ସନ୍ତୋଷ ଦେବ ସମାନ ସମ୍ମାନ

ଅନୁଗୋଳ ଅଫିସ, ୧୬ା୧୦: ଚୁକ୍ତିଭିତ୍ତିକ ସରକାରୀ ନିଯୁକ୍ତି ବ୍ୟବସ୍ଥା ଉଚ୍ଛେଦ ହେଲା ବୋଲି ଶନିବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିବା ପରେ ଏହା ଅନୁଗୋଳରେ ଆନନ୍ଦର ଲହରୀ ଖେଳାଇ ଦେଇଛି। ରାଜ୍ୟ ସରକାରଙ୍କ ଏହି ବଡ଼ ନିଷ୍ପତ୍ତି ଦ୍ୱାରା ଜିଲାରେ ଥିବା ପ୍ରାୟ ଦେଢ଼ ହଜାର ଚୁକ୍ତିଭିତ୍ତିକ କର୍ମଚାରୀ ଏଣିକି ସରକାରୀ ବୋଲି ଗଣତି ହେବେ। ସରକାରୀ କାର୍ଯ୍ୟାଳୟରେ ଓ ନିୟମିତ କର୍ମଚାରୀଙ୍କ ଭଳି ସମାନ କାମ କରୁଥିଲେ ବି ଏହି କର୍ମଚାରୀମାନଙ୍କୁ ଆବଶ୍ୟକ ସରକାରୀ ସୁବିଧା ସୁଯୋଗ ମିଳୁ ନ ଥିଲା। ଏପରି କି ସମାନ କାମକୁ ସମାନ ଦରମା କି ସମାନ ସମ୍ମାନରୁ ଏମାନେ ବଞ୍ଚିତ ରହୁଥିଲେ। ଏ ନେଇ ଦୀର୍ଘବର୍ଷ ହେଲା ଚୁକ୍ତିଭିତ୍ତିକ ଠକା କର୍ମଚାରୀମାନେ ସ୍ବର ଉତ୍ତୋଳନ କରୁଥିଲେ। ଏପରି କି ନ୍ୟାୟାଳୟର ଦ୍ୱାରସ୍ଥ ମଧ୍ୟ ହୋଇଥିଲେ। ରାଜଧାନୀ ରାସ୍ତାକୁ ଆସି ଗର୍ଜନ କରୁଥିଲେ। ଅସନ୍ତୋଷକୁ ଦେଖି ସରକାର ଚୁକ୍ତିଭିତ୍ତିକ କର୍ମଚାରୀ ସ୍ଥାନରେ ଇନିସିଆଲ ଆପଏଣ୍ଟମେଣ୍ଟ ଏମ୍ପ୍ଲୋୟୀ (ପ୍ରାରମ୍ଭିକ ନିଯୁକ୍ତି କର୍ମଚାରୀ) ବୋଲି ଉଲ୍ଲେଖ କରିଥିଲେ। ୫୦ ପ୍ରତିଶତ ଦରମା ମଧ୍ୟ ବଢ଼ାଇଥିଲେ। କିନ୍ତୁ ଏହା ଚୁକ୍ତିଭିତ୍ତିକ କର୍ମଚାରୀମାନଙ୍କୁ ସନ୍ତୁଷ୍ଟ କରିପାରି ନ ଥିଲା। ବଢ଼ୁଥିବା ଆନ୍ଦୋଳନ ଓ ଅସହଯୋଗକୁ ଦେଖି ବିଳମ୍ବରେ ହେଲେ ବି ରାଜ୍ୟ ସରକାର ଚୁକ୍ତିଭିତ୍ତିକ ନିଯୁକ୍ତି ବ୍ୟବସ୍ଥା ଉଚ୍ଛେଦ କରିଛନ୍ତି। ଫଳରେ ଦୀର୍ଘବର୍ଷ ହେଲା ସରକାରୀ କାର୍ଯ୍ୟ କରୁଥିବା ଅନୁଗୋଳ ଜିଲାର ଠିକା ସରକାରୀ କର୍ମଚାରୀ ଏବେ ସରକାରୀ କର୍ମଚାରୀଙ୍କ ଭଳି ସମାନ ସୁବିଧା, ଦରମା ଓ ସମ୍ମାନ ପାଇପାରିବେ। ଏହି ସମାନ ସମ୍ମାନ ସନ୍ତୋଷ ଦେବ ବୋଲି ଜିଲାର ଚୁକ୍ତିଭିତ୍ତିକ ନିଯୁକ୍ତି ପାଇଥିବା କର୍ମଚାରୀମାନେ ପ୍ରକାଶ କରିଛନ୍ତି।

