ନୂଆଦିଲ୍ଲୀ,୧୬।୮: ଟୋକିଓ ଅଲିମ୍ପିକ୍ସ ୨୦୨୦ରେ ଅଂଶଗ୍ରହଣ କ୍ରିଥିବା ଭାରତୀୟ ଖେଳାଳିଙ୍କ ପାଇଁ ସୋମବାର ଏକ ଜଳଖିଆ ପାର୍ଟିର ଆୟୋଜନ ହୋଇଛି। ଏହି ପାର୍ଟିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗ ଦେଇ ଖେଳାଳିଙ୍କ ସହ ଜଳଖିଆ ଖାଇଥିଲେ। ଏହାସହ ବ୍ୟାଡମିଣ୍ଟନରେ ବ୍ରୋଞ୍ଚ ପଦକ ଜିତିଥିବା ପି.ଭି ସିନ୍ଧୁଙ୍କ ସହ ଆଇସକ୍ରିମ ମଧ୍ୟ ଖାଇଥିଲେ ମୋଦି। ଟୋକିଓ ଯିବା ପୂର୍ବରୁ ପ୍ରଧାନମନ୍ତ୍ରୀ ସିନ୍ଧୁଙ୍କ ସହ କଥାବାର୍ତ୍ତା ବେଳେ କହିଥିଲେ ଟୋକିଓରେ ତୁମର ସଫଳତା ପରେ ମୁଁ ତୁମ ସହିତ ଆଇସକ୍ରିମ ଖାଇବି। ଆଜି ଏହି ପ୍ରତିଶ୍ରୁତି ପ୍ରଧାନମନ୍ତ୍ରୀ ମୋଦି ପୂରଣ କରିଛନ୍ତି। ଏହି ପାର୍ଟି ବିଜେତା ଏବଂ ରାଜିତ ଖେଲାଳିଙ୍କ ସହ କିଛି ସମୟ ବିତାଇଥିଲେ ମୋଦି।
ସୂଚନାଯୋଗ୍ୟ, ନିକଟରେ ଶେଷ ହୋଇଥିବା ଟୋକିଓ ଅଲିମ୍ପିକ୍ସରେ ସର୍ବଶ୍ରେଷ୍ଠ ପ୍ରଦର୍ଶନରେ କରିଥିଲା ଭାରତ। ଗୋଟିଏ ସ୍ବର୍ଣ୍ଣ ପଦକ ସମେତ ମୋଟ ୭ଟି ପଦକ ଜିତିଥିଲା।
