କାଲିଫର୍ନିଆ,୪ ।୧୨: ଅମେରିକା ଓ ସ୍ୱିଡେନରେ ୧୯୮୩ରୁ ୨୦୧୩ ମଧ୍ୟରେ ଜନ୍ମ ନେଇଥିବା ପାଖାପାଖି ୬୦ ଲକ୍ଷ ଶିଶୁ ଓ ଏହାର ପରିବେଶର ଅଧ୍ୟୟନକୁ ଆଧାର କରି ଏକ ନୂଆ ତଥ୍ୟ ପ୍ରକାଶ କରାଯାଇଛି । ଏଥିରେ କୁହାଯାଇଛି କି ପାଣି ଓ ପବନ ଅଧିକ ପ୍ରଦୂଷଣ ଯୋଗୁ ଅଧିକ ସଂଖ୍ୟକ ପୁତ୍ର ସନ୍ତାନ ଜନ୍ମଲାଭ କରିଛନ୍ତି । ହେଲେ ବିଶେଷଜ୍ଞମାନେ ସଫେଇ ଦେଇଛନ୍ତି କି କନ୍ୟା ସନ୍ତାନ ଅବା ପୁତ୍ର ସନ୍ତାନ ଜନ୍ମ ନେବା ସହ ପ୍ରଦୂଷିତ ପରିବେଶର କ’ଣ ଭୂମିକା ରହିଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏହା କେବଳ ଜନ୍ମହାର ଓ ପରିବଶର ପରିସ୍ଥିତିକୁ ଦେଖି ଏକ ରିପୋର୍ଟ ଦିଆଯାଇଛି । ଏହି ଅଧ୍ୟୟନ ଶିକାଗୋ ବିଶ୍ୱବିଦ୍ୟାଳୟରେ ଆନ୍ଦ୍ରେ ଜେଟେକ୍ସି କି କହିଛନ୍ତି ଓ ଏହା ପିଏଲ୍ଓଏସ୍ କମ୍ପ୍ୟୁଟେଶନାଲ ବାୟୋଲୋଜି ଜର୍ନାଲରେ ପ୍ରକାଶ କରାଯାଇଛି ।
ବିଜ୍ଞାନ କହୁଛି ପୁଅ ଅବା ଝିଅ ଜନ୍ମ ହେବା ପାଇଁ ପୁରୁଷଙ୍କ କ୍ରୋମୋଜୋମ, ଗର୍ଭାବସ୍ଥାରେ ସ୍ତ୍ରୀ ଭ୍ରୁଣକୁ ଟ୍ରାନ୍ସମିଟ କରୁଥିବା ହରମୋନ ଯୋଗୁ ହୋଇଥାଏ । ତେବେ କିଛି ଅଧ୍ୟୟନ ପୂର୍ବରୁ ପ୍ରଦୂଷଣ, ପାଣିପାଗ ଓ ବ୍ୟକ୍ତିର ମାନସିକ ଚାପ ଆଦିକୁ ମଧ୍ୟ ଏହା ସହ ଯୋଡା ଯାଇଛି ।
