ରାଞ୍ଚି,୨।୧୧: ଝାଡ଼ଖଣ୍ଡରେ ବିଧାନସଭା ନିର୍ବାଚନ ପାଇଁ ଭୋଟ ଦେବାର ତାରିଖ ଯେତେ ପାଖେଇ ଆସୁଛି, ରାଜନୈତିକ ଦଳ ମଧ୍ୟରେ କଥା କଟାକଟି ବଢିବାରେ ଲାଗିଛି। ଏବେ ଭାଜପାର ଅଭିଯୋଗକୁ ନେଇ କଂଗ୍ରେସ ପୁଣିଥରେ ପ୍ରତିକ୍ରିୟା ଦେଇଛି। କଂଗ୍ରେସ ଶନିବାର ଦାବି କରିଛି ଯେ ‘ଭାରତୀୟ ଜାତୀୟ ବିକାଶମୂଳକ ଅନ୍ତର୍ଭୂକ୍ତ ଆଲାଇନ୍ସ’ ବା ଇଣ୍ଡିଆନ ନ୍ୟାଶନାଲ ଡେଭଲପମେଣ୍ଟାଲ ଇନକ୍ଲୁସିଭ ଆଲାଏନ୍ସ (ଇଣ୍ଡିଆ) କାର୍ଯ୍ୟ ଆଧାରରେ ଝାଡ଼ଖଣ୍ଡ ବିଧାନସଭା ନିର୍ବାଚନରେ ଜନସାଧାରଣଙ୍କ ସମର୍ଥନ ଲୋଡିଛି, କିନ୍ତୁ ଘୃଣା ରାଜନୀତି କରି ଭାଜପା ଲୋକଙ୍କୁ ବିଭ୍ରାନ୍ତ କରିବାକୁ ଚେଷ୍ଟା କରୁଛି।
କଂଗ୍ରେସ ଦଳର ସାଧାରଣ ସମ୍ପାଦକ ଜୟରାମ ରମେଶ ଏହା ମଧ୍ୟ କହିଛନ୍ତି ଯେ ଝାଡ଼ଖଣ୍ଡର ଲୋକମାନେ କୌଣସି ପ୍ରକାର ପ୍ରତାରଣାରେ ପଡ଼ିବେ ନାହିଁ ଏବଂ କଂଗ୍ରେସ ସମର୍ଥିତ ମିଳିତ ମଞ୍ଚକୁ ପୁନର୍ବାର ସେବା କରିବାର ସୁଯୋଗ ଦେବ। ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏକ ପୋଷ୍ଟ କରି ରମେଶ ଲେଖିଛନ୍ତି ଯେ ଗତ ପାଞ୍ଚ ବର୍ଷ ମଧ୍ୟରେ ଝାଡ଼ଖଣ୍ଡର ‘ଇଣ୍ଡିଆ’ ମେଣ୍ଟ ସରକାର ରାଜ୍ୟବାସୀଙ୍କ ଉନ୍ନତି ପାଇଁ ଅନେକ ପଦକ୍ଷେପ ନେଇଛନ୍ତି। ଶିକ୍ଷାଠାରୁ ଆରମ୍ଭ କରି ସ୍ବାସ୍ଥ୍ୟ ପର୍ଯ୍ୟନ୍ତ ଏବଂ ଗୃହଠାରୁ ଆରମ୍ଭ କରି ସୁରକ୍ଷା ପର୍ଯ୍ୟନ୍ତ କ୍ଷେତ୍ରଗୁଡିକରେ ଉତ୍କୃଷ୍ଟ କାର୍ଯ୍ୟ କରାଯାଇଛି।