ରାଜ୍ୟ ସରକାରଙ୍କ ବଡ଼ ନିଷ୍ପତ୍ତି
୨୦୧୩ରୁ ରାଜ୍ୟ ସରକାର ଚୁକ୍ତିଭିତ୍ତିକ କର୍ମଚାରୀ ନିଯୁକ୍ତି ଆରମ୍ଭ କରିଥିଲେ। ଏହି ପ୍ରକ୍ରିୟାରେ ଅନୁଗୋଳ ଜିଲା ଶିକ୍ଷା ବିଭାଗରେ ପାଖାପାଖି ୭୦୦ କର୍ମଚାରୀ, ରାଜସ୍ବ ବିଭାଗରେ ୨୫୦, ସ୍ବାସ୍ଥ୍ୟ ବିଭାଗରେ ୧୫୦, ପୋଲିସ ବିଭାଗରେ ୧୫୦ ଏବଂ ଅନ୍ୟ ବିଭାଗକୁ ମିଶାଇ ପ୍ରାୟ ଦେଢ଼ହଜାର କର୍ମଚାରୀ ନିଯୁକ୍ତି ପାଇଥିଲେ। ଏହାକୁ ବିରୋଧ କରି ୨୦୧୭ରୁ ଆନ୍ଦୋଳନ ଆରମ୍ଭ ହୋଇଥିଲା। ଦୀର୍ଘ ୫ ବର୍ଷ ପରେ ମୁଖ୍ୟମନ୍ତ୍ରୀ ଚୁକ୍ତିଭିତ୍ତିକ କର୍ମଚାରୀ ନିଯୁକ୍ତି ପ୍ରଥା ଉଚ୍ଛେଦ ପାଇଁ ଶନିବାର ଘୋଷଣା କରିଥିବାରୁ ଧନ୍ୟବାଦ ଜଣାଇଛି। ଏହାଦ୍ୱାରା ଅନୁଗୋଳ ଜିଲାର ପ୍ରାୟ ଦେଢ଼ ହଜାର ଚୁକ୍ତିଭିତ୍ତିକ ନିଯୁକ୍ତ କର୍ମଚାରୀଙ୍କ ପରିବାର ଉପକୃତ ହେବେ।
-ନିପୁନ ନିକାଞ୍ଜନ ବିଶ୍ୱାଳ, ଉପସଭାପତି, ଚୁକ୍ତିଭିତ୍ତିକ କର୍ମଚାରୀ ସଂଘ, ଅନୁଗୋଳ

ଆନ୍ଦୋଳନ ସଫଳ ହେଲା
୬ ବର୍ଷ ଠିକା ଭାବେ ଚାକିରି କରିବା ପରେ ସରକାର ନିୟମିତ କରୁଥିଲେ। କିନ୍ତୁ ଅନେକ ସମୟରେ ଏହି ପ୍ରକ୍ରିୟା ବିଳମ୍ବିତ ହେଉଥିଲା। ଚୁକ୍ତିଭିତ୍ତିକ କର୍ମଚାରୀ ନିଯୁକ୍ତି ବ୍ୟବସ୍ଥା ଉଚ୍ଛେଦ ପାଇଁ ସରକାରୀ ଘୋଷଣାକୁ ସ୍ବାଗତ କରୁଛୁ। ଏବେ ଆମେମାନେ ଠିକାରୁ ସରକାରୀ କର୍ମଚାରୀ ଭାବେ ଗଣତି ହେବୁ। ଏହା ଜାଣି ଖୁସି ଲାଗୁଛି। ରାଜ୍ୟ ସରକାରଙ୍କୁ ସାଧୁବାଦ।
-ନିର୍ମଳ ବେହେରା, ଠିକା ବିତ୍ତ କର୍ମଚାରୀ, ଅନୁଗୋଳ ପୌରପାଳିକା

ଆନନ୍ଦର ଲହରୀ ଖେଳିଯାଇଛି
ଚୁକ୍ତିଭିତ୍ତିକ ନିଯୁକ୍ତି ପ୍ରଥା ଉଚ୍ଛେଦ ହେବା ଘୋଷଣା ପରେ ଠିକା କର୍ମଚାରୀଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି। ବିଳମ୍ବ ହେଲେ ବି ଦୀର୍ଘଦିନର ଦାବି ପୂରଣ ହୋଇଛି। ରବିବାର ସରକାରଙ୍କ ପକ୍ଷରୁ ପ୍ରକାଶ ପାଇବାକୁ ଥିବା ବିଜ୍ଞପ୍ତି ଉପରେ ନଜର ରହିଛି। ଗେଜେଟ୍‌ ବାହାରିବା ପରେ ସମସ୍ତଙ୍କ ମନରେ ଥିବା ଅଳ୍ପ ବହୁତ ଦ୍ୱନ୍ଦ୍ୱ ସମୂର୍ଣ୍ଣ ଭାବେ ଦୂର ହୋଇପାରିବ।
-ଦୁର୍ଗାମାଧବ ପଣ୍ଡା, ଜିଲା ଶିକ୍ଷା ବିଭାଗ କର୍ମଚାରୀ

