ଭୁବନେଶ୍ୱର,୮।୧୦(ବ୍ୟୁରୋ): ରାଜ୍ୟରେ ଦିନେ ବଢ଼ିଲେ ଦିନେ କମୁଛି କରୋନା ସଂକ୍ରମଣ। ପାର୍ବଣ ଋତୁ ଆରମ୍ଭ ହୋଇଥିବାରୁ ଏହି ସମୟରେ ଭିଡ ବୃଦ୍ଧି ପାଇବାର ଆଶଙ୍କା ଦେଖାଦେଇଛି। ଏହାକୁ ଦୃଷ୍ଟିରେ ରଖି ରାଜ୍ୟବାସୀଙ୍କ ସହଯୋଗ ଲୋଡିଛନ୍ତି ସରକାର। ସତର୍କତା ଅବଲମ୍ବନ ନ କଲେ ସଂକ୍ରମଣ ନିଶ୍ଚିତ ଭାବେ ବୃଦ୍ଧି ପାଇବ ବୋଲି ଡିଏମ୍ଏଇଟି ସିବିକେ ମହାନ୍ତି କହିଛନ୍ତି।
ଏହାଛଡ଼ା ଆସନ୍ତା ୩ ମାସ ସତର୍କ ରୁହ। ସହଯୋଗ ନ କଲେ ସଂକ୍ରମଣ ବଢ଼ିବ। ପାର୍ବଣ ସମୟରେ ସାମାଜିକ ଦୂରତା ରହୁ ନ ଥିବା ବେଳେ ମାସ୍କ ବ୍ୟବହାର କମ୍ ଦେଖିବାକୁ ମିଳେ। ଏହାକୁ ନଜରରେ ରଖି କେନ୍ଦ୍ର ସରକାର ୩ ମାସ ଯାଏ ଅଧିକ ସଚେତନ ରହିବାକୁ କହିଛନ୍ତି। ପାର୍ବଣ ସମୟରେ ଏହାକୁ ମାନିବାର ଆବଶ୍ୟକତା ଅଛି। ସାମାନ୍ୟ ଢ଼ିଲାପଣ ବିପଦକୁ ଡାକିପାରେ। ଏଥିରେ ସହଯୋଗ ନ କଲେ ଭବିଷ୍ୟତରେ ସଂକ୍ରମଣ ବଢ଼ିବାର କାରଣ ଆମେ ନିଜେ ସାଜିବା ବୋଲି ଡିଏମ୍ଇଟି କହିଛନ୍ତି। ସତର୍କତା ହିଁ ସଂକ୍ରମଣ ବୃଦ୍ଧି ଉପରେ ରୋକ ଲଗାଇପାରିବ। ରାଜ୍ୟ ସରକାର କେନ୍ଦ୍ର ସରକାରଙ୍କ ନିରନ୍ତର ଯୋଗାଯୋଗରେ ରହିଛନ୍ତି ବୋଲି ସେ ମଧ୍ୟ କହିଛନ୍ତି।
