ମୁମ୍ବାଇ: ବଲିଉଡର ମିଷ୍ଟର ପରଫେକ୍ସନିଷ୍ଟ ଆମିର ଖାନ ପୁଣିଥରେ ତାଙ୍କ ବ୍ୟକ୍ତିଗତ ଜୀବନ ପାଇଁ ଖବରର ଶିରୋନାମା ପାଲଟିଛନ୍ତି। ସେ ନିକଟରେ ତାଙ୍କ ପ୍ରେମିକା ଗୌରୀ ସ୍ପ୍ରେଟଙ୍କ ପ୍ରତି ତାଙ୍କର ଭାବନା ପ୍ରକାଶ କରିଛନ୍ତି। ଆମିର ଖାନ କହିଛନ୍ତି , ଦୃଦୟରୁ ମୁଁ ପୂର୍ବରୁ ଗୌରୀଙ୍କୁ ବିବାହ କରିସାରିଛି।
ଆମିର ଏବଂ ତାଙ୍କ ପ୍ରେମିକା ଗୌରୀ ବର୍ତ୍ତମାନ ମୁମ୍ବାଇର ଏକ ସୁନ୍ଦର ଆପାର୍ଟମେଣ୍ଟରେ ଏକାଠି ରହୁଛନ୍ତି। ସେମାନେ ବହୁତ ଦିନ ଧରି ଏକାଠି ଅଛନ୍ତି। ୨୦୨୫ରେ ଆମିର ତାଙ୍କ ୬୦ତମ ଜନ୍ମଦିନରେ ଗୌରୀଙ୍କୁ ତାଙ୍କ ପ୍ରେମିକା ଭାବରେ ସର୍ବସାଧାରଣଙ୍କ ସମ୍ମୁଖରେ ପରିଚିତ କରାଇଥିଲେ।
ଆମିର ଖାନ ଏକ ସାକ୍ଷାତକାରରେ ଗୌରୀଙ୍କୁ ବିବାହ କରିବାକୁ ତାଙ୍କର ହୃଦୟସ୍ପର୍ଶୀ ଇଚ୍ଛା ପ୍ରକାଶ କରିଥିଲେ। ତାଙ୍କ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ। ଆମିର ଏହା ମଧ୍ୟ କହିଥିଲେ ଯେ ସେମାନେ ଆଇନଗତ ଭାବରେ ବିବାହ କରିବେ କି ନାହିଁ ତାହା ପରେ ନିଷ୍ପତ୍ତି ନିଆଯିବ। ସେ କହିଥିଲେ ଯେ ସେମାନଙ୍କର ସମ୍ପର୍କ ବହୁତ ମଜବୁତ ଏବଂ ସେମାନେ ପରସ୍ପରକୁ ବହୁତ ଭଲ ପାଆନ୍ତି।
