ନୂଆଦିଲ୍ଲୀ,୧୭ ।୯: ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନିଷ ସିସୋଡିଆ କେନ୍ଦ୍ର ସରକାରଙ୍କ ଉପରେ ପୁଣିଥରେ ବର୍ଷିଛନ୍ତି । ଶନିବାର ସକାଳେ ସେ ଏକ ଟୁଇଟ କହି କହିଛନ୍ତି, ପ୍ରଥମେ ସତ୍ୟେନ୍ଦ୍ର ଜୈନଙ୍କୁ ଗିରଫ କରାଗଲା, ହେଲେ କୋର୍ଟରେ ତାଙ୍କ ବିରୋଧରେ କୌଣସି ପ୍ରମାଣ ମିଳିଲା ନାହିଁ । ଏହାପରେ ମୋ ଘରେ ରେଡ ହେଲା କିଛି ମିଳିଲା ନାହିଁ । ପୁଣି କୈଳାଶ ଗେହଲୋଟଙ୍କ ବିରୋଧରେ ଏକ ଫର୍ଜି ଯାଞ୍ଚ ଆରମ୍ଭ କରାଗଲା ଆଉ ଏବେ ଅମାନତୁଲ୍ଲାହ ଖାଁଙ୍କୁ ଗିରଫ କରାଯାଇଛି । ଆମ ଆଦମୀ ପାର୍ଟି(ଏଏପି)ର ପ୍ରତ୍ୟେକ ନେତାଙ୍କୁ ଅଲଗା କରିବାକୁ ଅପରେଶନ ଲୋଟସ ଜାରି ରଖାଯାଇଛି ।
ସିସୋଡିଆ ଅମାନତୁଲ୍ଲାହ ଖାଁଙ୍କ ଏକ ଟୁଇଟକୁ ରିଟୁଇଟ କରି କରିଛନ୍ତି, ଏଥିରେ ଲେଖାଯାଇଛି, ‘ଅମାନତ ସାହେବଙ୍କ #ACB କାର୍ଯ୍ୟାଳୟ ଯିବା ପରେ ପୋଲିସ ଅଧିକାରୀ ଘରେ ପହଞ୍ଚି ତଲାସି ନେଲେ । ଏହି ଭିଡିଓରେ ସ୍ପଷ୍ଟ ଶୁଣାଯାଉଛି ଯେ ପୋଲିସ ଅଧିକାରୀ କହୁଛନ୍ତି ତଲାସି ବେଳେ କିଛି ମିଳିଲା ନାହିଁ । ହେଲେ ଲୋକତନ୍ତ୍ରର ଚତୁର୍ଥ ସ୍ତମ୍ଭ କୁହାଯାଉଥିବା ଗଣମାଧ୍ୟମ ଭୁଲ ଖବର ପ୍ରଚାର ପ୍ରସାର କରି ଭ୍ରମ ସୃଷ୍ଟି କରୁଛନ୍ତି ।
