ଚେନ୍ନାଇ,୯।୧୧: ବିଶ୍ୱକପ୍ର ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍ରେ ନ୍ୟୁଜିଲାଣ୍ଡକୁ ୧୭୨ ରନ୍ର ଟାର୍ଗେଟ୍ ଦେଇଛି ଶ୍ରୀଲଙ୍କା। ଟସ ହାରି ପ୍ରଥମେ ବ୍ୟାଟିଂ କରିବାକୁ ଆସିଥିବା ଶ୍ରୀଲଙ୍କା ଦଳର ଆରମ୍ଭ ବହୁତ ଖରାପ ଥିଲା। ପ୍ରଥମ ଉଇକେଟ ତିନି ରନ ସ୍କୋରରେ ପଡିଥିଲା। ନିସଙ୍କା ତାଙ୍କ ଆକାଉଣ୍ଟ ମଧ୍ୟ ଖୋଲିପାରି ନ ଥିଲେ। ଏହା ପରେ କୁଶାଲ ପେରେରା ଦ୍ରୁତ ଗତିରେ ରନ ସ୍କୋର କରିଥିଲେ, କିନ୍ତୁ ଉଇକେଟ ଅନ୍ୟ ପଟେ ଚାଲିଥିଲା। କ୍ୟାପଟେନ କୁଶାଲ ମେଣ୍ଡିସ ୬ ରନ ସ୍କୋର କରିବା ପରେ ଆଉଟ ହୋଇଥିଲେ। ଗୋଟିଏ ରନ ସ୍କୋର କରିବା ପରେ ସମରୱିକ୍ରମା ଏବଂ ଚାରିଥ ଆସାଲଙ୍କା ୮ ରନ ସ୍କୋର କର ପାଭିଲିୟନକୁ ଫେରିଥିଲେ। ପାୱାରପ୍ଲେ ର ଶେଷ ଓଭରରେ କୁସାଲ ପେରେରା ମଧ୍ୟ ବ୍ୟକ୍ତିଗତ ସ୍କୋର ୫୧ ରନ୍ରେ ଆଉଟ ହୋଇଥିଲେ। ପାୱାରପ୍ଲେ ପରେ ଶ୍ରୀଲଙ୍କାର ସ୍କୋର ୭୪/୫ଥିଲା।
ଏହା ପରେ ରନ ଗତି ହ୍ରାସ ପାଇଲା, କିନ୍ତୁ ଉଇକେଟ ଆଉ ପଡି ନ ଥିଲା। ୧୬ ରନ ସ୍କୋର କରିବା ପରେ ଆଞ୍ଜେଲୋ ମାଥ୍ୟୁସ ଆଉଟ ହୋଇଥିଲେ ଏବଂ ଧନଞ୍ଜୟ ଡି ସିଲଭା ୧୯ ରନ ସ୍କୋର କରିବା ପରେ ଆଉଟ ହୋଇଥିଲେ। ଚାମିକା କରୁଣାତ୍ନେ ମଧ୍ୟ ୬ ରନ ଦୁଷ୍ମାନଥା ଚାମିରା ଗୋଟିଏ ରନ ସ୍କୋର କରିଥିଲେ। ଶେଷ ଉଇକେଟ ପାଇଁ ମହିଷ ଟିକସିନା ଦିଲଶାନ ମଦୁଶଙ୍କାଙ୍କ ସହ ୪୩ ରନର ଭାଗିଦାରୀ କରିଥିଲେ। ନ୍ୟୁଜିଲାଣ୍ଡ ପାଇଁ ଟ୍ରେଣ୍ଟ ବୋଲ୍ଟ ୩ଟି ଉଇକେଟ ନେଇଥିଲେ। ଲକି ଫର୍ଗୁସନ, ମିଚେଲ ସାଣ୍ଟନର୍, ରାଚିନ ରବିନ୍ଦ୍ର ଦୁଇଟି ଲେଖାଏ ଉଇକେଟ ନେଇଥିଲେ। ସେମିଫାଇନାଲ ଖେଲିବାକୁ ହେଲେ ନ୍ୟୁଜିଲାଣ୍ଡ ପାଇଁ ଏହି ମ୍ୟାଚ୍ ଗୁରୁତ୍ୱପୂର୍ଣ୍ଣ। କେବଳ ବିଜୟ ନୁହେଁ ନ୍ୟୁଜିଲାଣ୍ଡକୁ ଭଲ ରନ୍ ରେଟ୍ରେ ଏହି ମ୍ୟାଚ୍ ଜିତିବାକୁ ପଡ଼ିବ।
