ଖଡିଆଳ,୧୭।୯(ଡି.ଏନ.ଏ.)
ନୂଆପଡା ଜିଲା ଖଡିଆଳ ରାଜା ଆର୍ତ୍ତତ୍ରାଣ ଉଚ୍ଚ ବିଦ୍ୟାଳୟରେ ମାହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ଉପଲକ୍ଷେ ଖଡିଆଳ ବ୍ଲକସ୍ତରୀୟ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ପ୍ରଧାନଶିକ୍ଷକ ନକୁଲ ଶବରଙ୍କ ଅଧ୍ୟକ୍ଷତାରେ ମୁଖ୍ୟଅତିଥି ଗୋଷ୍ଠୀ ଶିକ୍ଷା ଅଧିକାରୀ ପ୍ରମୋଦ କୁମାର ପତି ଯୋଗଦାନ କରିଥିଲେ । ଶିକ୍ଷାବିତ ଗୌରାଙ୍ଗ କୁମାର ସାହୁ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଶିକ୍ଷକ ଅଶୋକ କୁମାର ବେହେରା ଧନ୍ୟବାଦ ଅର୍ପଣ କରିଥିଲେ। ବିଭିନ୍ନ ବିଭାଗ ବିଚାରକ ଭାବେ ଶିକ୍ଷାବିତ ସତୀଶ କୁମାର ପଟ୍ଟନାୟକ, ସବିତା ପଟ୍ଟନାୟକ, ପ୍ରଭାତୀ ମିଶ୍ର, ଆଦିତ୍ୟ ନାରାୟଣ ପଣ୍ଡା, ଯଶୋବନ୍ତ ନାରାୟଣ ପଣ୍ଡା, ପପୁ ସତନାମୀ, ଯୁଧିଷ୍ଠିର ମେହେର, ଗୋପାଳ କୃଷ୍ଣ ମେହେର ଦାୟୀତ୍ୱ ନିର୍ବାହ କରିଥିଲେ। ଚିତ୍ରାଙ୍କନ ପ୍ରତିଯୋଗିତାରେ ଛାତ୍ରୀ ଭୁପେନ୍ଦ୍ର ସୁନାନୀ ପ୍ରଥମ, କୃଷ୍ଣ ପ୍ରଧାନୀ ଦ୍ୱିତୀୟ, ପ୍ରଶାନ୍ତ କୁମାର ମେହେର ତୃତୀୟ। ଦେଶାତ୍ମକବୋଧକ ସଙ୍ଗୀତରେ ଝରଣା ଦୀପ ପ୍ରଥମ, ହର୍ଷିତା ନାଏକ ଦ୍ୱିତୀୟ, ରଶ୍ମିତା କୁମାର ତୃତୀୟ । ପ୍ରବନ୍ଧ ପ୍ରତିଯୋଗୀତାରେ ଉଦନ୍ତୀ ମେହେର ପ୍ରଥମ, ଉର୍ବଷୀ କୌବର୍ତ୍ତ ଦ୍ୱିତୀୟ ଓ ଅବନ୍ତିକା ପ୍ରଧାନ ତୃତୀୟ ସ୍ଥାନ ଅଧିକାର କରିଥିଲେ । ସେହିପରି ବକୃତାରେ ବବିତା ମେହେର, ଅରୁଷି ପଣ୍ଡା, ଝାନସୀ ନାଗ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ । ଏହି ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ରୀଛାତ୍ରମାନେ ଜିଲାସ୍ତରରେ ହେବାକୁ ଥିବା ପ୍ରତିଯୋଗିତାରେ ଅଂଶ ଗ୍ରହଣ କରିବେ । ଏହି କାର୍ଯ୍ୟକ୍ରମରେ ଶିକ୍ଷକ କୋମଳ ମେହେର, ଗଙ୍ଗାଧର ମହାଉତି, ଶିବ ପ୍ରସାଦ ସାହୁ ପ୍ରମୁଖ ସହଯୋଗ କରିଥିଲେ।
