କଳାରୁ ବଞ୍ଚିତ କଳାକାର

ବଅଁରପାଳ, ୧୭ା୧୨ (ଡି.ଏନ.ଏ.): ମଞ୍ଚଟିଏ ମିଳିଗଲେ ପ୍ରଫୁଲ୍ଲ ହୋଇଉଠେ ମନ। ଆୟର ଉତ୍ସ ଥାଉ କି ନ ଥାଉ ପ୍ରତିଭା ପ୍ରଦର୍ଶନ ପାଇଁ ଆଗେଇ ଆସନ୍ତି କଳାକାର। ହେଲେ ପ୍ରଶାସନିକ ଉଦାସୀନତା କାରଣରୁ ହେଉ ଅବା ଅନ୍ୟ କିଛି, ଅନୁଗୋଳ ଜିଲା ବଅଁରପାଳ ବ୍ଲକରେ ଦୀର୍ଘ ବର୍ଷ ହେଲା ହୋଇନାହିଁ ବ୍ଲକ ମହୋତ୍ସବର ଆୟୋଜନ। ଏହାକୁ ନେଇ ମନ କଷ୍ଟରେ ଅଛନ୍ତି ୫ଶହରୁ ଅଧିକ କଳାକାର।

ଅନୁଗୋଳ ଜିଲାର ବଅଁରପାଳ ବ୍ଲକରେ କଳା, ସଂସ୍କୃତିର ବେଶ୍‌ ଆଦର ରହିଛି। ଗଁା ଗଁାରେ ଦଣ୍ଡ, ପାଲା, ଦାସକାଠିଆ, କେନ୍ଦରା, ଯାତ୍ରା, ପାଇକ ଆଖଡ଼ା କଳାକାର ରହିଛନ୍ତି। ବିଶେଷକରି ଦଣ୍ଡ, ବାଦଦଣ୍ଡ ପ୍ରତିଯୋଗିତା ବର୍ଷକ ଯାକ ବିଭିନ୍ନ ସ୍ଥାନରେ ଅନୁଷ୍ଠିତ ହୋଇଥାଏ। ପର୍ବପର୍ବାଣିକୁ ବାଦ୍‌ ଦେଲେ ଦେବଦେବୀଙ୍କ ବାର୍ଷିକ ଉତ୍ସବ, ମନ୍ଦିର ପ୍ରତିଷ୍ଠା ବେଳେ ମଧ୍ୟ ଏସବୁ କଳା ପ୍ରଦର୍ଶନ ପାଇଁ ମଞ୍ଚ ପ୍ରସ୍ତୁତ ହେଉଥିବା ଦେଖିବାକୁ ମିଳିଥାଏ। କେବଳ ଏତିକି ନୁହେଁ ବ୍ଲକ ଅଞ୍ଚଳରେ ଶତାଧିକ ନାମ ସଂକୀର୍ତ୍ତନ ଦଳ ରହିଥିବା ବେଳେ ମହିଳା ଦଳଙ୍କୁ ଜିଲା ବାହାରୁ ମଧ୍ୟ ଡାକାରା ଆସିଥାଏ। ଏହା କଳାକାରଙ୍କ ପାଇଁ ଆୟର ସୁଯୋଗ ସୃଷ୍ଟି କରିଥାଏ। ହେଲେ ବ୍ଲକ ମହୋତ୍ସବ କଳାକାରଙ୍କୁ ରୋଜଗାର ସହ ସ୍ବତନ୍ତ୍ର ପରିଚୟ ଦେଇଥାଏ। ଏହି କାରଣରୁ ବ୍ଲକ ମହୋତ୍ସବର ଆୟୋଜନକୁ କଳାକାରମାନେ ଅତି ଆଗ୍ରହର ସହ ପ୍ରତିବର୍ଷ ଅପେକ୍ଷା କରିଥାନ୍ତି। ହେଲେ ଦୀର୍ଘବର୍ଷ ହେଲା ବଅଁରପାଳ ବ୍ଲକରେ ଏହି ମହୋତ୍ସବର ଆୟୋଜନ କରାଯାଇ ନାହିଁ। କରୋନା ପାଇଁ ୨ ବର୍ଷ ହେଲା ଏ ନେଇ ଦାବି ଉଠି ନ ଥିବାବେଳେ ଚଳିତବର୍ଷ କିନ୍ତୁ ମନ ଊଣା କରୁଛନ୍ତି କଳାକାର। ବ୍ଲକ ପ୍ରଶାସନ ନିକଟରେ ଅର୍ଥର ଅଭାବ ନ ଥିଲେ ମଧ୍ୟ କାହିଁକି ଏହି ମହୋତ୍ସବର ଆୟୋଜନ ଏଯାଏ କରାଯାଉ ନାହିଁ ତାହା ସୃଷ୍ଟି କରିଛି ବଡ଼ ପ୍ରଶ୍ନବାଚୀ। ଏ ସମ୍ପର୍କରେ ବିଡିଓ ଏଲିଜା ମିଶ୍ର କହିଛନ୍ତି, ତାଙ୍କ ଯୋଗଦାନ ପୂର୍ବରୁ କାହିଁକି ବ୍ଲକ ମହୋତ୍ସବ ଆୟୋଜନ ହୋଇ ନ ଥିଲା ସେ ସମ୍ପର୍କରେ ତାଙ୍କ ନିକଟରେ ତଥ୍ୟ ନାହିଁ।