ଏବେ ସରକାରୀ କର୍ମଚାରୀ ଗଣତି ହେବୁ
ସରକାରୀ କାର୍ଯ୍ୟ କରୁଥିଲେ ବି ଠିକା ନିଯୁକ୍ତି ଯୋଗୁ ଅନେକ ସମୟରେ ମନରେ କଷ୍ଟ ହେଉଥିଲା। ସରକାରୀ ଦପ୍ତରରେ ବସି ମଧ୍ୟ ସରକାରୀ କର୍ମଚାରୀ ଭାବେ ଗଣାଯାଉ ନ ଥିଲୁ। ନିୟମିତ କର୍ମଚାରୀଙ୍କ ପରି ସମାନ କାମ କରୁଥିଲେ ବି ସମାନ ସମ୍ମାନ ମିଳୁ ନ ଥିଲା। ଏହି ପ୍ରଥା ଉଠିବା ପରେ ସରକାରୀ କର୍ମଚାରୀ ଭାବେ ଗଣତି ହେବୁ।
-ଲୀନାରାଣୀ ଗଡ଼ନାୟକ, ଠିକା କର୍ମଚାରୀ, ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ, ଅନୁଗୋଳ

ଠିକା କର୍ମଚାରୀଙ୍କ ପାଇଁ ଦୀପାବଳି ଉପହାର
ଦୀପାବଳି ପୂର୍ବରୁ ରାଜ୍ୟ ସରକାର ଚୁକ୍ତିଭିତ୍ତିକ କର୍ମଚାରୀମାନଙ୍କୁ ଉପହାର ଦେଇଥିବା ଭଳି ଲାଗୁଛି। ଏହି ବ୍ୟବସ୍ଥା ଉଚ୍ଛେଦ କରିବା ନେଇ କ୍ୟାବିନେଟ୍‌ରେ ନିଷ୍ପତ୍ତି ହେବା ପରେ ଅନୁଗୋଳ ଜିଲାର ଦେଢ଼ ହଜାର ଚୁକ୍ତିଭିତ୍ତିକ କର୍ମଚାରୀଙ୍କ ମୁହଁରେ ହସ ଫୁଟିଛି। ରାଜ୍ୟ ସରକାରଙ୍କ ବିଭିନ୍ନ ଯୋଜନାର ସଫଳ କାର୍ଯ୍ୟକାରିତା ଦିଗରେ ଏଣିକି ଏହି କର୍ମଚାରୀମାନେ ଅଧିକ ମନଧ୍ୟାନ ଦେଇ କାର୍ଯ୍ୟ କରିବେ।
-ଲିଲି ଗାଗରାଇ, ଠିକା କର୍ମଚାରୀ, ମହିଳା ଓ ଶିଶୁ ବିକାଶ ବିଭାଗ, ଅନୁଗୋଳ

(ଅମିତ କୁମାର ସାମଲ)


Enter your email to get our daily news in your inbox.

All Right Reserved By Dharitri.Com

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଡାକ୍ତର ବଦଳିକୁ ବିରୋଧ କରି ନାକରୁଣ୍ଡିରେ ଗଣଧାରଣା: ପୂର୍ବତନ ଡାକ୍ତରଙ୍କୁ ପୂରାଇ ଦେବୁନି ବୋଲି ଚେତାବନୀ ଦେଲେ ଅଞ୍ଚଳବାସୀ

ଥୁଆମୂଳ ରାମପୁର,୨୧।୧୧ (ଦୁର୍ଗା କୀର୍ତ୍ତି): : କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ନାକରୁଣ୍ଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ବଦଳି ଓ ନିଯୁକ୍ତିକୁ ନେଇ ସ୍ଥାନୀୟ…

ବାତ୍ୟା ବର୍ଷାରେ ଉଜୁଡ଼ିଲା ଚାଷୀଙ୍କ ସୁନା ଫସଲ; ରାଜକନିକାରେ ଜଳମଗ୍ନ ହେକ୍ଟର ହେକ୍ଟର ପାଚିଲା ଧାନ ଜମି; ତୁରନ୍ତ କ୍ଷୟକ୍ଷତି…

ରାଜକନିକା୨୧।୧୧(ସଞ୍ଜୟ କୁମାର ଦାଶ): ଆଉ ଦିନ କେଇଟା ପରେ ବିଲରୁ ସୁନା ଫସଲ ଅମଳ ହୋଇଥାନ୍ତା, ହେଲେ ବାତ୍ୟା ପ୍ରଭାବିତ ଲଗାଣ ବର୍ଷା ଚାଷୀଙ୍କ ସବୁ ସ୍ୱପ୍ନକୁ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଗୁଡାରି ବଂଶଧାରା ବିଜୁ ସେତୁ ରାସ୍ତାର ହେବ ନବକଳେବର; ମଞ୍ଜୁର ହେଲା ୨.୯୬ କୋଟି ଟଙ୍କା

ଗୁଡାରି,୨୧।୧୧(ପ୍ରମୋଦ କୁମାର ପତି ): ଗୁଡାରି ଅଞ୍ଚଳବାସୀଙ୍କ ଦୀର୍ଘ ଦିନର ପ୍ରତୀକ୍ଷାର ଅନ୍ତ ଘଟିଛି। ଗୁଡାରି ସହର ନିକଟସ୍ଥ ବାଦିଗୁଡା ଛକଠାରୁ ବଂଶଧାରା ବିଜୁ ସେତୁ ପର୍ଯ୍ୟନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?