ଆବୁଧାବି,୩।୧୧: ପାକିସ୍ତାନ ଅଧିନାୟକ ବାବର ଆଜାମ ଆଇସିସି ଟି୨୦ ବ୍ୟାଟରଙ୍କ ର଼୍ୟାଙ୍କିଙ୍ଗ୍ରେ ଇଂଲଣ୍ଡର ଦାଓ୍ବିଦ ମଲାନଙ୍କୁ ପଛରେ ପକାଇ ଶୀର୍ଷ ସ୍ଥାନ ହାସଲ କରିଛନ୍ତି। ଏବେ ମଲାନଙ୍କ ଠାରୁ ୩୬ ପଏଣ୍ଟ ଆଗରେ ଅଛନ୍ତି ବାବର (୮୩୪ ପଏଣ୍ଟ)। କ୍ୟାରିୟରରେ ୬ଷ୍ଠ ଥର ପାଇଁ ସେ ଅନ୍ତର୍ଜାତୀୟ ଟି୨୦ରେ ବ୍ୟାଟରଙ୍କ ତାଲିକାରେ ନଂ ୧ ର଼୍ୟାଙ୍କ ହାସଲ କରିଛନ୍ତି। ଟି୨୦ ଭଳି ଦିନିକିଆ ର଼୍ୟାଙ୍କିଙ୍ଗ୍ରେ ମଧ୍ୟ ଟପ୍ରେ ଅଛନ୍ତି ବାବର।
ଅନ୍ୟପକ୍ଷରେ ବୋଲରଙ୍କ ତାଲିକାରେ ମଧ୍ୟ ବଡ଼ ଧରଣ ପରିବର୍ତ୍ତନ ଦେଖିବାକୁ ମିଳିଛି। ଶ୍ରୀଲଙ୍କାର ଓ୍ବାନିନ୍ଦୁ ହାସରଙ୍ଗା ଟି୨୦ ବୋଲରଙ୍କ ମଧ୍ୟରେ ପୋଲ୍ ପୋଜିଶନ ହାସଲ କରିଛନ୍ତି। ପୂର୍ବରୁ ଶୀର୍ଷରେ ଥିବା ଦକ୍ଷିଣ ଆଫ୍ରିକାର ସ୍ପିନର ତାବରିଜ ଶାମସି ଏବେ ଦ୍ୱିତୀୟ ସ୍ଥାନକୁ ଖସି ଯାଇଛନ୍ତି।
