ଦୁବାଇ,୨୫।୧୦: ଭାରତ ବିପକ୍ଷରେ ବିଜୟ ପରେ ସମଗ୍ର ପାକିସ୍ତାନ ଏହି ସମୟରେ ଉତ୍ସବରେ ବୁଡି ରହିଛି। ଅଧିନାୟକ ବାବର ଆଜମଙ୍କୁ ସବୁଠି ପ୍ରଶଂସା କରାଯାଉଛି। ସେ ଏପରି କାର୍ଯ୍ୟ କରିଥିଲେ, ଯାହା ଇମ୍ରାନ ଖାନଙ୍କ ପରି ଜଣେ କିମ୍ବଦନ୍ତୀ ଅଧିନାୟକ ମଧ୍ୟ କରିପାରି ନ ଥିଲେ। ବାବର କେବଳ ଅଧିନାୟକତ୍ୱରେ ନୁହେଁ, ବ୍ୟାଟିଂରେ ମଧ୍ୟ ଚମତ୍କାର କରିଥିଲେ। ସେ ମହମ୍ମଦ ରିଜୱାନଙ୍କ ସହ ଏକ ଶତକୀୟ ଭାଗିଦାରୀ କରିଥିଲେ। ସେ ୬୮ ରନର ଅପରାଜିତ ଇନିଂସ ଖେଳିଥିଲେ। ଏହି ସମୟରେ ତାଙ୍କ ବାପାଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ଭିଡିଓରେ ସେ କାନ୍ଦୁଥିବାର ଦେଖାଯାଇଛି।
ଦୁବାଇରେ ଭାରତ-ପାକିସ୍ତାନ ମ୍ୟାଚ ଦେଖିବାକୁ ବାବର ଆଜାମଙ୍କ ପିତା ମଧ୍ୟ ପହଞ୍ଚିଥିଲେ। ଭିଡିଓରେ ଏହା ଦେଖିବାକୁ ମିଳେ ଯେ ସେ ଷ୍ଟାଡିୟମରେ ବସିଛନ୍ତି ଏବଂ ପାକିସ୍ତାନୀ ପ୍ରଶଂସକମାନେ ତାଙ୍କୁ ଚାରିଆଡ଼େ ଘେରି ରହିଛନ୍ତି। ସେ କୋହ ସମ୍ବରଣ କରି ପାରିନାହାନ୍ତି। ଦର୍ଶକ ତାଙ୍କୁ ଅଭିନନ୍ଦନ ଜଣାଇଛନ୍ତି। ଆଜାମଙ୍କ ସାନଭାଇ ମଧ୍ୟ ତାଙ୍କ ପିତାଙ୍କ ସହ ଉପସ୍ଥିତ ଥିଲେ।
ଆଇସିସି ଟି -୨୦ ବିଶ୍ୱକପ୍ର ସୁପର ୧୨ର ପ୍ରଥମ ମ୍ୟାଚ୍ରେ ପାକିସ୍ତାନ ଭାରତକୁ ୧୦ ଉଇକେଟରେ ହରାଇଛି। ୧୯୯୨ ପରେ ପ୍ରଥମଥର ପାଇଁ ପାକିସ୍ତାନ ବିଶ୍ୱକପରେ ଭାରତକୁ ପରାସ୍ତ କରିଛି।
Babar Azam's father was in tears as his son becomes the first ever Pakistani Captain to win a world Cup game against India#BabarAzam #MaukaMauka #INDvPAK pic.twitter.com/NFXvFNg4OF
— Fakhar Gill 🇵🇰 (@fakhar_tweets) October 24, 2021
