କରାଚୀ,୩।୮(ପିଟି)- ଶ୍ରୀଲଙ୍କା କ୍ରିକେଟର ଦୁଇଜଣିଆ ପ୍ରତିନିଧି ଦଳ ବୁଧବାର ପାକିସ୍ତାନ ଗସ୍ତ କରିବେ। ସେମାନେ ସେଠାକାର ସୁରକ୍ଷା ବ୍ୟବସ୍ଥା ଯାଞ୍ଚ କରିବେ। ସେମାନଙ୍କ ନିଷ୍ପତ୍ତି ଉପରେ ଆସନ୍ତା ଅକ୍ଟୋବରରେ ହେବାକୁ ଥିବା ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପ ସିରିଜ୍ର ଭାଗ୍ୟ ନିର୍ଦ୍ଧାରଣ ହେବ। ପାକିସ୍ତାନ କ୍ରିକେଟ ବୋର୍ଡ (ପିସିବି) ଅଧ୍ୟକ୍ଷ ଈଶାନ ମାନି କହିଛନ୍ତି, ଶ୍ରୀଲଙ୍କା କ୍ରିକେଟର ପ୍ରତିନିଧି ଦଳ କରାଚୀ, ଲାହୋର ଓ ଇସ୍ଲାମାବାଦ ଭେନ୍ୟୁ ଏବଂ ଦଳୀୟ ହୋଟେଲର ସୁରକ୍ଷା ବ୍ୟବସ୍ଥା ଯାଞ୍ଚ କରିବେ। ଏହାବାଦ୍ ସେମାନେ ପୋଲିସ ଓ ସୁରକ୍ଷା ବ୍ୟବସ୍ଥାରେ ନିଯୁକ୍ତ ହେବାକୁ ଥିବା ଅଫିସିଆଲଙ୍କ ସହ ବୈଠକରେ ଯୋଗଦେବେ। ଉଲ୍ଲେଖଥାଉ କି, ୨୦୦୯ରେ ଶ୍ରୀଲଙ୍କା ଦଳ ଉପରେ ଆତଙ୍କବାଦୀ ଆକ୍ରମଣରେ କୌଣସି ବଡ଼ ଦଳ ପାକିସ୍ତାନ ଗସ୍ତ କରୁ ନାହାନ୍ତି। ଶ୍ରୀଲଙ୍କା ଦଳ ପିସିବିର ଅନୁରୋଧ ରକ୍ଷା କରିବ ବୋଲି ମାନି ଆଶା ପ୍ରକଟ କରିଛନ୍ତି। ଏବେ ପିସିବି ଅନ୍ୟ ବୋର୍ଡଙ୍କୁ ବୁଝାଇବାକୁ ଉଦ୍ୟମ କରିବ।
