ନୂଆଦିଲ୍ଲୀ,୭।୮: ଟୋକିଓ ଅଲିମ୍ପିକ୍ସରେ ବ୍ରୋଞ୍ଜ ପଦକ ହାସଲ କରିଥିବା ଭାରତୀୟ ପୁରୁଷ ହକି ଦଳ ଶନିବାର ପୂର୍ବପେକ୍ଷା ଗୋଟିଏ ସ୍ଥାନ ଉପରକୁ ଉଠିଛି। ଫଳରେ ଦଳଗତ ର଼୍ୟାଙ୍କିଙ୍ଗ୍ରେ ତୃତୀୟ ସ୍ଥାନ ହାସଲ କରିଛି ଭାରତୀୟ ଦଳ। ଏହା ଦର୍ଶାଇଛି ଏଫ୍ଆଇଏଚ୍ (ବିଶ୍ୱ ହକି ଫେଡେରେଶନ) ପକ୍ଷରୁ ପ୍ରକାଶ ପାଇଥିବା ଦଳଗତ ମାନ୍ୟତା। ହକି ଇତିହାସରେ ଏହା ଭାରତୀୟ ଦଳ ପାଇଁ ଶ୍ରେଷ୍ଠ ର଼୍ୟାଙ୍କିଙ୍ଗ୍।
୪୧ ବର୍ଷ ପରେ ହକିରେ ପଦକ ହାସଲ କରିଥିବା ଟିମ୍ ଇଣ୍ଡିଆ ଏବେ କେବଳ ଅଲିମ୍ପିକ୍ ଚାମ୍ପିୟନ ବେଲଜିୟମ ଓ ଉପବିଜେତା ଅଷ୍ଟ୍ରେଲିଆ ପଛକୁ ରହିଛି।
ନୂଆ ର଼୍ୟାଙ୍କିଙ୍ଗ୍ ପ୍ରକାଶ ପାଇବା ପରେ ଭାରତୀୟ ଦଳର ଅଧିନାୟକ ମନପ୍ରୀତ ସିଂ କହିଛନ୍ତି, ଖେଳ ପ୍ରତି ଆମ ସମର୍ପଣ ଓ ଭଲ ପାଇବା ଲାଗି ଆମକୁ ଏଭଳି ଫଳ ମିଳିଛି। ଏହି ର଼୍ୟାଙ୍କିଙ୍ଗ୍ ଓ ୪୧ ବର୍ଷ ପରେ ଅଲିମ୍ପିକ୍ ପଦକ ଦର୍ଶାଉଛି ଆମ ହକିର ଉତ୍ଥାନ ସମୟ ଆସିଯାଇଛି। ଆଉ ପଛକୁ ଫେରିବାର ନାହିଁ। ଆମେ ଆମ ପାଇଁ ଏକ ବେଞ୍ଚମାର୍କ ଧାର୍ଯ୍ୟ କରିଛୁ ଏବଂ ଆମେ ଏଠାରୁ ଆଗକୁ ଯିବାକୁ ଚାହୁଁ।
