ବମ୍ବେ: ଖୁବ୍ଶୀଘ୍ର ଖୁସିଖବର ଦେଇପାରନ୍ତି ଟେଲି ଅଭିନେତ୍ରୀ କରିସ୍ମା ତନ୍ନା। କିଛିଦିନ ଧରି ସେ ଛୋଟ ପରଦାରୁ ଦୂରେଇ ଯାଇ ନିଜର ବ୍ରେକ୍କୁ ଉପଭୋଗ କରୁଛନ୍ତି। ଏସବୁ ମଧ୍ୟରେ ତାଙ୍କ ଜୀବନରେ କେହି ଖାସ୍ ଲୋକ ଆସିଯାଇଥିବା ନେଇ ଚର୍ଚ୍ଚା ହେଉଥିଲା। ଏବେ ତାଙ୍କୁ ନେଇ ନୂଆ ଚର୍ଚ୍ଚା ହେଉଛି। ତଦନୁଯାୟୀ ସେ ଏକ ରିୟଲ ଇଷ୍ଟେଟ୍ ବ୍ୟବସାୟୀ ବରୁଣ ବଙ୍ଗେରାଙ୍କୁ ଡେଟ୍ କରୁଥିଲେ। ଆଜି ଉଭୟ ନିର୍ବନ୍ଧ କରିନେଇଛନ୍ତି। ନିଜର ସୋସିଆଲ ମିଡିଆ ଆକାଉଣ୍ଟରେ ଶୁଭେଚ୍ଛା ଲେଖାଥିବା ଏକ କେକ୍ର ଫଟୋ ଶେୟାର କରିଛନ୍ତି।
କରିସ୍ମା-ବରୁଣ ପରସ୍ପରକୁ ଜଣେ ବନ୍ଧୁଙ୍କ ଜରିଆରେ ଜାଣଇଥିଲେ। ସେବେଠାରୁ ଉଭୟଙ୍କ ମଧ୍ୟରେ ଆନ୍ତରିକତା ବଢ଼ିଥିଲା। କିଛିଦିନ ଧରି ସେମାନେ ପରସ୍ପରକୁ ଡେଟ୍ କରି ଆସୁଥିଲେ। ଏକାଠି ଛୁଟି କଟାଇବାଠାରୁ ଆରମ୍ଭ କରି ପରସ୍ପର ସହ ଅଧିକ ସମୟ ବିତାଉଥିଲେ ସେ। ଏବେ ସମ୍ପର୍କକୁ ଆଉ ପାଦେ ଆଗକୁ ନେଇ ସେମାନେ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଥିବା କୁହାଯାଉଛି।
