚିକିତ୍ସା, ଟିକାଦାନ ଓ କୃତ୍ରିମ ପ୍ରଜନନ ପାଇଁ ଚାଷୀମାନେ ଗୃହପାଳିତ ପ୍ରାଣୀମାନଙ୍କୁ ଆଣୁଥିଲେ ମଧ୍ୟ ତାହା ସମ୍ଭବ ହୋଇପାରୁ ନାହିଁ। ଏଥିଯୋଗୁ ଜିଲାରେ ଗୃହପାଳିତ ପ୍ରାଣୀମାନଙ୍କ ସଂଖ୍ୟା ଧୀରେ ଧୀରେ ହ୍ରାସ ପାଇବାରେ ଲାଗିଛି। ବର୍ତ୍ତମାନ ଜିଲାରେ ଶଙ୍କର ଓ ଜର୍ସି ଜାତୀୟ ଗାଈ ୩୫ ହଜାର ୬୫୦ ରହିଛନ୍ତି। ଦେଶୀ ଗାଈ ୩ ଲକ୍ଷ ୨୮ ହଜାର, ମଇଁଷି ୬୩୨୧, ଛେଳି ୨ ଲକ୍ଷ ୩୫ ହଜାର, ମେଣ୍ଢା ୩୫ ହଜାର ୧୧୦, ଘୁଷୁରି ୧୪୬୧ ଓ କୁକୁଡ଼ା ୧ଲକ୍ଷ ୭୧ ହଜାର ଥିବା ସୂଚନା ମିଳିଛି।

୫ ବର୍ଷ ହେଲା ତାଲା ଝୁଲୁଛି
କାଣ୍ଡସର ଅଞ୍ଚଳରେ ଏକ ପ୍ରାଣୀ ସହାୟତା କେନ୍ଦ୍ର ଖୋଲାଯାଇଛି। କିନ୍ତୁ ଦୀର୍ଘ ୫ ବର୍ଷ ହେଲା ସେଠାରେ ତାଲା ଝୁଲୁଥିବାରୁ ଏହା କାର୍ଯ୍ୟକ୍ଷମ ହୋଇପାରୁ ନାହିଁ। ତେଣୁ ଗୃହପାଳିତ ପ୍ରାଣୀଙ୍କୁ ଚିକିତ୍ସା ସେବା ଦେବାକୁ ପ୍ରଶାସନ କେତେ ଆଗ୍ରହ ରଖିଛି ତାହା ଜଳ ଜଳ ଦିଶୁଛି।
-ଶଙ୍ଖାଳି ବେହେରା, କାଣ୍ଡସର

ଉପଯୁକ୍ତ ସେବା ମିଳୁନି
ଅନେକ ସମୟରେ ଗୋରୁମାନଙ୍କ ଗୋଡ଼ ଫୁଲିଯିବା ସହ ବିଭିନ୍ନ ରୋଗ ହେଉଛି। ହେଲେ ପ୍ରାଣୀ ଚିକିତ୍ସାକେନ୍ଦ୍ରକୁ ଗଲେ ଉପଯୁକ୍ତ ସେବା ମିଳୁନାହିଁ। କେତେବେଳେ କର୍ମଚାରୀ ନାହାନ୍ତି ତ ଆଉ କେତେବେଳେ ଅନ୍ୟ କିଛି ସମସ୍ୟା ଲୋକଙ୍କୁ ଅସୁବିଧାରେ ପକାଉଛି।
-ମରୁତ ବେହେରା, ଗିରାଙ୍ଗ

ଚାଷୀମାନେ ଅସୁବିଧା ଭୋଗୁଛନ୍ତି
ବନ୍ତଳା ପ୍ରାଣୀ ଚିକିତ୍ସା କେନ୍ଦ୍ରରେ ଡାକ୍ତର ଓ ଏଲ୍‌ଆଇ କର୍ମଚାରୀ ନ ଥିବାରୁ ଗୋରୁ ରଖିଥିବା ଚାଷୀମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଜଣେ ଏଲ୍‌ଆଇ ତିନୋଟି ଉପ ପ୍ରାଣୀଧନ ଚିକିତ୍ସାକେନ୍ଦ୍ର ଦାୟିତ୍ୱ ନେଲେ ଯାହା ସେବା ମିଳିପାରିବ ତାହା ସମସ୍ତେ ଜାଣିଛନ୍ତି।
-ନିରଞ୍ଜନ ସାହୁ, ପୋକତୁଙ୍ଗା

