ରୂପ୍ସା, ୧୭ା୮(ଡ଼ି.ଏନ.ଏ.): ବାଲେଶ୍ୱର ଜିଲା ସିଂଲା ଥାନା ଅଞ୍ଚଳର ଏକ ନାବାଳିକାଙ୍କୁ ଅସଦାଚରଣ ମାମଲାରେ ଗିରଫ ହୋଇଥିବା ନିମାଇଁ ଦଳାଇ ନାମକ ଯୁବକ ଶନିବାର କୋର୍ଟ ପରିସରରେ ପୋଲିସ ହେପାଜତ୍ରୁ ଫେରାର ହୋଇଯାଇଛନ୍ତି। ତାଙ୍କୁ ଖୁବ୍ଶୀଘ୍ର ଗିରଫ କରାଯିବ ବୋଲି ଆଇଆଇସି ସୁବ୍ରତ ବେହେରା କହିଛନ୍ତି।
୨୦୧୯ ଜାନୁୟାରୀରେ ଅଭିଯୁକ୍ତ ନିମାଇଁ ଜଣେ ୧୦ବର୍ଷର ନାବାଳିକାଙ୍କୁ ମିଥ୍ୟା ପ୍ରଲୋଭନ ଦେଖାଇ ସ୍ଥାନୀୟ ଝାଉଁ ଜଙ୍ଗଲକୁ ନେଇ ଅସଦାଚରଣ କରିଥିବା ଅଭିଯୋଗ ହୋଇଥିଲା। ଏନେଇ ଜାନୁୟାରୀ ୮ତାରିଖରେ ପୋଲିସ ଏକ ମାମଲା (ନଂ.୩/୧୯) ରୁଜୁ କରି ତଦନ୍ତ ଜାରି ରଖିଥିଲା। ୭ମାସ ପରେ ସିଂଲା ଆଇଆଇସି ସୁବ୍ରତ ବେହେରା ସଦଳବଳେ ଚଢାଉ କରି କଷାଫଳ ବଜାରରୁ ଅଭିଯୁକ୍ତ ନିମାଇଁଙ୍କୁ ଗିରଫ କରିବାରେ ସମର୍ଥ ହୋଇଥିଲେ ା ଗିରଫ ଅଭିଯୁକ୍ତଙ୍କୁ ଥାନାକୁ ଆଣି ମାମଲାର କାଗଜପତ୍ର ପ୍ରସ୍ତୁତ କରିଥିଲେ। ଥାନା ବାଇକ୍ ଯୋଗେ ଜଣେ କନଷ୍ଟେବଳ ଓ ଜଣେ ହୋମଗାର୍ଡଙ୍କ ସହ ଗିରଫ ଅଭିଯୁକ୍ତଙ୍କୁ କୋର୍ଟଚାଲାଣ ପାଇଁ ପଠାଯାଇଥିଲା ା ହେଲେ ପୋଲିସ ଆଖିରେ ଧୂଳି ଦେଇ ଅଭିଯୁକ୍ତ କୋର୍ଟ ପରିସରରୁ ଚମ୍ପଟ୍ ମାରିଥିଲେ। ଫଳରେ ପୋଲିସ କର୍ମଚାରୀଙ୍କୁ ଖାଲିହାତରେ ଫେରିବାକୁ ପଡିଥିଲା ା
