ଜମ୍ମୁ, ୪।୯ : ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ଛାଡିଥିବା ବରିଷ୍ଠ ନେତା ଗୁଲାମ ନବୀ ଆଜାଦ ରବିବାର ଜମ୍ମୁର ସୈନିକ କଲୋନୀରେ ଏକ ସାଧାରଣ ସଭାରେ ସମ୍ବୋଧିତ କରିଛନ୍ତି। ତାଙ୍କ ସମର୍ଥକଙ୍କୁ ସମ୍ବୋଧିତ କରି ସେ କହିଛନ୍ତି ଯେ ସେ ଜମ୍ମୁ-କଶ୍ମୀରର ଲୋକଙ୍କ ସହ ଛିଡା ହୋଇଛନ୍ତି। ରାଜ୍ୟର ୭୩ ବର୍ଷ ବୟସ୍କା ଭେଟେରାନ ନେତା ଆଜାଦ ତାଙ୍କ ନୂତନ ରାଜନୈତିକ ଦଳର ଗଠନ ତଥା ନାମ ଘୋଷଣା କରିବାର ସମ୍ଭାବନା ରହିଥିଲା। ସେ ତାଙ୍କ ଦଳର ଗଠନ ବିଷୟରେ କହିଥିଲେ କିନ୍ତୁ ଏହାର ନାମ ଘୋଷଣା କରିନାହାଁନ୍ତି।
ଆଜାଦ ସୂଚନା ଦେଇଥିଲେ ମୁଁ ଏପର୍ଯ୍ୟନ୍ତ ମୋ ଦଳର ନାମ ସ୍ଥିର କରି ନାହିଁ। ଜମ୍ମୁ-କଶ୍ମୀରର ଲୋକମାନେ ଦଳର ନାମ ଏବଂ ପତାକା ସ୍ଥିର କରିବେ। ମୁଁ ମୋ ପାର୍ଟିକୁ ଏକ ହିନ୍ଦୁସ୍ତାନୀ ନାମ ଦେବି ଯାହା ସମସ୍ତେ ବୁଝିପାରିବେ। ମୋର ଦଳ ରାଜ୍ୟର ପୁନରୁଦ୍ଧାର, ଜମି ଅଧିକାର ଏବଂ ମୂଳବାସିନ୍ଦାଙ୍କ ରୋଜଗାର ଉପରେ ଧ୍ୟାନ ଦେବ।
ଆଜାଦ ଗତ ସପ୍ତାହରେ କହିଥିଲେ ଯେ ସେ ଖୁବ ଶୀଘ୍ର ଏକ ନୂଆ ପାର୍ଟି ଆରମ୍ଭ କରିବେ। ଜମ୍ମୁ-କଶ୍ମୀରରେ ନିର୍ବାଚନ ହେବାକୁ ଥିବା ଅଞ୍ଚଳରେ ଦଳର ପ୍ରଥମ ୟୁନିଟ ଗଠନ ହେବ ବୋଲି ସେ କହିଛନ୍ତି।