ଖାଲି ପଦବୀ ପୂରଣ କରାଯାଉ
ବନ୍ତଳା, ବଡ଼କଣ୍ଟକୁଳ ଆଦି ସେଣ୍ଟରରେ ଡାକ୍ତର ଓ ଏଲ୍‌ଆଇ ନାହାନ୍ତି। ଫଳରେ ଗୋରୁ, ଛେଳି, ମେଣ୍ଢା ଆଦି ଚିକିତ୍ସା ନ ପାଇ ପ୍ରାଣ ହରାଉଛନ୍ତି। ଜରପଡ଼ାର ଡାକ୍ତର ଏଠାରେ ଦାୟିତ୍ୱରେ ଅଛନ୍ତି। ତୁରନ୍ତ ଡାକ୍ତର ଓ ଖାଲି ଥିବା ପଦବୀ ପୂରଣ କରାଯାଉ।
-ରବୀନ୍ଦ୍ର ନାଥ ବିଶ୍ୱାଳ, ଜମୁଗାଡ଼ିଆ

ଅବହେଳିତ ହୋଇପଡିଛି ପ୍ରାଣୀ ବିଭାଗ
ଜିଲାରେ ଥିବା ୩ ଉପଖଣ୍ଡରେ ଉପଖଣ୍ଡସ୍ତରୀୟ ପ୍ରାଣୀ ଚିକିତ୍ସା ଅଧିକାରୀ ପଦବୀ ଖାଲି ପଡିଛି। ବ୍ଲକ ଅଞ୍ଚଳରେ ମଧ୍ୟ ବହୁ କର୍ମଚାରୀ ନାହାନ୍ତି। ତେଣୁ ପ୍ରାଣୀମାନଙ୍କ ଚିକିତ୍ସା କ୍ଷେତ୍ରରେ ଅନେକ ସମୟରେ ବାଧକ ସୃଷ୍ଟି ହେଉଛି। ସରକାର ସମସ୍ତ କେନ୍ଦ୍ରରେ ଆବଶ୍ୟକ କର୍ମଚାରୀ ପୂରଣ ପ୍ରତି ଦୃଷ୍ଟିଦେଲେ ସମସ୍ୟାର ସମାଧାନ ହୋଇପାରିବ।
-ଭରତ ଚନ୍ଦ୍ର ଗଡ଼ନାୟକ, ଅତିରିକ୍ତ ଜିଲା ପ୍ରାଣୀ ଚିକିତ୍ସା ଅଧିକାରୀ, ଅନୁଗୋଳ

 


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଡାକ୍ତର ବଦଳିକୁ ବିରୋଧ କରି ନାକରୁଣ୍ଡିରେ ଗଣଧାରଣା: ପୂର୍ବତନ ଡାକ୍ତରଙ୍କୁ ପୂରାଇ ଦେବୁନି ବୋଲି ଚେତାବନୀ ଦେଲେ ଅଞ୍ଚଳବାସୀ

ଥୁଆମୂଳ ରାମପୁର,୨୧।୧୧ (ଦୁର୍ଗା କୀର୍ତ୍ତି): : କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ନାକରୁଣ୍ଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ବଦଳି ଓ ନିଯୁକ୍ତିକୁ ନେଇ ସ୍ଥାନୀୟ…

ବାତ୍ୟା ବର୍ଷାରେ ଉଜୁଡ଼ିଲା ଚାଷୀଙ୍କ ସୁନା ଫସଲ; ରାଜକନିକାରେ ଜଳମଗ୍ନ ହେକ୍ଟର ହେକ୍ଟର ପାଚିଲା ଧାନ ଜମି; ତୁରନ୍ତ କ୍ଷୟକ୍ଷତି…

ରାଜକନିକା୨୧।୧୧(ସଞ୍ଜୟ କୁମାର ଦାଶ): ଆଉ ଦିନ କେଇଟା ପରେ ବିଲରୁ ସୁନା ଫସଲ ଅମଳ ହୋଇଥାନ୍ତା, ହେଲେ ବାତ୍ୟା ପ୍ରଭାବିତ ଲଗାଣ ବର୍ଷା ଚାଷୀଙ୍କ ସବୁ ସ୍ୱପ୍ନକୁ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଗୁଡାରି ବଂଶଧାରା ବିଜୁ ସେତୁ ରାସ୍ତାର ହେବ ନବକଳେବର; ମଞ୍ଜୁର ହେଲା ୨.୯୬ କୋଟି ଟଙ୍କା

ଗୁଡାରି,୨୧।୧୧(ପ୍ରମୋଦ କୁମାର ପତି ): ଗୁଡାରି ଅଞ୍ଚଳବାସୀଙ୍କ ଦୀର୍ଘ ଦିନର ପ୍ରତୀକ୍ଷାର ଅନ୍ତ ଘଟିଛି। ଗୁଡାରି ସହର ନିକଟସ୍ଥ ବାଦିଗୁଡା ଛକଠାରୁ ବଂଶଧାରା ବିଜୁ ସେତୁ ପର୍ଯ୍ୟନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?