କଲମ୍ବୋ,୮।୩: ଗତ ବର୍ଷ ଶ୍ରୀଲଙ୍କା ପାଇଁ ସବୁଠାରୁ ଖରାପ ପର୍ଯ୍ୟାୟ ଥିଲା। ଆର୍ଥିକ ବିପର୍ଯ୍ୟୟ ଶ୍ରୀଲଙ୍କାର ମୂଳଦୁଆକୁ ଥରାଇ ଦେଇଥିଲା। ପ୍ରଧାନମନ୍ତ୍ରୀଙ୍କଠାରୁ ଆରମ୍ଭ କରି ଅନ୍ୟ ବଡ ନେତାମାନେ ମଧ୍ୟ ଦେଶ ଛାଡିଥିଲେ ଏବଂ ବିରୋଧ ପ୍ରଦର୍ଶନ କରୁଥିବା ଜନସାଧାରଣ ରାଷ୍ଟ୍ରପତି ଭବନକୁ ଦଖଲ କରିଥିଲେ। ଏବେ ଶ୍ରୀଲଙ୍କା ପରିସ୍ଥିତି ଧୀରେ ଧୀରେ ସୁଧୁରୁଛି। ଶ୍ରୀଲଙ୍କାର ବୈଦେଶିକ ମନ୍ତ୍ରୀ ଅଲି ସାବ୍ରେ ଭାରତ ବିଷୟରେ ଏକ ବଡ଼ କଥା କହିଛନ୍ତି। ସେ ଏକ କାର୍ଯ୍ୟକ୍ରମରେ କହିଛନ୍ତି, ଯେତେବେଳେ ଆମେ ଏକ ବଡ଼ ସଙ୍କଟର ସମ୍ମୁଖୀନ ହେଉଥିଲୁ, ଭାରତ ଅନ୍ୟ ଦେଶ ଅପେକ୍ଷା ଶ୍ରୀଲଙ୍କାକୁ ଅଧିକ ସାହାଯ୍ୟ କରିଥିଲା। ଭାରତ ସରକାର ଆର୍ଥିକ ସଙ୍କଟରୁ ଦେଶକୁ ସାହାଯ୍ୟ କରିବା ପାଇଁ କିଛି ନିର୍ଭିକ ନିଷ୍ପତ୍ତି ନେଇଥିବାବେଳେ ଭାରତୀୟ ଜନସାଧାରଣ ମଧ୍ୟ ଶ୍ରୀଲଙ୍କାକୁ ସମର୍ଥନ କରିବାକୁ ଆଗେଇ ଆସିଥିଲେ। ଏହା ଏକ ବଡ଼ କଥା ଥିଲା।
ସାବ୍ରେ ଭାରତକୁ ପ୍ରକୃତ ବନ୍ଧୁ ବୋଲି ମଧ୍ୟ କହିଛନ୍ତି। ଖରାପ ସମୟ ଆସିବା ପରେ ତୁମର ପ୍ରକୃତ ବନ୍ଧୁ କିଏ ଜଣାପଡେ। ଆମ ବିପଦ ସମୟରେ ଭାରତ ଆମ ପାଖରେ ଛିଡା ପ୍ରକୃତ ବନ୍ଧୁତାର ପରିଚୟ ଦେଇଛି। ତେଣୁ ଭାରତ ପାଖରେ ଆମେ ଚିର କୃତଜ୍ଞ।