ପ୍ରଶାସନ ବିଚାର କରୁ
ବ୍ଲକ ମହୋତ୍ସବ କଳାକାରଙ୍କୁ ସ୍ବତନ୍ତ୍ର ପରିଚୟ ସୃଷ୍ଟିର ସୁଯୋଗ ଦେବା ସହ କଳା, ସଂସ୍କୃତିକୁ ଅଧିକ ସମୃଦ୍ଧ କରିବ। ତେଣୁ ବ୍ଲକ ପ୍ରଶାସନ ଏ ଦିଗରେ ବିଚାର କରିବା ସହ ତ୍ୱରିତ ପଦକ୍ଷେପ ନେଲେ ୫ ଶହରୁ ଅଧିକ କଳାକାର ଉପକୃତ ହୋଇପାରିବେ।
-ବାମଦେବ ସେଠ, ନାମ ସଂକୀର୍ତ୍ତନ କଳାକାର

ରୋଜଗାର ହ୍ରାସ ପାଉଛି
ବଅଁରପାଳ ବ୍ଲକ ଅଞ୍ଚଳରେ ଦଣ୍ଡ ନୃତ୍ୟକୁ ବହୁ ସମ୍ମାନ ମିଳେ। ବ୍ଲକ ମହୋତ୍ସବ ଆୟୋଜନ କରାଗଲେ ଏଠାକାର କଳାକାରଙ୍କ ସମ୍ପର୍କରେ ଲୋକେ ଅଧିକ ଜାଣିପାରନ୍ତେ। ଏହାଦ୍ୱାରା ସେମାନଙ୍କୁ ଅନ୍ୟତ୍ର କଳା ପ୍ରଦର୍ଶନ ପାଇଁ ଡାକରା ଆସନ୍ତା। କିନ୍ତୁ ଏହା ହେଉ ନ ଥିବାରୁ ରୋଜଗାର ହ୍ରାସ ପାଉଛି।
-ଚିନ୍ମୟୀ ସାମଲ, ଦଣ୍ଡ କଳାକାର

ଗ୍ରାମାଞ୍ଚଳ କଳାକାର ଉପେକ୍ଷିତ
ରାଜ୍ୟର ଅନେକ ବ୍ଲକରେ ମହୋତ୍ସବର ଆୟୋଜନ କରାଯାଉଛି। ହେଲେ ବଅଁରପାଳ ପ୍ରଶାସନ ଏ ଦିଗରେ ଆଗ୍ରହ ଦେଖାଉ ନ ଥିବାରୁ ଗ୍ରାମାଞ୍ଚଳର କଳାକାରମାନେ ଉପେକ୍ଷିତ ହେଉଛନ୍ତି। ଅର୍ଥର ଅଭାବ ନ ଥିଲେ ମଧ୍ୟ ଏଠାରେ କଳାକାରମାନଙ୍କୁ ଅବହେଳିତ କରି ରଖାଯାଇଛି।
-ମାନସ କର, ପାଲା ଗାୟକ

