ଭୁବନେଶ୍ୱର,୫।୮:ଦେଶର ପ୍ରମୁଖ ଦୁଇ ଓ ତିନି ଚକିଆ ଯାନ ନିର୍ମାତା ‘ଟିଭିଏସ୍ ମୋଟର’ ପକ୍ଷରୁ ଓଡ଼ିଶା ବଜାରରେ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ରେଟ୍ରୋ ମୋଟର ସାଇକେଲ ‘ନ୍ୟୁ ଟିଭିଏସ୍ ରୋନିନ୍’କୁ ଗୁରୁବାର ସ୍ଥାନୀୟ ଖଣ୍ଡଗିରିର ଏକ ହୋଟେଲ ପରିସରରେ ଉନ୍ମୋଚନ କରାଯାଇଛି। ଏହା ଜରିଆରେ କମ୍ପାନୀ ତା’ର ୧୧୦ ବର୍ଷର ଲମ୍ବା ପରମ୍ପରା, ଅଗ୍ରଣୀ ପ୍ରଯୁକ୍ତି ଓ ନବସୃଜନକୁ ଆଗକୁ ବଢ଼ାଇବ। ଟିଭିଏସ୍ ମୋଟରର ପ୍ରିମିୟମ ବ୍ୟବସାୟ ମୁଖ୍ୟ ବିମଳ ସୁମ୍ବଲି କହିଛନ୍ତି, ବିଶ୍ୱ ସ୍ତରରେ ମୋଟରସାଇକେଲର ଚାଳନା ବଦଳୁଛି। ଏହା କାର୍ଯ୍ୟର ଉଦ୍ଦେଶ୍ୟ ସାଧନ କରିବାଠାରୁ ଆଗକୁ ବଢ଼ି ଆତ୍ମପ୍ରକାଶ, ସ୍ବାଧୀନତା ଓ ଅନୁସନ୍ଧାନ ପାଇଁ ଆଗ୍ରହ ପର୍ଯ୍ୟନ୍ତ ପହଞ୍ଚତ୍ଛି।
ଟିଭିଏସ୍ ରୋନିନ୍ର ବିବିଧ ସୁବିଧା ସୁଯୋଗ ସହ ସ୍ବତନ୍ତ୍ର ଡିଜାଇନ୍ ଓ ଆଧୁନିକ ପ୍ରଯୁକ୍ତି ଯୋଗୁ ଏହା ସବୁ ପ୍ରକାର ରାସ୍ତାରେ ଚାପ ମୁକ୍ତ ଗାଡ଼ି ଚାଳନା ଅନୁଭୂତିକୁ ନିଶ୍ଚିତ କରିବ। ଆକର୍ଷଣୀୟ ପ୍ରଯୁକ୍ତି ଓ ଡୁଆଲ ଚ୍ୟାନେଲ ଏବିଏସ୍, ଭଏସ୍ ଆସିଷ୍ଟାଣ୍ଟ ଓ ଉନ୍ନତ କନେକ୍ଟିଭିଟି ଭଳି ସୁବିଧା ସୁଯୋଗ ସହ ଅନେକ ଜ୍ଞାନକୌଶଳର ସୁବିଧା ପ୍ରଥମ ଥର ପାଇଁ ଏଥିରେ ବ୍ୟବହାର କରାଯାଇଛି। ଟିଭିଏସ୍ ରୋନିନ୍ ୩ଟି ଭାରିଆଣ୍ଟରେ ଉପଲବ୍ଧ। ଟିଭିଏସ୍ ରୋନିନ୍ ଏସ୍ଏସ୍ର ଦାମ୍ ୧,୪୯,୦୦୦ ଟଙ୍କା, ଟିଭିଏସ୍ ରୋନିନ୍ ଡିଏସ୍ର ଦାମ୍ ୧,୫୬,୫୦୦ ଟଙ୍କା ଓ ଟପ୍ ଭାରିଆଣ୍ଟ ଟିଭିଏସ୍ ରୋନିନ୍ ଟିଡିର ଦାମ୍ ୧,୬୮,୭୫୦ ଟଙ୍କା (ଏକ୍ସ ଶୋ’ରୁମ୍, ଓଡ଼ିଶା) ରହିଛି।
