ମୁମ୍ବାଇ: ସବୁବେଳେ ଦେଖାଯାଇଛି କି ବଲିଉଡ୍ ଷ୍ଟାର କିଡ୍ମାନେ ନିଜ ପ୍ୟାରେଣ୍ଟସଙ୍କ ପଥ ଅନୁସରଣ କରି ବଲିଉଡ୍ରେ ପ୍ରବେଶ କରିବାକୁ ବହୁ ଚେଷ୍ଟା କରିଥାଆନ୍ତି । ଷ୍ଟାର କିଡମାନେ ନିଜ ନିଜର ସ୍ଥାନ ତିଆରି କରିବାକୁ ବହୁ ପରିଶ୍ରମ ବି କରିଥାଆନ୍ତି । ହେଲେ ବଲିଉଡ ସୁପରଷ୍ଟାର ସଞ୍ଜୟ ଦତ୍ତଙ୍କ ଝିଅ ତ୍ରିଶାଳା ସମସ୍ତଙ୍କଠାରୁ ଟିକେ ଭିନ୍ନ । ସଞ୍ଜୟଙ୍କ ପ୍ରଥମ ସ୍ତ୍ରୀ ରିଚା ଶର୍ମାଙ୍କ ଝିଅ ହେଉଛନ୍ତି ତ୍ରିଶାଳା । ଏବେ ସେ ୟୁଏସ୍ଏରେ ରହୁଛନ୍ତି । ସେଠାରେ ସେ ସାଇକୋଥେରାପିଷ୍ଟ ଅଛନ୍ତି । ବଲିଉଡ୍ଠାରୁ ଦୂରରେ ଥିଲେ ବି ତ୍ରିଶାଳାଙ୍କ ଫ୍ୟାନ ଫଲୋଇଙ୍ଗସ୍ ବହୁ ଅଧିକ । ଇତିମଧ୍ୟରେ ୱିକେଣ୍ଡରେ ତ୍ରିଶାଳା ତାଙ୍କ ତାଙ୍କ ଇନଷ୍ଟାଗ୍ରାମରେ’AMA’ (Ask Me Anything) ) ସେଶନ ରଖିଥିଲେ । ଯେଉଁଥିରେ ତାଙ୍କ ପ୍ରଶଂସକମାନେ ତ୍ରିଶାଳାଙ୍କ କ୍ୟାରିୟର, ପ୍ୟାରେଣ୍ଟସ୍ ଓ ପର୍ସନାଲ ଲାଇଫ ବିଷୟରେ କଥା ହୋଇଥିଲେ । ଫ୍ୟାନମାନଙ୍କ ସହ ତ୍ରିଶାଳାବି ସବୁ ଶେୟାର କରିଥିଲେ ।
ଏହି ସମୟରେ ତ୍ରିଶାଳାଙ୍କ ବିବାହକୁ ନେଇ ଜଣେ ପ୍ରଶଂସକ ପ୍ରଶ୍ନ କରିବାରୁ ସେ ଉତ୍ତର ଦେଇଥିଲେ ୩୩ ବର୍ଷ ବୟସରେ ଡେଟିଂ କରିବା ଡିଜାଷ୍ଟର । ତେଣୁ ସେ ଜଣେ ପରଫେକ୍ଟଜେଣ୍ଟଲମ୍ୟାନ ଖୋଜୁଛନ୍ତି । ଯିଏ ତାଙ୍କୁ ସମ୍ମାନ ଦେଉଥିବେ, ଭଲପାଉଥିବେ ଓ ତାଙ୍କୁ ଆପ୍ରିସିଏଟ କରୁଥିବେ । ଯେଉଁଦିନ ସେହି ଜେଣ୍ଟଲମ୍ୟାନ ମିଳିଯିବେ ସେଦିନ ସେ ବିବାହ କରିନେବେ ବୋଲି କହିଛନ୍ତି । ଅନ୍ୟଜଣେ ଫ୍ୟାନ୍ ତାଙ୍କ ବଲିଉଡ୍ ଡବ୍ୟୁକୁ ନେଇ ପ୍ରଶ୍ନ କରିବାରୁ ଖୁବ୍ ସରଳ ଭାବେ ସେ ଏହାର ଉତ୍ତର ନା ବୋଲି କହି ଦେଇଥିଲେ । ଏଥିରୁ ସ୍ପଷ୍ଟ ହେଉଛି ସେ ତ୍ରିଶାଳା ବଲିଉଡ୍ରେ ଏଣ୍ଟ୍ରି କରିବାକୁ ଏବେ ରାଜି ନାହାନ୍ତି ।