ମହୋତ୍ସବ ନିହାତି କରାଯିବା ଆବଶ୍ୟକ
୭ ବର୍ଷ ହେଲା ବ୍ଲକ ମହୋତ୍ସବ ଆୟୋଜନ କରା ନ ଯିବା ଦୁଃଖଦାୟକ। ଏହା ନ ହେବା ଦ୍ୱାରା ବହୁ କଳାକାର ନିଜର ପ୍ରତିଭା ପ୍ରଦର୍ଶନ କରି ନ ପାରି ମନକଷ୍ଟରେ ରହୁଛନ୍ତି। ବ୍ଲକ ପ୍ରଶାସନ ଯଥାଶୀଘ୍ର ମହୋତ୍ସବ କରିବା ଦିଗରେ ପଦକ୍ଷେପ ନେବା ନିହାତି ଆବଶ୍ୟକ।
-ବିଜୟ ନାଥ, ବ୍ଲକ ଅଧ୍ୟକ୍ଷ


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଡାକ୍ତର ବଦଳିକୁ ବିରୋଧ କରି ନାକରୁଣ୍ଡିରେ ଗଣଧାରଣା: ପୂର୍ବତନ ଡାକ୍ତରଙ୍କୁ ପୂରାଇ ଦେବୁନି ବୋଲି ଚେତାବନୀ ଦେଲେ ଅଞ୍ଚଳବାସୀ

ଥୁଆମୂଳ ରାମପୁର,୨୧।୧୧ (ଦୁର୍ଗା କୀର୍ତ୍ତି): : କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ନାକରୁଣ୍ଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ବଦଳି ଓ ନିଯୁକ୍ତିକୁ ନେଇ ସ୍ଥାନୀୟ…

ବାତ୍ୟା ବର୍ଷାରେ ଉଜୁଡ଼ିଲା ଚାଷୀଙ୍କ ସୁନା ଫସଲ; ରାଜକନିକାରେ ଜଳମଗ୍ନ ହେକ୍ଟର ହେକ୍ଟର ପାଚିଲା ଧାନ ଜମି; ତୁରନ୍ତ କ୍ଷୟକ୍ଷତି…

ରାଜକନିକା୨୧।୧୧(ସଞ୍ଜୟ କୁମାର ଦାଶ): ଆଉ ଦିନ କେଇଟା ପରେ ବିଲରୁ ସୁନା ଫସଲ ଅମଳ ହୋଇଥାନ୍ତା, ହେଲେ ବାତ୍ୟା ପ୍ରଭାବିତ ଲଗାଣ ବର୍ଷା ଚାଷୀଙ୍କ ସବୁ ସ୍ୱପ୍ନକୁ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଗୁଡାରି ବଂଶଧାରା ବିଜୁ ସେତୁ ରାସ୍ତାର ହେବ ନବକଳେବର; ମଞ୍ଜୁର ହେଲା ୨.୯୬ କୋଟି ଟଙ୍କା

ଗୁଡାରି,୨୧।୧୧(ପ୍ରମୋଦ କୁମାର ପତି ): ଗୁଡାରି ଅଞ୍ଚଳବାସୀଙ୍କ ଦୀର୍ଘ ଦିନର ପ୍ରତୀକ୍ଷାର ଅନ୍ତ ଘଟିଛି। ଗୁଡାରି ସହର ନିକଟସ୍ଥ ବାଦିଗୁଡା ଛକଠାରୁ ବଂଶଧାରା ବିଜୁ ସେତୁ ପର୍ଯ୍ୟନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?