ଲଣ୍ଡନ,୧ା୩: କଏଦୀମାନଙ୍କୁ କିପରି ଜେଲ୍ ଭିତରକୁ ମୋବାଇଲ ଯୋଗାଇ ଦିଆଯାଉଛି ଏବଂ ସେମାନେ ଭିତରେ ଥାଇ ଅପରାଧ ଦୁନିଆରେ ଆତଙ୍କ ସୃଷ୍ଟି କରୁଛନ୍ତି, ତାହା ବହୁବାର ଦେଖିଥିବେ ବା ଶୁଣିଥିବେ। ବ୍ରିଟେନରେ ଠିକ୍ ଏହିଭଳି ଏକ ଘଟଣା ଘଟିଛି। ଯାହା ସମସ୍ତଙ୍କୁ ଚକିତ କରିଛି। ଏଠାରେ ଜେଲରେ ଥିବା ଜଣେ କଏଦୀଙ୍କଠାରୁ କେବଳ ଏକ ଫୋନ୍ ମିଳି ନ ଥିଲା, ଏହା ସହିତ ଜଣେ ମହିଳା ପୋଲିସଙ୍କ ଅଶ୍ଳୀଳ ଫଟୋ ମଧ୍ୟ ଦେଖିବାକୁ ମିଳିଥିଲା। ଯାହା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି।
ଏକ ରିପୋର୍ଟ ଅନୁଯାୟୀ, ୨୫ ବର୍ଷୀୟା ରାଚେଲ ମାର୍ଟିନ ଏଚ୍ଏମ୍ପି ଗାଇଜ୍ ମାର୍ଶରେ ଜଣେ ଗାର୍ଡ଼ ଥିଲେ ଏବଂ ସେଠାରେ ସେ ରେମଣ୍ଡ ଆବ୍ରାହମ ନାମକ ଜଣେ ୪୦ ବର୍ଷୀୟ ଅନ୍ତେବାସୀଙ୍କ ସହ ପ୍ରେମସମ୍ପର୍କ ସ୍ଥାପନ କରିଥିଲେ। ଆଶ୍ଚର୍ଯ୍ୟଜନକ କଥା ହେଉଛି ରାଚେଲ ଆବ୍ରାହମଙ୍କର ଏକ ବଡ଼ ରହସ୍ୟ ବିଷୟରେ ଜାଣିଥିଲେ, ତଥାପି ସେ ଅନ୍ୟ କୌଣସି ପୋଲିସ କର୍ମଚାରୀଙ୍କୁ ଏ ବିଷୟରେ ଜଣାଇ ନ ଥିଲେ। ରହସ୍ୟ ଥିଲା ଆବ୍ରାହମଙ୍କ ପାଖରେ ମୋବାଇଲ ଥିବା ସତ୍ତ୍ୱେ ଅନ୍ୟ କୌଣସି ଜେଲ୍ କର୍ମଚାରୀ ଜାଣିପାରି ନ ଥିଲେ।
ଯେତେବେଳେ ସେହି ଫୋନ୍ ଖୋଜା ଯାଇଥିଲା, ସେଥିରୁ ରାଚେଲଙ୍କ ଅଶ୍ଳୀଳ ଫଟୋ ମିଳିଥିଲା। ପରେ ଜଣାପଡ଼ିଥିଲା ରାଚେଲ ସେହି ଫଟୋ ପଠାଇବା ପରିବର୍ତ୍ତେ ଆବ୍ରହମଙ୍କଠାରୁ ଟଙ୍କା ଲୁଟି ଚାଲିଥିଲେ। କେବଳ ଏତିକି ନୁହେଁ, ସେ ଜେଲରେ ଆବ୍ରାହମଙ୍କୁ ମହିଳା ପୋଷାକ ଯୋଗାଉଥିଲେ। ବୋର୍ନମାଉଥ କ୍ରାଉନ କୋର୍ଟରେ ଏହା ପ୍ରକାଶ ପାଇଥିଲା। ଉଭୟଙ୍କ ସମ୍ପର୍କ ୧ ନଭେମ୍ବର ୨୦୨୦ରୁ ଆରମ୍ଭ ହୋଇଥିଲା।ଏହି ସମୟରେ ରାଚେଲ ଆବ୍ରାହମଙ୍କଠାରୁ ଟଙ୍କା ଲୁଟି ନେଇଥିଲେ। ଯେତେବେଳେ ବ୍ୟାଙ୍କ ଟ୍ରାନ୍ସଫର ଏବଂ ନଗଦ ଜମା ହିସାବ କରାଯାଇଥିଲା, ସେତେବେଳେ ଜଣାପଡ଼ିଥିଲା, ରାଚେଲ ତାଙ୍କ ଫଟୋ ବଦଳରେ କଏଦୀଙ୍କ ଠାରୁ ମୋଟ୍ ୧୨ ଲକ୍ଷ ଟଙ୍କା ଲୁଟି ନେଇଛନ୍ତି।
